ایشیا کپ کا میلہ آج سجنے کو تیار، جیتنے والی ٹیم کو کتنی انعامی رقم ملے گی؟
اشاعت کی تاریخ: 9th, September 2025 GMT
ایشیا کپ 2025 کا آغاز 9 ستمبر سے ہو رہا ہے جبکہ پاکستان اپنی مہم کا پہلا میچ 12 ستمبر کو کھیلے گا، یہ ایونٹ 28 ستمبر تک جاری رہے گا اور برصغیر سمیت دنیا بھر کے کروڑوں شائقین کی توجہ کا مرکز بنے گا۔
خصوصاً اس لیے کہ بھارت اور پاکستان کے درمیان 3 مرتبہ ٹکراؤ ممکن ہے، اس بار ٹورنامنٹ ٹی20 فارمیٹ میں کھیلا جا رہا ہے، یہی وجہ ہے کہ مایہ ناز بھارتی بلے باز ویرات کوہلی اور روہت شرما جیسے بھارتی اسٹارز شامل نہیں ہوں گے۔
انعامی رقم
اس سال ایشیا کپ کی فاتح ٹیم کو 3 لاکھ امریکی ڈالر ملنے کی توقع ہے جبکہ رنر اپ ٹیم کو ڈیڑھ لاکھ ڈالر دیے جائیں گے، اگرچہ اس بارے میں باضابطہ اعلان تاحال نہیں کیا گیا لیکن گزشتہ ایڈیشن کے مقابلے میں انعامی رقم میں اضافے کی اطلاعات ہیں۔
ایشیا کپ کی میزبانی اصل میں بھارت کے حصے میں آئی تھی، تاہم بھارت اور پاکستان کے درمیان سیاسی کشیدگی کے باعث یہ فیصلہ کیا گیا کہ دونوں ٹیمیں ایک دوسرے کی سرزمین پر نہیں کھیلیں گی، اس تعطل کو ختم کرنے کے لیے ایک درمیانی راستہ نکالتے ہوئے ٹورنامنٹ کو متحدہ عرب امارات منتقل کردیا گیا۔
ٹیمیں اور گروپس
اس بار ایونٹ میں مجموعی طور پر 8 ٹیمیں شریک ہیں، بھارت، پاکستان، سری لنکا، بنگلہ دیش اور افغانستان براہ راست کوالیفائی کر چکے ہیں، جب کہ گزشتہ برس کے اے سی سی پریمیئر کپ میں نمایاں کارکردگی دکھانے والی 3 ایسوسی ایٹ ٹیمیں یعنی امارات، عمان اور ہانگ کانگ نے اپنی جگہ بنائی ہے۔
گروپ اے میں بھارت، پاکستان، متحدہ عرب امارات اور عمان شامل ہیں، جبکہ گروپ بی میں افغانستان، بنگلہ دیش، ہانگ کانگ اور سری لنکا مدِ مقابل ہوں گے۔
شیڈول اور میچز
گروپ اسٹیج کا آغاز 9 ستمبر کو افغانستان اور ہانگ کانگ کے درمیان ابو ظہبی میں ہوگا، بھارت 10 ستمبر کو دبئی میں متحدہ عرب امارات کے خلاف اپنی مہم کا آغاز کرے گا جبکہ پاکستان کا پہلا میچ 12 ستمبر کو عمان کے خلاف ہوگا۔
شائقین کے لیے سب سے زیادہ دلچسپی کا باعث روایتی حریف بھارت اور پاکستان کے درمیان پہلا ٹاکرا ہے جو 14 ستمبر کو دبئی میں ہوگا۔
گروپ میچز کے بعد سپر فور مرحلہ 20 سے 26 ستمبر تک کھیلا جائے گا، جہاں دونوں گروپس سے سرفہرست دو دو ٹیمیں آمنے سامنے آئیں گی۔ فائنل 28 ستمبر کو دبئی میں منعقد ہوگا۔
نیپال کی عدم شمولیت
نیپال نے حالیہ برسوں میں کرکٹ میں نمایاں مقام بنایا ہے لیکن 2024 کے اے سی سی پریمیئر کپ میں وہ سیمی فائنل میں ناکام رہا اور تیسری پوزیشن کے میچ میں بھی ہانگ کانگ سے شکست کھا گیا، یوں ہانگ کانگ نے اس تاریخی ایونٹ کے لیے اپنی جگہ بنائی جبکہ نیپال باہر ہو گیا۔
ٹورنامنٹ کا فارمیٹ
ٹورنامنٹ میں شریک 8 ٹیموں کو 2 گروپس میں تقسیم کیا گیا ہے، ہر ٹیم اپنے گروپ کی باقی ٹیموں کے خلاف ایک ایک میچ کھیلے گی، ہر گروپ کی سرفہرست 2 ٹیمیں سپر 4 میں پہنچیں گی جہاں سب ٹیمیں ایک دوسرے کے خلاف کھیلیں گی، اس مرحلے کی پہلی 2 ٹیمیں فیصلہ کن فائنل میں جگہ بنائیں گی۔
بھارت اور پاکستان کے ممکنہ مقابلے
بھارت اور پاکستان کا پہلا مقابلہ 14 ستمبر کو ہوگا۔ اگر دونوں ٹیمیں سپر 4 تک پہنچتی ہیں تو ان کے درمیان دوبارہ 21 ستمبر کو ٹاکرا متوقع ہے، اسی طرح اگر دونوں فائنل میں جگہ بنانے میں کامیاب رہیں تو تیسری بار بھی ان کا سامنا ہو سکتا ہے، جو شائقین کے لیے سب سے بڑا کرکٹ معرکہ ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایشیا کپ بھارت پاکستان ٹی20 فارمیٹ متحدہ عرب امارات.
ذریعہ
ذریعہ: WE News
کلیدی لفظ: ایشیا کپ بھارت پاکستان ٹی20 فارمیٹ متحدہ عرب امارات بھارت اور پاکستان کے متحدہ عرب امارات کے درمیان ہانگ کانگ ستمبر کو ایشیا کپ کے خلاف کے لیے
پڑھیں:
فیفا ورلڈکپ 2026 ، کونسی ٹیم فیورٹ؟، اوپٹا سپر کمپیوٹر نے حیران کن پیشگوئی کردی
دنیائے کھیل کا سب سے بڑا اور مقبول ترین میلہ ’فیفا فٹبال ورلڈکپ 2026‘ اپنی تمام تر رعنائیوں کے ساتھ 12 جون سے شروع ہونے جا رہا ہے۔
فٹبال کی تاریخ کا یہ اب تک کا سب سے انوکھا اور تاریخی ٹورنامنٹ ہوگا جس کی مشترکہ میزبانی امریکا، میکسیکو اور کینیڈا کر رہے ہیں۔
اس بار ورلڈکپ محض ایک کھیل نہیں بلکہ اعصاب کی جنگ ثابت ہونے والا ہے، کیونکہ تاریخ میں پہلی بار 32 کے بجائے 48 ٹیمیں عالمی اعزاز کے لیے ایک دوسرے سے ٹکرائیں گی۔
یہ بھی پڑھیں:104 میچز، 48 ٹیمیں اور اربوں شائقین، فیفا ورلڈ کپ 2026 میں کیا کچھ نیا ہونے جارہا ہے؟
جہاں شائقین کا جوش و خروش عروج پر ہے، وہی کھیلوں کے معروف ڈیٹا ماڈل ’اوپٹا سپر کمپیوٹر‘ نے آرٹیفیشل انٹیلی جنس کی مدد سے 10 ہزار سیمولیشنز تیار کر کے فاتح ٹیم کے حوالے سے ایک سنسنی خیز پیشگوئی کر دی ہے۔
ٹورنامنٹ کا نیا فارمیٹ اور راؤنڈ آف 32 کا تاریخی آغازماضی کے برعکس اس بار ٹورنامنٹ کے ڈھانچے میں بڑی تبدیلیاں کی گئی ہیں۔ ٹورنامنٹ میں شریک 48 ٹیموں کو 12 گروپس میں تقسیم کیا گیا ہے اور ہر گروپ 4 ٹیموں پر مشتمل ہے۔
اس نئے فارمیٹ کے تحت ایونٹ کے دوران مجموعی طور پر ریکارڈ 104 میچز کھیلے جائیں گے۔ ہر گروپ سے پہلے اور دوسرے نمبر پر آنے والی ٹیمیں ناک آؤٹ مرحلے میں کوالیفائی کریں گی، جس سے ایونٹ کی تاریخ میں پہلی بار ’راؤنڈ آف 32′ کا سنسنی خیز آغاز ہوگا۔
زیادہ ٹیموں کی شمولیت کے باعث جہاں مقابلوں کا جوش بڑھے گا، وہیں کسی بھی ٹیم کے لیے فائنل تک کا سفر طویل اور تھکا دینے والا ہوگا۔
اوپٹا سپر کمپیوٹر کیا ہے اور یہ کیسے کام کرتا ہے؟شائقین فٹبال کے لیے یہ جاننا ضروری ہے کہ ’اوپٹا سپر کمپیوٹر‘ کوئی روایتی فزیکل کمپیوٹر نہیں ہے۔ یہ دراصل آرٹیفیشل انٹیلی جنس (اے آئی) ٹیکنالوجی پر مبنی ایک انتہائی ایڈوانس ماڈل ہے جو فٹبالرز اور ٹیموں کے موجودہ فارم، ماضی کے ریکارڈز اور ہزاروں دیگر ڈیٹا پوائنٹس کا تجزیہ کرتا ہے۔
یہ ماڈل ڈیٹا کی بنیاد پر پورے ٹورنامنٹ کو 10 ہزار سے زیادہ بار ڈیجیٹل طور پر سیمولیٹ کرتا ہے اور پھر پیشگوئی کرتا ہے کہ کس ٹیم کے ٹورنامنٹ جیتنے، فائنل میں پہنچنے یا کسی خاص میچ میں کامیابی حاصل کرنے کے کتنے فیصد امکانات موجود ہیں۔
’اسپین‘ فیورٹ، مگر ایک بڑا دھچکا بھیاوپٹا سپر کمپیوٹر کی 10 ہزار ڈیجیٹل سیمولیشنز کے بعد جو نتائج سامنے آئے ہیں، انہوں نے فٹبال کی دنیا کو حیران کر دیا ہے۔ ماڈل نے تمام تر غیریقینی صورتحال کے باوجود ’اسپین‘ کو ٹرافی جیتنے کے لیے واضح طور پر فیورٹ قرار دیا ہے۔
مزید پڑھیں: اسلام آباد میں فیفا ورلڈ کپ 2026 کی تقریبات کا آغاز، سیالکوٹ کی فٹبال نے میلہ لوٹ لیا
سپر کمپیوٹر کے مطابق اسپین کے ورلڈکپ جیتنے کا امکان 16.1 فیصد ہے۔ تاہم دلچسپ اور پریشان کن بات یہ ہے کہ جہاں اسپین کو فاتح قرار دیا گیا ہے، وہیں ڈیٹا یہ بھی بتاتا ہے کہ اسپین وہ واحد بڑی ٹیم ہے جس کے کوارٹر فائنل تک نہ پہنچنے کا امکان 52.1 فیصد ہے۔ یعنی اگر اسپین ابتدائی ناک آؤٹ مرحلے عبور کرنے میں کامیاب رہا، تو اس کے سیمی فائنل میں پہنچنے کا امکان 39 فیصد جبکہ فائنل میں پہنچنے کا امکان 25.6 فیصد ہوگا۔
دیگر بڑی ٹیموں کے جیتنے کے امکاناتسپر کمپیوٹر کے مطابق ٹرافی کی دوڑ میں اسپین تنہا نہیں ہے بلکہ دیگر روایتی حریف بھی اس کے تعاقب میں ہیں۔ سپر کمپیوٹر نے 4 بڑی ٹیموں کے جیتنے کے امکانات کو 10 فیصد سے زیادہ قرار دیا ہے۔ اس فہرست میں فرانس دوسرے نمبر پر ہے جس کے ورلڈکپ جیتنے کا امکان 13 فیصد ظاہر کیا گیا ہے۔ اسی طرح انگلینڈ 11.2 فیصد امکان کے ساتھ تیسرے اور لیونل میسی کی ارجنٹینا (دفاعی چیمپیئن) 10.4 فیصد امکان کے ساتھ چوتھے نمبر پر ممکنہ فاتح قرار دی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپین امریکا اوپٹا سپر کمپیوٹر برطانیہ ٹیم فیورٹ حیران کن پیش گوئی فیفا ورلڈ کپ لندن ورلڈ کپ۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ