شارع فیصل کا وہ مقام جو بارش کے بعد کنواں بن جاتا ہے، کیا حکومت اس بار تیار ہے؟
اشاعت کی تاریخ: 8th, September 2025 GMT
صوبہ سندھ میں سیلاب کے ساتھ ساتھ شدید بارش کی پیش گوئی کی گئی ہے، جبکہ کراچی میں اربن فلڈنگ کا خدشہ ظاہر کیا جا رہا ہے۔ یہی وجہ ہے کہ صوبائی حکومت کی جانب سے نہ صرف تیاریوں کے دعوے کیے گئے ہیں بلکہ عوام کو احتیاطی تدابیر اپنانے پر بھی زور دیا گیا ہے۔
کراچی میں ہونے والی آخری بارش میں شارع فیصل کا کافی تذکرہ ہوا، شارع فیصل پر نرسری فرنیچر مارکیٹ وہ مقام تھا جہاں ماضی میں نہ صرف ہزاروں افراد پھنسے بلکہ سینکڑوں گاڑیاں بھی متاثر ہوئیں، ساتھ ہی فرنیچر مارکیٹ پوری ڈوبی جس سے تاجروں کو کروڑوں روپے کا نقصان ہوا۔
یہ بھی پڑھیں: کراچی سمیت سندھ کے مختلف شہروں میں بدھ تک شدید بارشوں کی پیش گوئی
گزشتہ تجربے کو مدنظر رکھتے ہوئے ’وی نیوز‘ نے فرنیچر مارکیٹ کا رخ کیا، یہ جاننے کے لیے کہ اب کی بار تو تیاریاں مکمل ہو چکی ہوں گی، لیکن فرنیچر مارکیٹ میں تاجروں کے چہروں پر مایوسی کے آثار نمایاں تھے، کچھ شوروم اب بھی اس لیے خالی ہیں کیوں کہ پھر سے بارش ہونے والی ہے اور تاجروں کو فرنیچر خراب ہونے کا خدشہ موجود ہے۔
تاجروں کے مطابق شارع فیصل سے منسلک نالے کا پانی نکل ہی نہیں سکتا جبکہ اس پر کوئی ٹھوس قدم نہ اٹھایا جائے۔
تاجروں کے مطابق 6 سے 9 فٹ پانی میں یہ مارکیٹ ڈوب جاتی ہے، جس سے ہمارا کروڑوں کا نقصان ہو چکا ہے۔ ہم نے دکانوں سے اور مارکیٹ سے کیچڑ صاف کیا تھا کہ اب پھر بارش آگئی ہے اور انتظامات سب کے سامنے ہیں۔
ہم نے رخ کیا شارع فیصل سے منسلک نالے اور سروس روڈ کا تو وہاں بھی کوئی انتظام نظر نہیں آیا، برساتی نالے اور سیوریج لائن بنا ڈھکنوں کے ہیں، اس مقام پر مارکیٹ، سروس روڈ اور نالے کا لیول ایک ہوجاتا ہے جس کے بعد اندازہ نہیں ہوپاتا کہ کون سی جگہ قدم رکھنا ہے اور کہاں نہیں رکھنا۔
یہ بھی پڑھیں: کراچی کی شارع فیصل بارش کے پانی میں کیوں ڈوب جاتی ہے؟ حیران کب وجہ سامنے آگئی
اسی مقام پر ایک شہری نے ’وی نیوز‘ سے بات چیت میں کہاکہ انہوں نے گزشتہ بارش میں کئی افراد کو اس نالے میں ڈوبنے سے بچایا۔ یہ مقام اب بھی چوک ہے اور نجانے آنے والی بارش میں اس جگہ کیا ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wnews انتظامیہ بارش تاجر برادری تاجر پریشان حکومت شارع فیصل کروڑوں کا نقصان وی نیوز.
ذریعہ
ذریعہ: WE News
کلیدی لفظ: انتظامیہ تاجر برادری تاجر پریشان حکومت شارع فیصل کروڑوں کا نقصان وی نیوز شارع فیصل ہے اور
پڑھیں:
محسن نقوی سے فیصل کریم کنڈی کی ملاقات، سکیورٹی چیلنجز سے آگاہ کیا
اسلام آباد میں وزیر داخلہ اور گورنر کے پی کے نے فتنہ الہندوستان کے دہشتگردوں کے خلاف کامیاب انٹیلی جنس بیسڈ آپریشنز پر سکیورٹی فورسز کو خراج تحسین، دہشتگردی کے خلاف جنگ کے شہداء کو خراج عقیدت پیش کیا۔ اسلام ٹائمز۔ وفاقی وزیر داخلہ سے گورنر خیبر پختونخوا فیصل کریم کنڈی کی ملاقات ہوئی۔ دونوں راہنماؤں کے درمیاں ملاقات میں خیبر پختونخوا میں امن عامہ کی صورتحال اور دیگر اہم امور پر تفصیلی تبادلہ خیال کیا گیا۔ ملاقات میں خیبرپختونخوا میں انسدادِ دہشتگردی کے لئے اٹھائے گئے اقدامات کا جائزہ لیا گیا، گورنر خیبرپختونخوا نے صوبے کو درپیش سکیورٹی چیلنجز سے وفاقی وزیر داخلہ آگاہ کیا۔ وزیر داخلہ اور گورنر کے پی کے نے فتنہ الہندوستان کے دہشتگردوں کے خلاف کامیاب انٹیلی جنس بیسڈ آپریشنز پر سکیورٹی فورسز کو خراج تحسین، دہشتگردی کے خلاف جنگ کے شہداء کو خراج عقیدت پیش کیا۔
محسن نقوی نے کہا کہ خیبر پختونخوا میں قیام امن کیلئے سکیورٹی فورسز کی قربانیاں ناقابل فراموش ہیں، وفاقی حکومت خیبرپختونخوا میں قیام امن کیلئے خیبرپختونخوا حکومت کے ساتھ مکمل تعاون کر رہی ہے۔ اس موقع پر وفاقی وزیر داخلہ محسن نقوی نے صوبہ خیبر پختونخوا میں امن و استحکام کے لیے ہر ممکن تعاون کی یقین دہانی کرائی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ