پنجاب کے سیلاب زدہ علاقوں میں پاک فوج کا ریسکیو آپریشن ، ہزاروں شہری اور مویشی محفوظ مقامات پر منتقل
اشاعت کی تاریخ: 3rd, September 2025 GMT
پنجاب کے مختلف اضلاع میں سیلابی صورتحال شدید ہو چکی ہے، خاص طور پر دریائے ستلج میں پانی کی سطح میں مسلسل اضافہ ہو رہا ہے۔ ایسے میں پاک فوج، سول انتظامیہ اور ریسکیو ادارے مل کر متاثرہ علاقوں میں بھرپور ریسکیو اور ریلیف آپریشن جاری رکھے ہوئے ہیں۔
ترجمان کے مطابق، دریائے ستلج پر گنڈا سنگھ والا کے مقام پر حفاظتی بند ٹوٹ گیا، جب کہ ہیڈ سلیمان کی اور ہیڈ سدھنائی پر اونچے درجے کا سیلاب ریکارڈ کیا گیا ہے، جس سے ساہیوال، تلمبہ، میاں چنوں، اقبال نگر اور قریبی دیہات بری طرح متاثر ہوئے ہیں۔
متاثرین کے لیے ریلیف کیمپس اور ریسکیو آپریشن
دریائے ستلج کے کنارے بسنے والے دیہاتوں میں پاک فوج اور انتظامیہ نے 12 ریلیف کیمپس قائم کیے ہیں۔ ساہیوال کے متاثرہ 49 دیہات کے لیے 30 اضافی ریلیف کیمپس بھی قائم کر دیے گئے ۔
تحصیل مظفرگڑھ، کوٹ ادو اور رنگ پور جیسے ممکنہ متاثرہ علاقوں میں بھی ریلیف مراکز قائم کیے گئے ہیں، جہاں سے اب تک ہزاروں افراد، مویشی اور ذخیرہ شدہ گندم کو بحفاظت نکالا جا چکا ہے۔
کشتیوں کے ذریعے انخلاء، فری میڈیکل کیمپس اور راشن کی تقسیم
ریسکیو آپریشن میں کشتیوں کے ذریعے سینکڑوں متاثرہ افراد، خصوصاً بزرگوں، خواتین اور بچوں کو محفوظ مقامات پر منتقل کیا جا چکا ہے۔
پاک فوج نے ان علاقوں میں ریلیف کیمپس کے ساتھ ساتھ فری میڈیکل کیمپس بھی قائم کیے ہیں، جہاں ماہر ڈاکٹرز اور پیرا میڈیکل اسٹاف متاثرین کو مفت طبی سہولیات فراہم کر رہے ہیں۔
اس کے علاوہ متاثرہ خاندانوں کو راشن، کپڑے، اور ادویات بھی فراہم کی جا رہی ہیں تاکہ فوری ضروریات کو پورا کیا جا سکے۔
حفاظتی اقدامات اور جائزہ
ممکنہ خطرات کے پیش نظر ہیڈ محمد والا اور دیگر حساس مقامات پر بریچنگ پوائنٹس اور دیگر حفاظتی اقدامات مکمل کر لیے گئے ۔ ادھر تحصیل مظفرگڑھ اور کوٹ ادو میں پاک فوج اور ضلعی انتظامیہ کے افسران نے حفاظتی انتظامات کا خود جائزہ لیا اور ریسکیو ٹیموں کو مکمل تعاون کی یقین دہانی کرائی۔
ذریعہ
ذریعہ: Daily Mumtaz
کلیدی لفظ: ریلیف کیمپس میں پاک فوج علاقوں میں ریسکیو ا
پڑھیں:
خیبرپختونخوا میں تیز ہواؤں کے ساتھ بارش، مختلف واقعات میں 20 سے زیادہ افراد زخمی
خیبرپختونخوا کے مختلف اضلاع میں تیز ہواؤں کے ساتھ ہلکی بارش کا سلسلہ جاری ہے، جبکہ ریسکیو 1122 نے صوبے بھر میں اپنی تمام ضلعی ٹیموں کو ہائی الرٹ کردیا ہے۔
ترجمان ریسکیو 1122 بلال احمد فیضی کے مطابق خراب موسمی صورتحال کے باعث ضلع بنوں کے مختلف علاقوں میں اب تک 20 سے زیادہ افراد زخمی ہو چکے ہیں۔
زخمیوں کو فوری طبی امداد فراہم کرتے ہوئے مختلف اسپتالوں میں منتقل کر دیا گیا ہے، جہاں ان کی حالت خطرے سے باہر بتائی جاتی ہے۔
ترجمان نے بتایا کہ مردان، پشاور اور دیگر اضلاع میں بھی آندھی اور تیز ہواؤں کے باعث متعدد ایمرجنسی واقعات رپورٹ ہوئے ہیں۔
پشاور کے مختلف مقامات پر درخت گرنے کی اطلاعات موصول ہوئی ہیں، جس کے بعد ریسکیو 1122 کی امدادی ٹیمیں رکاوٹیں ہٹانے اور شہریوں کے تحفظ کو یقینی بنانے کے لیے سرگرم عمل ہیں۔
بلال احمد فیضی نے کہا کہ ریسکیو 1122 کی تمام ضلعی ٹیمیں کسی بھی ہنگامی صورتحال سے نمٹنے کے لیے تیار ہیں۔
انہوں نے شہریوں سے اپیل کی کہ کسی بھی ایمرجنسی کی صورت میں فوری طور پر ریسکیو 1122 سے رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارش تیز ہوائیں خیبرپختونخوا زخمی وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ