امریکا میں کتے کے نام پر ووٹ ڈالنے والی خاتون پر مقدمہ درج، 6 سال تک سزا متوقع
اشاعت کی تاریخ: 7th, September 2025 GMT
کیلیفورنیا میں ایک خاتون پر اپنے کتے کو ووٹ کے لیے رجسٹر کرنے اور اس کے نام پر 2 انتخابات میں بیلٹ کاسٹ کرنے کے الزامات عائد کر دیے گئے ہیں۔
اورنج کاؤنٹی اٹارنی جنرل کے دفتر کے مطابق لارا لی یوریکس نے 2024 میں اپنے اس اقدام کی خود اطلاع دی تھی اور اب ان پر 5 سنگین جرائم کے مقدمات درج ہیں۔ اگر تمام الزامات ثابت ہو گئے تو انہیں 6 سال تک قید کی سزا ہو سکتی ہے۔
یہ بھی پڑھیئے: ترکیہ: قربانی کے جانور ذبح کرنے کے دوران 14 ہزار افراد زخمی
بیان کے مطابق یوریکس نے اپنے کتے مایا جین یوریکس کے نام سے 2021 کے گورنری ریکال الیکشن میں بذریعہ میل بیلٹ ووٹ ڈالا جو گنا گیا۔ 2022 کے پرائمری الیکشن میں دوبارہ کوشش کی گئی لیکن وہ بیلٹ مسترد کر دیا گیا۔
رپورٹ کے مطابق 2022 میں یوریکس نے سوشل میڈیا پر مایا کی تصویر ‘آئی ووٹڈ’ اسٹیکر کے ساتھ شیئر کی تھی۔ 2 سال بعد انہوں نے ایک اور پوسٹ میں کتے کے ٹیگ کے ساتھ بیلٹ دکھاتے ہوئے لکھا کہ ‘مایا اب بھی اپنا بیلٹ وصول کر رہی ہے’، حالانکہ کتا اس وقت تک مر چکا تھا۔
یہ بھی پڑھیے: ’ڈونلڈ ٹرمپ صدارتی الیکشن جیتیں گے‘ دریائی گھوڑے کی پیشگوئی درست ثابت
کیلیفورنیا میں ووٹر رجسٹریشن یا ووٹ ڈالنے کے لیے شناختی کارڈ لازمی نہیں تاہم وفاقی انتخابات میں پہلی بار ووٹ ڈالنے والوں کے لیے شناخت دکھانا ضروری ہے۔
دوسری جانب امریکی صدر ڈونلڈ ٹرمپ کا مؤقف ہے کہ میل اِن ووٹنگ انتخابی دھاندلی کو جنم دیتی ہے اور انہوں نے اعلان کیا ہے کہ 2026 کے وسط مدتی انتخابات سے پہلے اس پر پابندی لگا دیں گے۔ ان کے جاری کردہ ایگزیکٹو آرڈر کو روکنے کے لیے کیلیفورنیا سمیت 19 ریاستوں نے مقدمہ دائر کر رکھا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکشن کتا ووٹ.ذریعہ: WE News
کلیدی لفظ: الیکشن کتا ووٹ کے لیے
پڑھیں:
الیکشن کمیشن نے جی بی کی سیاسی جماعتوں سے اکاؤنٹس کی تفصیلات طلب کر لیں
الیکشن کمیشن کے ترجمان کی جانب سے جاری بیان کے مطابق الیکشن ایکٹ کے مطابق ہر سیاسی جماعت اپنے اکاونٹس ایک چارٹرڈ اکاؤنٹنٹ سے آڈٹ کروا کر فارم ڈی پر جمع کرانے کی پابند ہے اسلام ٹائمز۔ الیکشن کمیشن گلگت بلتستان نے تمام سیاسی جماعتوں سے اکاؤنٹس کی تفصیلات طلب کر لیں۔ ترجمان الیکشن کمیشن کی جانب سے جاری ایک بیان کے مطابق الیکشن کمیشن گلگت بلتستان نے تمام سیاسی جماعتوں کو الیکشن ایکٹ 2017ء کے قواعد و ضوابط کے مطابق مالی سال 2024-25ء کے اختتام تک کے اپنے اکاؤنٹس کی جامع آڈٹ شدہ تفصیلات الیکشن کمیشن جی بی میں جمع کرانے کی پابند ہیں، اس سلسلے میں کمیشن کی جانب سے جاری کردہ یادہائی مورخہ 28 اگست 2025ء کو مقامی اور قومی اخبارات میں شائع ہو چکی ہے تاہم اب ایک مرتبہ پھر توجہ دلائی جا رہی ہے کہ مقررہ تاریخ 30 نومبر 2025ء تک یہ گوشوارے لازمی طور پر جمع کرائے جائیں، الیکشن کمیشن کے ترجمان کی جانب سے جاری بیان کے مطابق الیکشن ایکٹ کے مطابق ہر سیاسی جماعت اپنے اکاونٹس ایک چارٹرڈ اکاؤنٹنٹ سے آڈٹ کروا کر فارم ڈی پر جمع کرانے کی پابند ہے، اس بیان میں جماعت کی سالانہ آمدنی اخراجات، فنڈز کے ذرائع اور اثاثہ جات و واجبات کی تفصیلات شامل ہونی چاہیں، اس کے ساتھ چارٹرڈ اکاونٹنٹ کی رپورٹ اور پارٹی کے مجاز عہدیدار کی تصدیق بھی منسلک ہونی چاہیے جس میں اس بات کی تصدیق ہو کہ جماعت نے کسی بھی ممنوعہ ذریعے سے فنڈز حاصل نہیں کیے اور جمع کرایا گیا مالی بیان جماعت کے حقیقی مالی صورتحال کی درست عکاسی کرتا ہے۔
ملک بھر کے ہوائی اڈوں پر ڈیجیٹل ادائیگی کا نظام نافذ