جعلسازی کے زریعے سرکاری پلاٹس حاصل کرنے کا معاملہ، ڈپٹی ڈائریکٹر فیڈرل گورنمنٹ ایمپلائز ہائوسنگ اتھارٹی رانا منیر سمیت 6 افراد گرفتار، تفصیلات سب نیوز پر
اشاعت کی تاریخ: 5th, September 2025 GMT
جعلسازی کے زریعے سرکاری پلاٹس حاصل کرنے کا معاملہ، ڈپٹی ڈائریکٹر فیڈرل گورنمنٹ ایمپلائز ہائوسنگ اتھارٹی رانا منیر سمیت 6 افراد گرفتار، تفصیلات سب نیوز پر WhatsAppFacebookTwitter 0 5 September, 2025 سب نیوز
اسلام آباد: جعلسازی کے ذریعے سرکاری پلاٹس حاصل کرنے کے بڑے اسکینڈل میں فیڈرل گورنمنٹ ایمپلائز ہاؤسنگ اتھارٹی (ایف جی ای ایچ اے ) کے ڈپٹی ڈائریکٹر رانا محمد منیر سمیت 6 افراد کو گرفتار کر لیا گیا ہے۔ یہ گرفتاریاں وفاقی دارالحکومت کے سیکٹر G-14/1,2,3 میں واقع موضع تھلہ سیداں سے متعلق زمین فراڈ کیس میں عمل میں آئیں۔
گرفتار ملزمان میں رانا محمد منیر (ڈپٹی ڈائریکٹر ایف جی ای ایچ اے)، سید عابد علی شاہ، ملک محمد عمران، عماد احمد، سعد احمد اور اشتیاق احمد شامل ہیں۔ ان میں سے پانچ افراد کو فائدہ حاصل کرنے والے (مستفید) کے طور پر نامزد کیا گیا ہے۔
اینٹی کرپشن پولیس نے ان افراد کے خلاف مقدمہ نمبر 24/2025، مورخہ 27 مئی 2025 کو تھانہ اینٹی کرپشن میں درج کیا، جس میں تعزیراتِ پاکستان کی دفعات 109، 409، 420، 468، 471 اور انسدادِ بدعنوانی ایکٹ 1947 کی دفعہ 5(2) شامل کی گئی ہے۔
تحقیقات کے مطابق، ملزمان پر الزام ہے کہ انہوں نے BUPs (بلٹ اپ پراپرٹیز) کے ضمنی ایوارڈ میں جعلسازی کرتے ہوئے چند نجی افراد کو غیر قانونی طور پر اصل مالکان کے ساتھ شریک مالک ظاہر کیا، جس کی بنیاد پر انہیں سرکاری پلاٹس الاٹ کیے گئے اور بھاری رقوم کی ادائیگیاں بھی کی گئیں، حالانکہ یہ افراد ان جائیدادوں کے اصل مالک نہیں تھے۔
متاثرہ خاندان کی نمائندہ غلام فاطمہ زوجہ عبدالرشید مرحوم کے مطابق ان کے خاندان کے 12 BUPs موجود تھے، جن میں سے بعض کا معاوضہ اصل مالکان کو ملا، مگر BUP نمبر 996، 999، 1000، 1006 اور 1007 کا معاوضہ غیر متعلقہ افراد کو دے دیا گیا۔ انہوں نے الزام لگایا کہ یہ تمام دھوکہ دہی FGEHA کے افسران اور نجی افراد کی ملی بھگت سے کی گئی۔
حکام کے مطابق، گرفتار ملزمان نے اپنے سرکاری اختیارات کا ناجائز استعمال کرتے ہوئے ریکارڈ میں جعلسازی اور رد و بدل کیا، جس کے نتیجے میں قومی خزانے کو کروڑوں روپے کا نقصان پہنچا۔
اینٹی کرپشن ذرائع کے مطابق مزید گرفتاریاں بھی متوقع ہیں، اور تفتیش کا دائرہ مزید وسیع کر دیا گیا ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرراول ڈیم میں پانی کی سطح بلند، سپل ویز کھول دئیے گئے راول ڈیم میں پانی کی سطح بلند، سپل ویز کھول دئیے گئے بھارت سے چھوڑے گئے پانی کے باعث دریائے ستلج میں تباہ کن سیلاب، جنوبی پنجاب کے کئی علاقے زیرِ آب افغانستان ایک اور زلزلے سے لرز اٹھا ، مجموعی ہلاکتوں کی تعداد 2 ہزار سے تجاوز کر گئی کئی جنگیں ختم کرائیں مگر یوکرین تنازع سب سے مشکل ہے، صدر ٹرمپ حماس کا غزہ میں ٹیکنوکریٹ حکومت پر اتفاق، اسرائیلی جواب کا انتظار ‘سیلاب کی تباہی سے بچنے کیلئے آبی گزرگاہوں کے راستوں سے ہوٹل اور آبادیوں کو ہٹانا ہو گا، مصدق ملک ‘Copyright © 2025, All Rights Reserved
رابطہ کریں ہماری ٹیم.
ذریعہ
ذریعہ: Daily Sub News
کلیدی لفظ: ڈپٹی ڈائریکٹر سرکاری پلاٹس سب نیوز
پڑھیں:
لاہور، کرایہ داری ایکٹ کی خلاف ورزی پر رواں سال اب تک4727 ملزمان گرفتار
لاہور (اُردو پوائنٹ اخبارتازہ ترین - اے پی پی۔ 03 جون2026ء) لاہور پولیس نے کرایہ داری ایکٹ کی خلاف ورزی پر رواں سال اب تک 4 ہزار سے زائد ملزمان کو گرفتار کر لیا ۔ترجمان لاہور پولیس کے مطابق اقبال ٹائون ڈویژن میں کرایہ داری ایکٹ کی خلاف ورزی پر سب سے زیادہ 2132 ملزمان گرفتار کیے گئے جبکہ صدر ڈویژن میں 1555 اور سٹی ڈویژن میں 1040 افراد کو حراست میں لیا گیا، شہر کے مختلف تھانوں میں 651 مقدمات کا اندراج بھی یقینی بنایا گیا ہے۔سی سی پی او لاہور بلال صدیق کمیانہ نے کہا ہے کہ کرایہ داری ایکٹ پر سختی سے عملدرآمد یقینی بنایا جا رہا ہے کیونکہ جرائم پیشہ عناصر کی شناخت اور ان کی نقل و حرکت پر نظر رکھنے کے لیے کرایہ داری رجسٹریشن انتہائی ضروری ہے۔انہوں نے کہا کہ غیر رجسٹرڈ کرایہ داروں کی آڑ میں جرائم پیشہ افراد پناہ لے سکتے ہیں اس لیے قانون کی خلاف ورزی کرنےپر بلاامتیاز کارروائی جاری رہے گی اور غیر قانونی یا مشکوک افراد کو کرائے پر جگہ فراہم کرنے والے مالکان کے خلاف بھی قانونی کارروائی عمل میں لائی جائے گی۔(جاری ہے)
سی سی پی او لاہور نے مکان مالکان، کرایہ داروں اور پراپرٹی ڈیلرز کو ہدایت کی کہ وہ فوری طور پر کرایہ داری ایکٹ پر عملدرآمد کو یقینی بنائیں اور تمام ضروری کوائف متعلقہ پولیس ریکارڈ میں درج کروائیں تاکہ شہر میں امن و امان کی صورتحال کو مزید بہتر بنایا جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ