برطانیہ میں ویزہ ختم ہونے پر فوری وطن واپسی کا حکم، پاکستانی طلبا سب سے زیادہ متاثر
اشاعت کی تاریخ: 3rd, September 2025 GMT
برطانوی حکومت نے غیر قانونی طور پر ملک میں مقیم غیر ملکی طلبا کے خلاف سخت کارروائی کا فیصلہ کرتے ہوئے، ایسے تمام افراد کو فوری طور پر ملک چھوڑنے کا حکم دے دیا ہے جن کا ویزہ ختم ہو چکا ہے۔
ویزہ ختم، اب برطانیہ میں قیام ممکن نہیں
برطانوی ہوم آفس نے ہزاروں غیر ملکی طلبا کو ای میلز اور ٹیکسٹ پیغامات بھیجے ہیں، جن میں صاف الفاظ میں کہا گیا ہے کہ اگر وہ ویزہ کی مدت ختم ہونے کے باوجود ملک میں مقیم رہے، تو ان کے خلاف ملک بدری کی کارروائی کی جائے گی۔
یہ انتباہ ایسے وقت میں جاری کیا گیا ہے جب گزشتہ سال کے دوران برطانیہ کو 14,800 سے زائد پناہ کی درخواستیں موصول ہوئیں، جن میں بڑی تعداد ایسے طلبا کی تھی جو اسٹڈی ویزے پر برطانیہ آئے تھے۔
سب سے زیادہ پاکستانی طلبا متاثر
رپورٹس کے مطابق پاکستانی طلبا سب سے زیادہ متاثر ہوئے ہیں، جنہوں نے 5,700 پناہ کی درخواستیں جمع کروائیں۔ ان کے بعد بھارتی، بنگلہ دیشی اور نائیجیرین طلبا شامل ہیں۔
ہوم سیکرٹری کا مؤقف
برطانیہ کے ہوم سیکرٹری کا کہنا ہے کہ بیشتر طلبا ان ممالک سے تعلق رکھتے ہیں جہاں نہ تو جنگ ہے اور نہ ہی کوئی ہنگامی انسانی بحران۔ اس لیے ان کی جانب سے پناہ کی درخواستوں کو امیگریشن سسٹم کے غلط استعمال کے طور پر دیکھا جا رہا ہے۔
حکومتی پالیسی میں مزید سختی
یہ فیصلہ ایک ایسے موقع پر سامنے آیا ہے جب حکومت نے ایک روز قبل پناہ گزین خاندانوں کے ملاپ سے متعلق نئی درخواستوں کو عارضی طور پر معطل کرنے کا اعلان بھی کیا تھا۔
حکام کے مطابق اب امیگریشن قوانین پر سختی سے عملدرآمد کروایا جائے گا اور کسی قسم کی رعایت یا نرمی نہیں برتی جائے گی۔
Post Views: 4.
ذریعہ
ذریعہ: Daily Mumtaz
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم