نیپال میں نوجوانوں کا بڑا عوامی ردعمل ، وزیر توانائی کی تجوری لوٹ کر پیسے ہوا میں اُڑا دیے
اشاعت کی تاریخ: 9th, September 2025 GMT
نیپال میں حکومت کی کرپشن اور سوشل میڈیا پر لگائی گئی پابندیوں کے خلاف نوجوانوں کا صبر آخرکار جواب دے گیا۔ پورے ملک میں مظاہرے پھوٹ پڑے اور حالات اتنے بگڑ گئے کہ وزیر اعظم اور تین اعلیٰ وزرا کو مستعفی ہونا پڑا۔
وزیر توانائی کے محل میں ہنگامہ، پیسے چھت سے نیچے برسائے گئے
سوشل میڈیا پر وائرل مناظر میں دکھایا گیا کہ مشتعل مظاہرین، جن میں زیادہ تر نوجوان تھے، وزیر توانائی کے پرتعیش محل نما گھر میں داخل ہو گئے۔ وہاں انہوں نے گھر میں موجود تجوری کو توڑا اور لاکھوں کی نقدی نکال کر چھت پر چڑھ گئے۔
ان مظاہرین نے یہ رقم نہ صرف ہوا میں اُڑائی بلکہ کئی نوٹ سڑکوں پر پھینک دیے۔ کچھ مظاہرین نے نوٹوں کو پھاڑ دیا جبکہ کچھ نے ان میں سے اپنے ساتھ بھی رکھ لیے۔ ایک مقام پر احتجاجی نوجوانوں نے نوٹوں کو جلا کر علامتی احتجاج بھی ریکارڈ کرایا۔
کرپشن کا پیسہ ہے، عوام کا نہیں!
مظاہرین کا کہنا تھا کہ یہ وہ دولت ہے جو وزرا نے عوام کی قیمت پر ناجائز طریقے سے جمع کی۔ یہ ہمارے خون پسینے کی کمائی تھی جو انہوں نے اپنی تجوریوں میں چھپا رکھی تھی۔
مظاہرین کی آواز گلیوں سے سوشل میڈیا تک گونجی، اور دنیا بھر میں نیپال کے ان مظاہروں کو جنریشن زی کا انقلاب قرار دیا جا رہا ہے۔
سوشل میڈیا پر قدغن نے جلتی پر تیل کا کام کیا
نیپالی نوجوان، جو پہلے ہی بڑھتی مہنگائی، بیروزگاری اور بدعنوانی سے پریشان تھے، اپنا غصہ سوشل میڈیا پر نکال لیا کرتے تھے۔ لیکن جب حکومت نے سوشل میڈیا پر سخت پابندیاں لگائیں، تو نوجوان خاموشی سے باہر نکلنے کے بجائے سڑکوں پر آ گئے۔
ریاستی طاقت کا استعمال الٹا اثر لے آیا
حکومت نے مظاہرین کو دبانے کے لیے طاقت کا استعمال کیا، لیکن یہ حکمتِ عملی اُلٹی پڑ گئی۔
جھڑپوں میں 21 افراد جاں بحق اور 250 سے زائد زخمی ہوئے۔ اس تشدد کے بعد عوام کا غصہ مزید بھڑک اٹھا، جس کے نتیجے میں پارلیمنٹ، سپریم کورٹ، وزیراعظم ہاؤس اور حکومتی دفاتر کو آگ لگا دی گئی ،وزرا کے گھروں پر حملے ہوئے کئی علاقوں میں کرفیو کے باوجود مظاہروں پر قابو نہ پایا جا سکا
حکومت کا خاتمہ، استعفے اور فرار
صرف دو دنوں میں ہی حالات اتنے خراب ہو گئے کہ وزیر اعظم کو اپنا عہدہ چھوڑنا پڑا تین اہم وزرا نے بھی استعفے دے دیے ، اطلاعات کے مطابق وزیر اعظم دبئی فرار ہو چکے ہیں
ذریعہ
ذریعہ: Daily Mumtaz
کلیدی لفظ: سوشل میڈیا پر
پڑھیں:
میٹا اے آئی سمیت چیٹ بوٹس کے ذریعے سوشل میڈیا اکاؤنٹس ہیک ہونے کا خطرہ، ماہرین کی وارننگ
سائبر سیکیورٹی ماہرین نے خبردار کیا ہے کہ مصنوعی ذہانت یا اے آئی پر مبنی چیٹ بوٹس کے خلاف ایک نئے قسم کے سائبر حملے سامنے آئے ہیں جن کے ذریعے ہیکرز سوشل میڈیا اکاؤنٹس اور ذاتی معلومات تک غیر مجاز رسائی حاصل کر سکتے ہیں۔
یہ بھی پڑھیں: دنیا بھر کی اہم شخصیات کے انسٹاگرام اکاؤنٹس ہیک ہونے کا انکشاف، میٹا نے سب بتادیا
ماہرین کے مطابق جدید بڑی زبان کے ماڈلز(ایل ایل ایمز) جن میں میٹا اے آئی سمیت دیگر اے آئی چیٹ بوٹس شامل ہیں کو ایک تکنیک پرومپٹ انجیکشن‘ کے ذریعے دھوکا دیا جا سکتا ہے۔ اس طریقے میں حملہ آور چیٹ بوٹس کے حفاظتی نظام کو بائی پاس کرتے ہوئے انہیں ایسے احکامات پر عمل کرنے پر آمادہ کرتے ہیں جو عام حالات میں ممکن نہیں ہوتے۔
سائبر سیکیورٹی ماہر بروس شنائر کے مطابق ہیکرز اس مقصد کے لیے ’پرولیج ایسکلیشن‘ نامی حکمت عملی استعمال کرتے ہیں جس کے تحت اے آئی ماڈل کو ایسی فرضی شخصیت اختیار کرنے پر قائل کیا جاتا ہے جو حفاظتی قواعد کو نظر انداز کر دے یوں چیٹ بوٹ کی محدود صلاحیتیں وسیع ہو جاتی ہیں۔
رپورٹ کے مطابق حملہ آور یہ خفیہ ہدایات بظاہر بے ضرر مواد، جیسے ای میلز، ویب سائٹس یا آن لائن پیغامات میں شامل کرتے ہیں۔ اگر چیٹ بوٹ ان ہدایات کو قبول کر لے تو ہیکرز کو صارف کے منسلک اکاؤنٹس اور ڈیجیٹل سروسز تک رسائی حاصل ہو سکتی ہے۔
مزید پڑھیے: اوپن اے آئی نے ’سورا‘ ایپ لانچنگ کے چند ماہ بعد ہی اچانک کیوں بند کردی؟
ماہرین کا کہنا ہے کہ ایک بار چیٹ بوٹ کے متاثر ہونے کے بعد اسے ذاتی معلومات چرانے، حساس ڈیٹا باہر منتقل کرنے یا صارف کے اکاؤنٹس تک غیر مجاز رسائی حاصل کرنے جیسے اقدامات کے لیے استعمال کیا جا سکتا ہے۔
سائبر سیکیورٹی ماہرین نے خبردار کیا ہے کہ خطرہ اس وقت مزید بڑھ جاتا ہے جب صارفین اے آئی ٹولز کو اپنی ای میل، کیلنڈر یا دیگر ذاتی سروسز تک رسائی دے دیتے ہیں کیونکہ اس سے حملہ آوروں کے لیے نقصان دہ سرگرمیوں کے نئے راستے کھل سکتے ہیں۔
مزید پڑھیں: ’کوئی پڑھے نہ پڑھے اے آئی تو پڑھے گی‘: قدیم زمانوں کے محبت نامے، خفیہ تحریریں آشکار
ماہرین کے مطابق ہیکرز کا حتمی مقصد مالی فراڈ، شناختی معلومات کی چوری اور دیگر نقصان دہ سرگرمیوں کو انجام دینا ہوتا ہے۔ ان کا کہنا ہے کہ یہ رجحان ظاہر کرتا ہے کہ مستقبل میں مصنوعی ذہانت کی اپنی استدلالی صلاحیتیں بھی صارفین کے خلاف استعمال کی جا سکتی ہیں جس سے روایتی سائبر سیکیورٹی اقدامات کو مؤثر بنانا مزید مشکل ہو جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اے آئی مصنوعی ذہانت ہیکنگ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ