ٹیسٹ کرکٹ قوانین میں تبدیلی کا مطالبہ، کونسی تبدیلیوں پر زور دیا جارہا ہے؟
اشاعت کی تاریخ: 3rd, September 2025 GMT
انگلینڈ کے سابق کپتان ایلسٹر کک اور مائیکل وان نے ٹیسٹ کرکٹ کو جدید تقاضوں سے ہم آہنگ کرنے کے لیے نئی تجاویز پیش کی ہیں، جن میں نئی گیند کے استعمال میں لچک اور متبادل کھلاڑیوں کے قوانین میں توسیع شامل ہے تاکہ بیٹ اور بال کے درمیان مقابلہ مزید متوازن بنایا جا سکے۔
ایک پوڈکاسٹ میں گفتگو کرتے ہوئے ایلسٹر کک نے تجویز دی کہ کپتانوں کو یہ اختیار ہونا چاہیے کہ وہ ایک مقررہ اوورز کے اندر کسی بھی وقت نیا گیند لے سکیں، بجائے اس کے کہ موجودہ اصول کے مطابق 80 اوورز تک انتظار کیا جائے۔
یہ بھی پڑھیں: کرکٹ میں نئے قوانین متعارف، آئی سی سی نے پلیئنگ کنڈیشنز میں کیا تبدیلیاں کی ہیں؟
ایلسٹر کک کا کہنا تھا ’میری تجویز یہ ہوگی کہ 160 اوورز کے اندر آپ نئی گیند جب چاہیں استعمال کر سکیں۔ آپ کے پاس 2 نئے گیندیں ہوں گی، اور اگر آپ چاہیں تو دوسری گیند 30 اوورز بعد بھی لے سکتے ہیں۔ اس سے حکمت عملی میں نیا پہلو آئے گا اور بولرز کو وکٹیں حاصل کرنے کا زیادہ موقع ملے گا۔‘
مائیکل وان نے اس خیال کی حمایت کرتے ہوئے مزید ایک تبدیلی تجویز کی کہ سنجیدہ انجری کی صورت میں کھلاڑی کو ’لائک فار لائک‘ سبسٹیٹیوٹ کے ذریعے بدلا جا سکے، جیسا کہ پہلے ہی کنکشن سبسٹیٹیوشن کے قوانین موجود ہیں۔
انہوں نے مثال دیتے ہوئے کہاکہ اگر رشبھ پنت پہلی اننگز میں ہاتھ زخمی کر لیتے ہیں اور بیٹنگ کر سکتے ہیں لیکن وکٹ کیپنگ نہیں، تو موجودہ قوانین کے تحت بھارت انہیں دھروو جریئل جیسے کھلاڑی سے نہیں بدل سکتا جب تک کہ یہ کنکشن کے تحت نہ ہو۔
مائیکل وان نے نیتھن لیون کی لارڈز ایشیز ٹیسٹ کے دوران پنڈلی کی انجری یاد دلاتے ہوئے کہاکہ اس واقعے کے بعد آسٹریلیا کو بقیہ میچ میں صرف 10 کھلاڑیوں کے ساتھ کھیلنا پڑا۔ ان کا کہنا تھا: ’اس سے کھیل کا معیار بہتر نہیں ہوتا۔ دیگر کھیلوں میں سبسٹیٹیوشن کی اجازت ہے تاکہ مقابلہ متوازن رہے، کرکٹ میں بھی یہی ہونا چاہیے۔‘
انہوں نے زور دیا کہ اس نظام کے غلط استعمال کو روکنے کے لیے سخت اصول ہونے چاہییں، جیسے آزاد میڈیکل رپورٹ اور سنگین انجری کا ثبوت۔ ان کے مطابق: ’یہ معمولی چوٹ نہیں بلکہ کوئی بڑی تکلیف ہونی چاہیے، جیسے فریکچر یا اسکین سے ثابت شدہ انجری۔ ہم پہلے ہی کنکشن سبس مان چکے ہیں تو یہیں کیوں رکا جائے؟‘
یہ بھی پڑھیں: آئی سی سی نے تمام فارمیٹس کے لیے نئے قوانین کا اعلان کردیا
دونوں سابق کپتانوں کا ماننا ہے کہ ایسی اصلاحات سے طویل فارمیٹ کو نئی جان ملے گی اور کھیل کی دیانتداری برقرار رکھتے ہوئے بیٹ اور بال کے درمیان توازن پیدا ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایلسٹر کک تبدیلیاں ٹیسٹ کرکٹ قوانین میں تبدیلی مائیکل وان وی نیوز.
ذریعہ
ذریعہ: WE News
کلیدی لفظ: تبدیلیاں ٹیسٹ کرکٹ قوانین میں تبدیلی مائیکل وان وی نیوز مائیکل وان کے لیے
پڑھیں:
ایمنسٹی انٹرنیشنل کا نیتن یاہو کی گرفتاری کا مطالبہ، آئی سی سی میں مقدمہ چلانے پر زور
ایمنسٹی انٹرنیشنل کی سینئر عہدیدار ایریکا گویرا روزاس نے اسرائیلی وزیراعظم بنیامین نیتن یاہو کی گرفتاری اور ان پر بین الاقوامی فوجداری عدالت (آئی سی سی) میں مقدمہ چلانے کا مطالبہ کیا ہے۔ انہوں نے کہا کہ امریکا کو انسانی حقوق اور قانون کی حکمرانی کا احترام کرتے ہوئے عدالتی فیصلوں پر عمل درآمد یقینی بنانا چاہیے۔
ایمنسٹی انٹرنیشنل کی سینئر ڈائریکٹر برائے تحقیق، وکالت، پالیسی اور مہمات، ایریکا گویرا روزاس نے اسرائیلی وزیراعظم بنیامین نیتن یاہو کی گرفتاری اور ان کے خلاف بین الاقوامی فوجداری عدالت (آئی سی سی) میں مقدمہ چلانے کا مطالبہ کیا ہے۔
Instead of waging a campaign against the @IntlCrimCourt and continuing to arm a government committing genocide, US authorities should uphold human rights and respect the rule of law. @NYCMayor Mamdani is right: @netanyahu should be arrested, and brought before the International… pic.twitter.com/mai4rtENAh
— Erika Guevara Rosas (@ErikaGuevaraR) July 23, 2026
ایریکا گویرا روزاس نے سماجی رابطے کے پلیٹ فارم ایکس (سابقہ ٹوئٹر) پر اپنے بیان میں نیویارک کے میئر زوہران ممدانی کے حالیہ مؤقف کی حمایت کی، جنہوں نے کہا تھا کہ اگر بنیامین نیتن یاہو نیویارک کا دورہ کریں تو انہیں گرفتار کیا جانا چاہیے۔
یہ بھی پڑھیے نیتن یاہو جنگی مجرم، اس کی جگہ جیل ہے، ظہران ممدانی ستمبر میں اسرائیلی وزیراعظم کو گرفتار کرنے پر بضد
روزاس نے اپنے بیان میں کہا کہ امریکی حکام کو انسانی حقوق کے تحفظ اور قانون کی حکمرانی کا احترام کرنا چاہیے۔
واضح رہے کہ بین الاقوامی فوجداری عدالت (ICC) نے 2024 میں بنیامین نیتن یاہو کے خلاف غزہ میں جنگی جرائم کے الزامات کے تحت گرفتاری کے وارنٹ جاری کیے تھے۔ عدالت کا مؤقف ہے کہ غزہ میں جاری جنگ کے دوران مبینہ جنگی جرائم کے الزامات کی باقاعدہ تحقیقات اور قانونی کارروائی ضروری ہے۔
یہ بھی پڑھیے نیتن یاہو کو گرفتار کریں گے، ہنگری کے نومنتخب وزیراعظم کا بڑا اعلان
اسرائیل آئی سی سی کے الزامات کو مسترد کرتا ہے، جبکہ غزہ میں جاری جنگ اور انسانی بحران کے تناظر میں اسرائیلی قیادت کے خلاف بین الاقوامی سطح پر قانونی اور سفارتی دباؤ مسلسل بڑھ رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایمنسٹی انٹرنیشنل جنگی جرائم نیتن یاہو
بھارت سے جنگ اور افغانستان میں کارروائی خارج ازامکان نہیں، وزیردفاع