شلپا شیٹی اور راج کندرا پر ملک چھوڑنے کی پابندی عائد
اشاعت کی تاریخ: 6th, September 2025 GMT
معروف بالی وڈ اداکارہ شلپا شیٹی اور ان کے شوہر راج کندرا کے خلاف60 کروڑ روپے کے مبینہ فراڈ کے کیس میں ممبئی پولیس نے لک آؤٹ نوٹس جاری کر دیا ہے، جس کے بعد دونوں کو بھارت چھوڑنے سے روک دیا گیا ہے۔
میڈیا رپورٹس کے مطابق، شکایت کنندہ دیپک کوٹھاری نے الزام عائد کیا ہے کہ یہ فراڈ شلپا اور راج کی بند ہوچکی کمپنی ‘بیسٹ ڈیل ٹی وی پرائیویٹ لمیٹڈ کے ذریعے کیا گیا۔ ان کے بقول، ملزمان نے پہلے قرض مانگا، پھر سرمایہ کاری کے نام پر ماہانہ منافع کا لالچ دے کر رقم ہتھیا لی، جو بعد میںذاتی اخراجات پر خرچ کی گئی۔
پولیس کے مطابق، یہ معاملہ2015 سے 2023 کے درمیان پیش آیا، جس دوران شکایت کنندہ سے متعدد مرتبہ رقم وصول کی گئی۔شلپا شیٹی نے 2016 میں بطور ڈائریکٹر کمپنی سے استعفیٰ دیا تھا، اور بعد ازاں کمپنی دیوالیہ ہوگئی۔
ممبئی پولیس کے اکنامک آفینس ونگ (EOW) نے یہ معاملہ درج کیا ہے، اور امیگریشن حکام کو لک آؤٹ سرکلر جاری کر کے جوڑے کو بیرونِ ملک روانگی سے روکنے کی ہدایت دی گئی ہے۔
دوسری جانب،جوڑے کے وکیل نے الزامات کو بے بنیاد قرار دیتے ہوئے مؤقف اختیار کیا ہے کہ یہ معاملہ دیوانی (سول) نوعیت کا ہے نہ کہ فوجداری، اور اس میں کوئی مجرمانہ پہلو شامل نہیں۔ وکیل کے مطابق یہ صرف پرانا کاروباری لین دین ہے جسے غلط رنگ دیا جا رہا ہے۔مزید قانونی کارروائی جاری ہے۔
ذریعہ: Daily Mumtaz
پڑھیں:
پنجاب میں اسموگ، اسکولوں کے صبح 8 بج کر 45 منٹ سے پہلے کھلنے پرپابندی عائد
محکمہ ماحولیات پنجاب نے اسموگ کے باعث سرکاری و نجی اسکولوں کے صبح 8 بج کر 45 منٹ سے پہلے کھلنے پرپابندی لگا دی۔محکمہ ماحولیات پنجاب کے نوٹیفکیشن کے مطابق لاہور سمیت پنجاب کے دیگر شہروں میں خطرناک حدتک بڑھتی اسموگ کے باعث پنجاب بھر کے سرکاری ونجی اسکول صبح 8:45 سے پہلےنہیں کھلیں گے۔ اعلامیے کے مطابق کالجز اور اسپیشل ایجوکیشن سینٹرزبھی صبح 8:45 بجے سے پہلےنہیں کھلیں گے، یہ حکم نامہ 3 نومبر سے 31 جنوری 2026 تک نافذ رہے گا۔ خلاف ورزی کرنےوالے اسکول پرپہلی بار ایک لاکھ سے 5 لاکھ روپے تک جرمانہ ہوگا، دوبارہ خلاف ورزی پر 6 لاکھ سے 10 لاکھ روپے جرمانہ عائد ہوگا۔ڈی جی ماحولیات پنجاب عمران حامدشیخ کا کہنا ہے کہ ماحولیاتی تحفظ کےلیے سخت اقدامات جاری رہیں گے۔
رواں سال کا طاقتور ترین طوفان کیریبین جزائر پر اثر انداز ہونا شروع، اب تک 3 افراد ہلاک