‘اپنے الفاظ واپس لیتا ہوں’، افغانستان کے خلاف فائنل کے دوران وسیم اکرم کس بات پر شرمندہ ہوئے؟
اشاعت کی تاریخ: 8th, September 2025 GMT
سابق پاکستانی کرکٹ کپتان وسیم اکرم نے سہ ملکی کرکٹ سیریز کے فائنل میں افغانستان کے خلاف قومی ٹیم کے اسپنرز کی شاندار کارکردگی پر یوٹرن لیتے ہوئے اپنے خیالات سے 11 منٹ کے فرق سے رجوع کرلیا۔
وسیم اکرم نے ابتدائی طور پر سوشل میڈیا پلیٹ فارم ایکس پر پاکستانی بولنگ حکمتِ عملی پر سوال اٹھاتے ہوئے دریافت کیا کہ یہ کیا ہو رہا ہے۔ ’سیمنگ وکٹ پر پارٹ ٹائم بولرز کیوں آزما رہے ہیں؟ خاص طور پر جب 140 رنز کا دفاع کرنا ہو۔‘
Debate over, I’ll take my words back, I suppose now .
— Wasim Akram (@wasimakramlive) September 7, 2025
تاہم صرف 11 منٹ بعد ہی انہوں نے اپنی اپنی تصحیح کرتے ہوئے اسپنرز کی تعریف کی۔ ’بحث ختم، میں اب اپنے الفاظ واپس لیتا ہوں، اسپنرز کی اب تک شاندار کارکردگی۔‘
وسیم اکرم کی یہ دو متضاد پوسٹس مداحوں کی توجہ کا مرکز بن گئیں، جن میں سے کئی نے ان کی دیانت داری اور کھلے دل سے اپنی رائے واپس لینے کو سراہا۔
یہ بھی پڑھیں: سہ ملکی سیریز کا ٹائٹل پاکستان کے سر سج گیا، فائنل میں افغانستان کو شکست
گزشتہ روز شارجہ کرکٹ اسٹیڈیم میں کھیلے گئے سہ ملکی سیریز کے فائنل میچ میں پاکستان نے افغانستان کو 75 رنز سے شکست دے کر ٹائٹل اپنے نام کرلیا۔
140 رنز کا دفاع کرتے ہوئے پاکستان کی جانب سے اسپنر محمد نواز نے ہیٹ ٹرک کرنے کے ساتھ ساتھ کل 5 وکٹیں حاصل کیں، ان کے ہمراہ سفیان مقیم اور ابرابر احمد نے 2،2 کھلاڑیوں کو پویلین کی راہ دکھائی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپنرز افغانستان ایکس پاکستان شارجہ کرکٹ اسٹیڈیم کرکٹ محمد نواز ہیٹ ٹرک وسیم اکرم یوٹرنذریعہ: WE News
کلیدی لفظ: افغانستان ایکس پاکستان شارجہ کرکٹ اسٹیڈیم کرکٹ محمد نواز ہیٹ ٹرک وسیم اکرم یوٹرن وسیم اکرم
پڑھیں:
شاہ چارلس نے اپنے بھائی شہزادہ اینڈریو سے ’پرنس‘ کا لقب واپس لے لیا
سنگین الزامات لگنے کے بعد برطانوی بادشاہ چارلس نے اپنے چھوٹے بھائی شہزادہ اینڈریو سے ’پرنس‘ کا لقب واپس لے لیا، شہزادہ اینڈریو کو حاصل تمام تر شاہی نوازشات بھی آج ضبط کرلینگے۔
غیرملکی میڈیا کے مطابق برطانیہ کے فرمانروا شاہ چارلس اپنے چھوٹے بھائی شہزادہ اینڈریو سے تمام تر شاہی مراعات جن میں القابات، اعزازات اور سرکاری رہائش گاہ شامل ہیں باقاعدہ طور پر آج ضبط کرلینگے۔
شہزادہ اینڈریو جنسی الزامات کے بعد رواں ماہ کے آغاز میں ڈیوک آف یارک سمیت دیگر شاہی القابات سے دستبردار ہوگئے تھے، شہزادہ اینڈریو کی جانب سے ان الزامات کو مسترد کیا گیا ہے۔
شہزادہ اینڈریو شہزادے کے لقب سے محروم ہونے کے بعد اب اینڈریو ماؤنٹ بیٹن کہلائیں گے۔
رپورٹس کے مطابق شہزادہ اینڈریو اب پرائیوٹ سینڈرنگھم اسٹیٹ میں منتقل ہوجائیں گے، جسے بادشاہ کی طرف سے نجی طور پر فنڈ کیا جائے گا۔
برطانوی شاہی محل کی جانب سے جاری ہونے والے بیان میں کہا گیا ہے کہ بادشاہ کی جانب سے تمام ہمدردیاں متاثرین اور اس سے بچ جانے والوں کے ساتھ ہیں اور رہیں گی۔
واضح رہے کہ یہ اقدام ایک امریکی خاتون شہری ورجینیا رابرٹس گیفری کی کتاب کی اشاعت کے بعد سامنے آیا ہے جس میں ورجینیا گیفری نے الزام عائد کیا کہ شہزادہ اینڈریو نے 2001ء میں 3 مختلف مقامات لندن، نیویارک اور یو ایس ورجن آئلینڈز میں اسے اس وقت ساتھ جنسی طور پر ہراساں کیا جب وہ محض 17 سال کی تھیں۔
عافیہ صدیقی کی رہائی اور وطن واپسی کا کیس لارجر بینچ میں سماعت کیلیے مقرر