پاکستان کے غلط نقشے اور وطن دشمن مواد کے ساتھ کتاب منظرعام پر آگئی
اشاعت کی تاریخ: 8th, September 2025 GMT
حال ہی میں ’پشتون مزاحمت اور ریاست‘ کے عنوان سے ایک کتاب منظر عام پر آئی ہے جس کے سرورق پر غلط پاکستانی نقشہ چھاپا گیا ہے جو ڈالروں سے بھرا ہوا ہے۔ اس کے اوپر پشتون پگڑی رکھی گئی ہے اور خیبرپختونخوا پر خون کے دھبے ہیں۔
نقشے سے کشمیر غائب ہے، بالکل اسی طرح جس طرح بھارت پاکستان کے نقشے سے کشمیر کو غائب دکھاتا ہے۔
واضح رہے کہ اسی طرز کے خون آلود نقشے اور پیغامات ماضی میں کالعدم ٹی ٹی پی بھی جاری کرتی رہی ہے۔
ایمل خٹک کی لکھی گئی اس کتاب پر شائع شدہ یہ نقشہ بھارت کی نقشہ نویسی کی نقل ہے اور پاکستان کے سرکاری مؤقف کی خلاف ورزی ہے۔
یاد رہے کہ پاکستان کے قوانین کے مطابق غیر سرکاری اور مسخ شدہ قومی نقشہ شائع کرنا جرم ہے، اور اس جرم کے سرزد ہونے پر 5 سال قید یا 50 لاکھ روپے جرمانہ یا دونوں سزائیں ہو سکتی ہیں۔
ذرائع کے مطابق اگرچہ اس کتاب میں چھاپے گئے مواد کے کئی حصوں پر قانونی کارروائی ہو سکتی ہے لیکن اس کا صرف سرورق ہی سخت قانونی کارروائی کے لیے کافی ہے۔
ذرائع کے مطابق بظاہر یہ ڈیزائن سرحد پار دشمن ملک سے آیا ہے، کیونکہ پاکستان میں کوئی ذمہ دار پبلشر ایسا نقشہ شائع کرنے کی اجازت نہیں دے سکتا جو ملکی قانون کی خلاف ورزی ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان دشمن مواد پاکستان کا غلط نقشہ پشتون مزاحمت اور ریاست.
ذریعہ
ذریعہ: WE News
کلیدی لفظ: پاکستان دشمن مواد پاکستان کا غلط نقشہ پشتون مزاحمت اور ریاست پاکستان کے
پڑھیں:
مردان قتل کیس: ملزمان مغوی بچوں کو چارسدہ روڈ پر چھوڑ کر فرار، تحقیقات جاری
مردان میں خاتون سمیت 3 افراد کے بہیمانہ قتل کے مقدمے میں اہم پیشرفت سامنے آئی ہے، جہاں واردات کے بعد مقتولین کے 2 بچوں کو ساتھ لے جانے والے ملزمان بچوں کو چارسدہ روڈ پر چھوڑ کر فرار ہو گئے۔
میڈیا رپورٹس کے مطابق مردان کے علاقے شیخ ملتون میں گزشتہ روز پیش آنے والے افسوسناک واقعے میں مسلح ملزمان نے خاتون سمیت 3 افراد کو قتل کر دیا تھا۔ واردات کے بعد ملزمان مقتولین کے 2 کمسن بچوں اور گاڑی کو بھی اپنے ساتھ لے گئے تھے، جس پر علاقے میں شدید خوف و ہراس پھیل گیا تھا۔
یہ بھی پڑھیں:مردان، خواجہ سرا کو چھری کے وار سے قتل کردیا گیا
پولیس حکام کا کہنا ہے کہ بعد ازاں ملزمان دونوں بچوں کو چارسدہ روڈ پر چھوڑ کر نامعلوم مقام کی جانب فرار ہو گئے۔ بچوں کے محفوظ مل جانے پر اہل خانہ نے اطمینان کا اظہار کیا ہے، تاہم ملزمان تاحال قانون کی گرفت میں نہیں آ سکے۔
پولیس کے مطابق واقعے کے مختلف پہلوؤں سے تحقیقات کی جا رہی ہیں اور ملزمان کی گرفتاری کے لیے سرچ آپریشن اور چھاپوں کا سلسلہ جاری ہے۔ تفتیشی ٹیمیں شواہد اکٹھے کرنے کے ساتھ ساتھ ملزمان کے فرار کے راستوں کا بھی سراغ لگا رہی ہیں۔
یہ بھی پڑھیں:پشاور: 8 سالہ بچی مبینہ زیادتی کے بعد قتل، لاش ہمسائے کے صندوق سے برآمد
حکام کا کہنا ہے کہ قتل کی اس واردات کے محرکات اور پس منظر کا جائزہ لیا جا رہا ہے جبکہ واقعے میں استعمال ہونے والی گاڑی اور دیگر شواہد کی مدد سے ملزمان تک پہنچنے کی کوشش کی جا رہی ہے۔ پولیس نے امید ظاہر کی ہے کہ جدید تفتیشی ذرائع اور دستیاب شواہد کی مدد سے ملزمان کو جلد گرفتار کر لیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
قتل مردان
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ