سیلاب متاثرہ علاقوں میں بجلی کی بحالی، پاور ڈویژن کی رپورٹ جاری
اشاعت کی تاریخ: 1st, September 2025 GMT
اسلام آباد (نیوز ڈیسک) پاور ڈویژن نے یکم ستمبر 2025 تک سیلاب متاثرہ علاقوں میں بجلی کی بحالی سے متعلق رپورٹ جاری کر دی۔
رپورٹ کے مطابق پشاور الیکٹرک سپلائی کمپنی (پیسکو) کے علاقے سوات، بنر، شانگلہ، صوابی اور ڈیرہ اسماعیل خان میں 12 گرڈ اور 91 فیڈرز متاثر ہوئے۔ ان میں سے 85 فیڈرز مکمل اور 6 جزوی طور پر بحال کر دیے گئے ہیں۔ صوابی اور ڈیرہ اسماعیل خان میں بجلی کی بحالی مکمل ہو چکی ہے جبکہ سوات، بنر اور شانگلہ میں باقی متاثرہ فیڈرز کی بحالی 2 سے 7 دن میں متوقع ہے۔
گوجرانوالہ الیکٹرک سپلائی کمپنی (گیپکو) کے 10 گرڈ اور 87 فیڈرز متاثر ہوئے تھے جن میں سے 80 مکمل اور 7 جزوی طور پر بحال کر دیے گئے ہیں۔ لاہور الیکٹرک سپلائی کمپنی (لیسکو) کے لاہور، اوکاڑہ، شیخوپورہ، قصور اور ننکانہ کے 59 فیڈرز متاثر ہوئے جن میں سے 57 جزوی طور پر بحال ہیں۔ ان علاقوں میں مکمل بحالی 2 سے 5 ستمبر تک متوقع ہے۔
فیصل آباد الیکٹرک سپلائی کمپنی (فیسکو) کے تحت ٹوبہ ٹیک سنگھ، فیصل آباد، چنیوٹ، جھنگ، سرگودھا، میانوالی اور ڈیرہ اسماعیل خان میں 26 گرڈ اور 73 فیڈرز متاثر ہوئے۔ ان میں سے صرف ایک فیڈر مکمل بحال ہوا جبکہ 72 فیڈرز کو عارضی طور پر بحال کر دیا گیا ہے۔
ملتان الیکٹرک سپلائی کمپنی (میپکو) کے 114 متاثرہ فیڈرز کو عارضی طور پر بحال کر دیا گیا ہے۔ رپورٹ میں کہا گیا ہے کہ پانی اترتے ہی مکمل بحالی کا کام فوری شروع کر دیا جائے گا۔
ٹریبَل الیکٹرک سپلائی کمپنی (ٹیسکو) کے علاقے شمالی وزیرستان اور خیبر میں 10 فیڈرز متاثر ہوئے جن میں سے ایک مکمل اور چار فیڈرز عارضی طور پر بحال ہیں۔ ہزارہ الیکٹرک سپلائی کمپنی (ہیزیکو) کے مانسہرہ میں 3 متاثرہ فیڈرز میں سے 2 مکمل بحال ہو گئے ہیں۔
مجموعی طور پر ملک بھر میں 48 گرڈ اور 437 متاثرہ فیڈرز میں سے 169 مکمل اور 260 کو عارضی طور پر بحال کر دیا گیا ہے۔ پاور ڈویژن کے مطابق متاثرہ علاقوں میں بجلی کی مکمل بحالی ترجیحی بنیادوں پر جاری ہے۔
Post Views: 4.
ذریعہ
ذریعہ: Daily Mumtaz
کلیدی لفظ: الیکٹرک سپلائی کمپنی عارضی طور پر بحال فیڈرز متاثر ہوئے طور پر بحال کر متاثرہ فیڈرز میں بجلی کی علاقوں میں مکمل بحال کی بحالی مکمل اور گرڈ اور کر دیا گیا ہے
پڑھیں:
واشنگٹن میں لبنان اور اسرائیل کے درمیان مذاکرات شروع
اسرائیل کی جانب سے لبنان پر خون ریز حملوں کے بعد دونوں ممالک کے درمیان واشنگٹن میں مذاکرات شروع ہوگئے ہیں۔
الجزیرہ کی رپورٹ کے مطابق لبنان اور اسرائیل کے درمیان واشنگٹن میں شروع ہونے والے مذاکرات جنگ بندی مذاکرات کا تسلسل اور چوتھا دور ہے۔
لبنان کی سرکاری خبرایجنسی نے بتایا کہ لبنان اور اسرائیل کے درمیان مذاکرات کا چوتھا دور واشنگٹن میں امریکی اسٹیٹ ڈپارٹمنٹ کے ہیڈکوارٹرز میں شروع ہوگئے ہیں۔
رپورٹ میں بتایا گیا کہ مذاکرات کے لیے دونوں فریق کے نمائندے واشنگٹن پہنچے، جس کے بعد مذاکرات شروع ہوئے ہیں۔
قبل ازیں امریکی صدر ڈونلڈ ٹرمپ نے اسرائیلی وزیراعظم کو لبنان پر حملوں کے حوالے سے ٹیلی فون پر سخت الفاظ کا استعمال کیا تھا۔
رپورٹ میں دعویٰ کیا گیا تھا کہ ٹرمپ نے نیتن یاہو کو پاگل قرار دیا اور کہا کہ ہر کوئی تم سے نفرت کرتا ہے، اسی وجہ سے لوگ اسرائیل سے بھی نفرت کرتے ہیں۔
دوسری جانب لبنان پر اسرائیل کے حملے جاری ہیں جہاں جنوبی لبنان کے بڑے شہروں میں سے ایک نباطیہ پر شدید بم باری کی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ