پنجاب کے دریاؤں میں شدید سیلاب کا خطرہ، پی ڈی ایم اے کا ہائی الرٹ
اشاعت کی تاریخ: 2nd, September 2025 GMT
لاہور (نیوز ڈیسک) صوبائی ڈیزاسٹر منیجمنٹ اتھارٹی (پی ڈی ایم اے) نے خبردار کیا ہے کہ دریائے راوی، ستلج اور چناب میں پانچ ستمبر تک انتہائی اونچے درجے کے سیلاب کا خدشہ ہے۔
ذرائع کے مطابق گنڈا سنگھ کے مقام پر اونچے درجے کا سیلاب برقرار ہے جبکہ تین ستمبر تک دریاؤں کے بالائی حصوں میں بارشوں کا امکان ہے، جس سے لاہور، گوجرانوالہ اور گجرات میں اربن فلڈنگ کا خطرہ بڑھ گیا ہے۔
دریائے چناب کی صورتحال
دریائے چناب میں تباہ کاریاں جاری ہیں۔ طوفانی ریلے جھنگ تک جا پہنچے جس سے دو سو سے زائد دیہات زیر آب آ گئے۔ مظفر گڑھ کے قریب پانی کی سطح مسلسل بلند ہو رہی ہے۔ چنیوٹ کی تحصیل بھوانہ میں کئی بستیاں ڈوب چکی ہیں جبکہ شجاع آباد میں فصلیں متاثر ہوئیں۔ تریموں ہیڈ ورکس سے آٹھ سے نو لاکھ کیوسک کا ریلا گزر رہا ہے جس سے مزید چار سو دیہات زیر آب آنے کا خدشہ ہے۔
پی ڈی ایم اے پنجاب کی جانب سے دریائے ستلج، راوی، چناب اور ندی نالوں میں انتہائی اونچے درجے کے سیلاب کا الرٹ جاری۔ عوام کو احتیاطی تدابیر اختیار کرنے اور ایمرجنسی کی صورت میں ہیلپ لائن 1129 پر رابطہ کرنے کی ہدایت۔”#PDMAPunjab #FloodAlert #Punjab #StaySafe #EmergencyPreparedness pic.
— PDMA Punjab Official (@PdmapunjabO) September 1, 2025
ستلج اور بھارتی پانی کا اخراج
بھارت کی جانب سے پانی چھوڑنے کے بعد دریائے ستلج میں بھی خطرناک صورتحال پیدا ہو رہی ہے۔ اس سے قصور، اوکاڑہ، بہاولنگر اور پاکپتن متاثر ہونے کا اندیشہ ہے۔ پی ڈی ایم اے کے مطابق وہاڑی، لودھراں، بہاولپور اور ملتان میں بھی صورتحال سنگین ہوسکتی ہے۔ نیناکوٹ پر پانی چھوڑنے کے بعد ریلا جسڑ اور شکرگڑھ کی طرف بڑھ رہا ہے۔
دریائے راوی کا منظر
دریائے راوی میں ماڑی پتن کے مقام پر پانی کی سطح بلند ہو گئی ہے۔ ہیڈ بلوکی اور سدھنائی کے مقام پر بھی بڑے آبی ریلے داخل ہو چکے ہیں۔ ساہیوال کے اورنگ آباد میں بند ٹوٹنے سے کئی دیہات ڈوب گئے۔
پی ڈی ایم اے نے ضلعی انتظامیہ اور شہریوں کو الرٹ رہنے کی ہدایت کی ہے تاکہ جانی اور مالی نقصان کو کم سے کم کیا جا سکے۔
Post Views: 6ذریعہ: Daily Mumtaz
کلیدی لفظ: پی ڈی ایم اے
پڑھیں:
پنجاب کے دریاؤں میں پانی کی سطح بلند ,کئی مقامات پر نچلے درجے کا سیلاب
علی رامے: پنجاب میں دریاؤں کی موجودہ صورتحال کے حوالے سے پی ڈی ایم اے پنجاب نے تازہ ترین رپورٹ جاری کر دی ہے۔ رپورٹ کے مطابق بیشتر مقامات پر پانی کا بہاؤ معمول کے مطابق ہے تاہم کچھ مقامات پر درمیانے اور نچلے درجے کا سیلاب ریکارڈ کیا گیا ہے۔
دریائے سندھ میں مختلف مقامات پر پانی کا بہاؤ نارمل ہے۔ تربیلا کے مقام پر پانی کا بہاؤ ایک لاکھ 96 ہزار کیوسک، کالا باغ میں ایک لاکھ 69 ہزار کیوسک، چشمہ میں ایک لاکھ 78 ہزار کیوسک اور تونسہ میں ایک لاکھ 61 ہزار کیوسک ریکارڈ کیا گیا ہے۔
پاکستان کرکٹ بورڈ نےڈائریکٹر انٹرنیشنل کرکٹ عثمان واہلہ کو معطل کر دیا
دریائے چناب میں مرالہ پر 56 ہزار، خانکی پر 68 ہزار، قادر آباد پر 75 ہزار اور ہیڈ تریموں پر پانی کا بہاؤ 80 ہزار کیوسک ہے، جو تمام مقامات پر نارمل سطح پر ہے۔ تاہم پنجند کے مقام پر درمیانے درجے کا سیلاب ہے جہاں پانی کا بہاؤ دو لاکھ 34 ہزار کیوسک ریکارڈ کیا گیا ہے۔
دریائے راوی کے جسڑ، شاہدرہ، بلوکی اور سدھنائی کے مقامات پر پانی کا بہاؤ بالترتیب 8 ہزار، 10 ہزار، 29 ہزار اور 23 ہزار کیوسک ہے جو کہ معمول کے مطابق ہے۔
جب انکم ٹیکس مسلط نہیں کر سکتے تو سپر ٹیکس کیسے مسلط کر سکتے ہیں، جج سپریم کورٹ
دریائے ستلج میں گنڈا سنگھ والا اور ہیڈ اسلام کے مقامات پر درمیانے درجے کا سیلاب ہے۔ گنڈا سنگھ والا میں پانی کا بہاؤ ایک لاکھ ایک ہزار کیوسک جبکہ ہیڈ اسلام میں 81 ہزار کیوسک ریکارڈ کیا گیا ہے۔ سلیمانکی کے مقام پر نچلے درجے کا سیلاب ہے اور وہاں پانی کا بہاؤ 90 ہزار کیوسک ہے۔
پی ڈی ایم اے کے مطابق متعلقہ اضلاع کی انتظامیہ کو الرٹ کر دیا گیا ہے اور حفاظتی اقدامات کیے جا رہے ہیں۔ شہریوں سے اپیل کی گئی ہے کہ وہ دریاؤں کے کنارے غیر ضروری سرگرمیوں سے گریز کریں اور کسی بھی ہنگامی صورتحال میں 1129 پر رابطہ کریں.
لاہور کے مختلف علاقوں سے خاتون سمیت4 افراد کی لاشیں برآمد
باغ میں ڈیجیٹل انقلاب، نوجوانوں کی خودکفالت میں سافٹ ویئر ہاؤس کا اہم کردار