آر ایس ایس کا مذموم ایجنڈا بے نقاب، مودی سرکار کا کامن سول کوڈ اقلیتوں کی شناخت مٹانے کی کوشش
اشاعت کی تاریخ: 31st, August 2025 GMT
بھارت میں اقلیتوں کے خلاف بڑھتے ہوئے مظالم نے ایک بار پھر مودی سرکار اور آر ایس ایس کے حقیقی عزائم کو بے نقاب کر دیا ہے۔ مودی حکومت کا نام نہاد "کامن سول کوڈ" اقلیتوں کی مذہبی اور سماجی شناخت ختم کرنے کی منظم سازش قرار دیا جا رہا ہے۔
آل انڈیا امام ایسوسی ایشن کے صدر ساجد راشدی نے کہا کہ مسلمانوں، سکھوں اور دیگر مذاہب کو ختم کرنا سراسر غلط ہے۔ یہ ملک آئین و قانون سے چلتا ہے، کسی مذہبی کتاب سے نہیں۔
انہوں نے کہا کہ موہن بھاگوت کا بار بار یہ کہنا کہ "ہندو راشٹرا ہے اور اس پر کوئی سمجھوتہ نہیں ہو سکتا" دیگر مذاہب کی توہین ہے۔
ساجد راشدی نے واضح کیا کہ اگر کامن سول کوڈ کا مطلب سب کے لیے برابر قانون ہے تو اسے سب پر یکساں لاگو کیا جائے، لیکن اگر مقصد صرف مسلمانوں اور سکھوں کے پرسنل لاء کو ختم کرنا ہے تو ایسا کوڈ کسی صورت قبول نہیں کیا جائے گا۔ انہوں نے کہا کہ مسلمان، سکھ، عیسائی سمیت کوئی بھی کمیونٹی اس کوڈ کو تسلیم نہیں کرے گی۔
انہوں نے مزید کہا کہ موہن بھاگوت دعویٰ کرتے ہیں کہ آر ایس ایس کا سیاست سے کوئی تعلق نہیں، لیکن ان کے بیانات سراسر سیاسی ہوتے ہیں۔
آل انڈیا مجلس اتحاد المسلمین کے رکن پارلیمنٹ اسد الدین اویسی نے بھی آر ایس ایس اور مودی حکومت کو شدید تنقید کا نشانہ بنایا۔ انہوں نے کہا کہ موہن بھاگوت مسلمانوں کو چوری کا سامان اور مغل بادشاہوں کی اولاد قرار دیتے رہے ہیں۔
اویسی نے سوال اٹھایا کہ کون ہے جو دھرم سنسدوں کو منظم کر رہا ہے اور مسلمانوں کی نسل کشی کے مطالبے کر رہا ہے؟ انہوں نے کہا کہ یہی تنظیمیں خواتین کی کھلے عام بے حرمتی اور مسلمانوں کے خلاف نفرت کو فروغ دے رہی ہیں۔
اویسی نے کہا کہ مودی کے دور حکومت میں مسلمانوں کے خلاف نفرت کو ادارہ جاتی شکل دی گئی ہے اور آر ایس ایس کی سرپرستی میں اقلیتوں کے خلاف نفرت انگیزی کو پروان چڑھایا جا رہا ہے۔
سیاسی و سماجی حلقوں کا کہنا ہے کہ آر ایس ایس کا مذموم مقصد بھارت میں یکسانیت، کنٹرول اور فرقہ وارانہ بالادستی قائم کرنا ہے۔ مودی کے بھارت میں مسلمانوں سمیت تمام اقلیتوں کی شناخت مٹانے کے لیے منظم کوششیں جاری ہیں اور انہیں معاشی، سماجی اور سیاسی طور پر امتیازی سلوک کا سامنا ہے جسے ریاستی سرپرستی حاصل ہے۔
ذریعہ
ذریعہ: Express News
کلیدی لفظ: انہوں نے کہا کہ آر ایس ایس کے خلاف رہا ہے
پڑھیں:
گلگت بلتستان انتخابات کو متنازع بنانے کی ہر کوشش جمہوریت کے خلاف ہے، حلیم عادل شیخ
صدر پی ٹی آئی سندھ نے کہا کہ عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔ اسلام ٹائمز۔ پاکستان تحریک انصاف سندھ کے صدر حلیم عادل شیخ نے کہا ہے کہ گلگت بلتستان کے آئندہ انتخابات کو متنازع بنانے کی کسی بھی کوشش سے گریز کیا جائے اور انتخابی عمل کو مکمل طور پر شفاف، غیر جانبدار اور منصفانہ بنایا جائے۔ انہوں نے کہا کہ گلگت بلتستان کے عوام کو اپنا ووٹ آزادانہ طور پر استعمال کرنے کا مکمل حق حاصل ہے اور کسی قسم کی مداخلت یا دباؤ جمہوری اقدار کے منافی ہوگا۔ حلیم عادل شیخ نے کہا کہ ملک میں سیاسی استحکام کا راستہ صرف آزاد، شفاف اور غیر جانبدار انتخابات سے ہو کر گزرتا ہے، عوامی مینڈیٹ پر ڈاکہ ڈالنے کی روایت نے ماضی میں پاکستان کو سیاسی اور معاشی بحرانوں سے دوچار کیا، اس لیے ضروری ہے کہ عوام کے فیصلے کا مکمل احترام کیا جائے۔ انہوں نے کہا کہ 8 فروری 2024ء کے عام انتخابات میں عوام نے اپنا واضح فیصلہ دیا تھا، تاہم عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔
حلیم عادل شیخ نے مطالبہ کیا کہ پاکستان تحریک انصاف کو گلگت بلتستان میں انتخابی مہم چلانے کے مساوی اور آئینی حقوق فراہم کیے جائیں تاکہ تمام سیاسی جماعتوں کو یکساں مواقع میسر آ سکیں۔ انہوں نے کہا کہ انتخابی عمل کو ہر قسم کے دباؤ، جانبداری اور غیر ضروری مداخلت سے پاک رکھا جائے تاکہ عوام اپنی مرضی کے نمائندوں کا انتخاب کر سکیں۔ انہوں نے کہا کہ گلگت بلتستان کے عوام باشعور ہیں اور وہ اپنے ووٹ کی طاقت سے حقیقی نمائندوں کا انتخاب کریں گے، عوام کا فیصلہ ہی جمہوریت اور پاکستان کے روشن مستقبل کی بنیاد ہے۔ انہوں نے اس امید کا اظہار کیا کہ پاکستان تحریک انصاف گلگت بلتستان کے انتخابات میں عوامی حمایت کے ساتھ بھرپور کامیابی حاصل کرے گی۔ حلیم عادل شیخ نے مزید کہا کہ سیاسی استحکام کے بغیر معاشی ترقی، سرمایہ کاری اور عوامی خوشحالی ممکن نہیں، لہذا تمام متعلقہ حکام اس امر کو یقینی بنائیں کہ انتخابات مکمل طور پر شفاف اور منصفانہ ہوں اور عوام کے مینڈیٹ کا ہر صورت احترام کیا جائے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ