وزیراطلاعات پنجاب کی صحافیوں کو نوکریوں سے نکالنے کی دھمکی؟ پرانی ویڈیو وائرل
اشاعت کی تاریخ: 9th, September 2025 GMT
وزیر اطلاعات پنجاب عظمیٰ بخاری کی ایک ویڈیو وائرل ہوئی ہے جس میں وہ صحافیوں کو پریس کانفرنس کے دوران شورشرابا نہ کرنے ہدایت کررہی ہیں۔
وزیراعلیٰ پنجاب مریم نواز شریف کی پریس کانفرنس سے قبل انہوں نے صحافیوں سے غیررسمی گفتگو کرتے ہوئے انہیں پریس کانفرنس کے دوران ‘جذباتی’ نہ ہونے کا کہا۔
یہ بھی پڑھیے: راولپنڈی: صحافی طیب بلوچ پر حملہ، علیمہ خان اور پی ٹی آئی رہنماؤں کے خلاف مقدمہ درج
انہوں نے کہا کہ میں تو برداشت کرلیتی ہوں لیکن یہ وزیراعلیٰ کی پریس کانفرنس ہے، میری درخواست ہے کہ یہ پریس کانفرنس پہلی ہونی چاہیے آخری نہیں۔
انہوں نے ہاتھ جوڑ کر کہا کہ میری عزت آپ کے ہاتھ میں ہے، میں نے ہمیشہ بڑی بہنوں کی طرح برداشت کیا ہے اور کسی کی شکایت نہیں کی لیکن آج اگر کسی نے پریس کانفرنس میں شور شرابا اور بدتمیزی کی تومیری شکایت کا مطلب کسی کی نوکری خراب ہونا ہے جو میں نہیں چاہوں گی۔
میں تو برداشت کر لیتی ہوں لیکن آج وزیر اعلیٰ کی پریس کانفرنس ہے اگر کسی نے شور شرابہ کیا تو میں ناراض ہو جاؤں گی اور میری شکایت کا مطلب نوکری خراب ہونا ہے، وزیر اطلاعات پنجاب کی صحافیوں کو نوکری سے نکلوانے کی دھمکیاں pic.
— Rizwan Ghilzai (Remembering Arshad Sharif) (@rizwanghilzai) September 8, 2025
واضح رہے کہ گزشتہ دنوں اڈیالہ جیل کے باہرمیڈیا سے گفتگو کے دوران صحافی طیب بلوچ اور پی ٹی آئی رہنماؤں کے درمیان تلخ کلامی کا واقعہ پیش آیا تھا۔
واقعے کے بعد صحافی سے ہاتھاپائی کا مقدمہ تھانہ صدر بیرونی راولپنڈی میں درج کرلیا گیا۔ مقدمے میں علیمہ خان، نعیم حیدر پنجوتھہ اور دیگر افراد کو نامزد کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
صحافی وزیراطلاعات وزیراعلٰی پنجابذریعہ: WE News
کلیدی لفظ: صحافی وزیراطلاعات پریس کانفرنس
پڑھیں:
ایرانی انفلوئنسر میک اپ کی مدد سے اداکارہ کاجول بن گئی، ویڈیو وائرل
ایرانی بیوٹی انفلوئنسر اور میک اپ آرٹسٹ نسیم ایرانی نے اپنی غیر معمولی مہارت سے بالی ووڈ اسٹار کاجول میں ایسا روپ بدلا کہ دیکھنے والے حیران رہ گئے۔
یہ ویڈیو وائرل ہو گئی ہے اور صرف چند دنوں میں تقریباً 3 کروڑ ویوز اور 10 لاکھ سے زائد لائکس حاصل کر چکی ہے۔
ویڈیو میں کمال تبدیلیانسٹاگرام پر شیئر کی گئی اس ویڈیو کا آغاز نسیم کے میک اپ کے بغیر چہرے سے ہوتا ہے، اور پھر قدم بہ قدم تبدیلی دکھائی جاتی ہے۔ کمال مہارت کے ساتھ انہوں نے نہ صرف کاجول کے مشہور انداز بلکہ ان کے تاثرات تک کی درست نقل کی۔ یہ ویڈیو فلم’ کبھی خوشی کبھی غم‘ کے ایک گیت کے ساتھ اپ لوڈ کی گئی۔
ویڈیو کے کیپشن میں نسیم ایرانی نے لکھا کہ آج کاجول بننے کی کوشش کی… کیا کامیاب رہی یا مزید پریکٹس کی ضرورت ہے؟
View this post on Instagram
A post shared by NASIM IRANI|نسیم ایرانی (@ncmmua)
سوشل میڈیا پر تعریفوں کے پلویڈیو دیکھنے والوں نے نسیم کی صلاحیت کو حیران کن قرار دیا۔ ایک صارف نے لکھا آپ کاجول سے بھی زیادہ کاجول لگ رہی ہیں، کمال کا کام!
ایک اور صارف نے کہا کہ یہ جادوگری ہے، صدیوں پہلے ہوتی تو لوگ واقعی یقین کر لیتے۔
جبکہ بہت سے مداحوں کا کہنا تھا کہ یہ تبدیلی کسی AI یا ایڈیٹنگ سے بھی زیادہ حقیقت پسندانہ لگ رہی ہے۔
صرف میک اپ کے ذریعے کمال مشابہت پیدا کرنے کی نسیم کی مہارت نے انہیں انٹرنیٹ پر سنسنی بنا دیا ہے۔ ان کی یہ ویڈیو سوشل میڈیا پر لاکھوں لوگوں کو حیران کر رہی ہے اور بالی وڈ فینز کمنٹس میں تعریف کے انبار لگا رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اداکارہ کاجول دلچسپ و عجیب میک اپ میک اپ آرٹسٹ نسیم ایرانی
منیشا کوئرالہ نے نیپال میں مظاہرین کیخلاف جاری پرتشدد کریک ڈاؤن پر آواز بلند کردی