اسٹاک ایکسچینج میں زبردست تیزی، انڈیکس 154,000 کی سطح عبور کر گیا
اشاعت کی تاریخ: 5th, September 2025 GMT
پاکستان اسٹاک ایکسچینج میں جمعہ کے روز بھی تیزی کا رجحان برقرار رہا، جبکہ مثبت معاشی اشاریوں اور سرمایہ کاروں کے پراعتماد رویے نے مارکیٹ کو نئی بلندیوں پر پہنچا دیا۔
دوپہر کے سیشن میں تیزی مزید بڑھ گئی اور بینچ مارک کے ایس ای 100 انڈیکس 1,545 پوائنٹس اضافے کے ساتھ 154,211 کی سطح پر پہنچ گیا۔
Market is up at midday ????
⏳ KSE 100 is positive by +1018.
— Investify Pakistan (@investifypk) September 5, 2025
کاروباری حجم میں سب سے زیادہ دلچسپی سیمنٹ، کمرشل بینکنگ، آئل اینڈ گیس ایکسپلوریشن، او ایم سیز، پاور جنریشن اور ریفائنری کے حصص میں دیکھی گئی۔ انڈیکس کو سہارا دینے والے بڑے حصص میں اے آر ایل، حبکو، او جی ڈی سی، پی او ایل، پی پی ایل، پی ایس او، ایچ بی ایل، ایم سی بی، میزان بینک اور این بی پی شامل رہے۔
اسٹاک ماہرین کے مطابق مارکیٹ رواں سال میں 30 فیصد اور گزشتہ 2 برسوں میں تقریباً 4 گنا بڑھی ہے، توقع ہے کہ کارپوریٹ سیکٹر کے منافع میں 8 تا 10 فیصد اضافہ ہوگا اور ڈیوڈنڈ ییلڈ بھی 8 فیصد رہے گی۔
یہ بھی پڑھیں: پاکستان اسٹاک ایکسچینج میں تیزی، 100 انڈیکس 1,49,000 پوائنٹس کی حد عبور کر گیا
تاہم انہوں نے خبردار کیا کہ کمزور معاشی حالات یا ماحولیاتی چیلنجز اس رجحان کو متاثر کر سکتے ہیں۔
گزشتہ روز یعنی جمعرات کو بھی پاکستان اسٹاک ایکسچینج میں ریکارڈ ساز تیزی دیکھی گئی تھی اور انڈیکس 152,665 پوائنٹس پر بند ہوا تھا، جو اب تک کی بلند ترین سطح ہے۔
مزید پڑھیں: وفاقی حکومت کے قرضے ملکی تاریخ کی بلند ترین سطح پر پہنچ گئے، اسٹیٹ بینک کی رپورٹ میں انکشاف
بین الاقوامی سطح پر بھی سرمایہ کاروں کا اعتماد بڑھ رہا ہے، ایشیائی مارکیٹس نے وال اسٹریٹ کی ریکارڈ بلندیوں کو ٹریک کیا، جب کہ امریکی فیڈرل ریزرو کی جانب سے رواں ماہ شرح سود میں کمی کی توقعات نے عالمی ایکوئٹیز کو سہارا دیا ہے۔
وال اسٹریٹ میں ایس اینڈ پی 500 اور نیسڈیک دونوں نے نمایاں اضافہ کیا، جبکہ جاپان، تائیوان، ہانگ کانگ، چین اور آسٹریلیا کی مارکیٹس میں بھی مثبت رجحان دیکھا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
100 انڈیکس آئل اینڈ گیس ایکسپلوریشن پاکستان اسٹاک ایکسچینج پاور جنریشن ریفائنری سیمنٹ کمرشل بینکنگ کے ایس ای معاشی اشاریوں
ذریعہ
ذریعہ: WE News
کلیدی لفظ: 100 انڈیکس پاکستان اسٹاک ایکسچینج پاور جنریشن ریفائنری کے ایس ای معاشی اشاریوں پاکستان اسٹاک ایکسچینج اسٹاک ایکسچینج میں
پڑھیں:
دوسرا ون ڈے:آسٹریلیا کیخلاف پاکستانی ٹیم 190رنز پر آل آئوٹ
ایک روزہ سیریز کے دوسرے میچ میں پاکستان کی بیٹنگ لائن(bating line colapse) 232 رنز کا تعاقب کرتے ہوئے لڑکھڑا گئی۔ پاکستان نے 27 اوورز میں 6 وکٹوں کے نقصان پر 119 رنز بنا لیے ہیں۔
اس سے قبل لاہور میں جاری میچ میں پاکستان کی دعوت پر پہلے بیٹنگ کرتے ہوئے آسٹریلیا کی ٹیم مقررہ 50 اوورز میں 9 وکٹوں کے نقصان پر 231 رنز بنا سکی۔
آسٹریلیا کی جانب سے کیمرون گرین اور کپتان جوش انگلس 51 رنز بنا کر آؤٹ ہوئے۔ میٹ رینشا 43، اولیور پیک 31، میتھیو شارٹ 15، مارنس لبوشین 5، میتھیو کوہنمن 5 اور ایلکس کیرے 0 کے انفرادی اسکور پر آؤٹ ہوئے۔
مزید پڑھیں:آبنائے ہرمز بحالی پر بھی ایران سے پابندیاں نہیں ہٹائینگے: مارکوروبیو
پاکستان کی جانب سے کپتان شاہین شاہ آفریدی نے 3 جبکہ عرفات منہاس، ابرار احمد اور حارث رؤف نے 2، 2 کھلاڑیوں کو آؤٹ کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ