دہشتگردی کسی صورت قابل قبول نہیں، بلوچستان کے عوام ریاست کے ساتھ کھڑے ہیں، وزیراعلیٰ سرفراز بگٹی
اشاعت کی تاریخ: 9th, September 2025 GMT
وزیر اعلیٰ بلوچستان میر سرفراز بگٹی کا کہنا ہے کہ دہشتگردی چاہے مذہب کے نام پر ہو یا قوم پرستی کے اس کا عوامی حقوق یا ترقی سے کوئی تعلق نہیں اور بلوچستان کے عوام دہشتگردوں کے خلاف سیسہ پلائی ہوئی دیوار ہیں، ہم کسی صورت سرینڈر نہیں کریں گے۔
یہ بھی پڑھیں: وزیر اعلیٰ بلوچستان میر سرفراز بگٹی کا اپنے آبائی علاقے بیکڑ کا دورہ
قلعہ سیف اللہ میں ایک بڑے عوامی اجتماع سے خطاب کرتے ہوئے انہوں نے کہا کہ اسلام امن اور بھائی چارے کا دین ہے اور جو لوگ مذہب کے نام پر بندوق اٹھاتے ہیں وہ دین دشمن عناصر ہیں۔ انہوں نے مزید کہا کہ اسی طرح جو قوم پرستی یا حقوق کے نام پر ہتھیار اٹھاتے ہیں وہ ملک دشمن ایجنڈے پر عمل پیرا ہیں۔
وزیر اعلیٰ نے معصوم شہریوں اور مسافروں کے قتل کو ناقابل معافی جرم قرار دیتے ہوئے کہا کہ بلوچستان کے عوام ان درندہ صفت عناصر کے خلاف متحد ہیں۔ انہوں نے کوئٹہ میں سیاسی جلسے پر ہونے والے خودکش حملے کی شدید مذمت کرتے ہوئے کہا کہ ریاست ایسی بزدلانہ کارروائیوں کے آگے جھکنے والی نہیں۔
عوام کے حقوق کا تحفظ اولین ترجیحوزیر اعلیٰ میر سرفراز بگٹی نے کہا کہ بلوچستان کے معدنی وسائل پر پہلا حق مقامی عوام کا ہے اور ان وسائل پر قبضے کی کسی بھی کوشش کو ہرگز برداشت نہیں کیا جائے گا۔
مزید پڑھیے: 14 اگست کو سیکیورٹی اداروں نے بلوچستان کو بڑی تباہی سے بچایا، وزیراعلیٰ سرفراز بگٹی کا انکشاف
سرفراز بگٹی نے کہا کہ عوام کے حقوق پر ڈاکہ ڈالنے کی اجازت نہیں دی جائے گی۔ انہوں نے مزید کہا کہ عوام کے حقوق کا محافظ بن کر کھڑا ہے اور ہمیشہ کھڑا رہے گا۔
ترقیاتی منصوبوں کا اعلانخطاب کے دوران وزیر اعلیٰ نے قلعہ سیف اللہ کی ترقی کے لیے متعدد منصوبوں کا اعلان کیا جن میں کان مہترزئی ڈیم کی تعمیر بھی شامل ہے۔
انہوں نے کہا کہ قبائلی احترام، بھائی چارے اور یکجہتی کا رشتہ اٹوٹ ہے جسے کوئی طاقت ختم نہیں کر سکتی۔
احتجاج آئینی حق مگر عوام کو تکلیف دینا ناقابل قبولوزیر اعلیٰ نے کہا کہ پرامن احتجاج ہر شہری کا آئینی حق ہے لیکن سڑکیں بند کرنا، عوام کو تکلیف دینا اور روزمرہ زندگی میں خلل ڈالنا آئین و قانون کے منافی ہے۔
مزید پڑھیں: سرفراز بگٹی کی شاہ لطیف بھٹائی کی درگاہ پر حاضری، ادبی کانفرنس میں شرکت
انہوں نے تمام سیاسی، قبائلی اور سماجی طبقات سے اپیل کی کہ وہ ریاستی اداروں کے ساتھ تعاون کریں تاکہ بلوچستان میں امن، ترقی اور خوشحالی کو یقینی بنایا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان بلوچستان منصوبے قلعہ سیف اللہ وزیراعلیٰ بلوچستان میر سرفراز بگٹی.
ذریعہ
ذریعہ: WE News
کلیدی لفظ: بلوچستان بلوچستان منصوبے قلعہ سیف اللہ وزیراعلی بلوچستان میر سرفراز بگٹی میر سرفراز بگٹی بلوچستان کے وزیر اعلی نے کہا کہ انہوں نے
پڑھیں:
وزیر ریلوے کی اطالوی قومی دن کے موقع پر اٹلی کی حکومت اور عوام کو مبارکباد
اسلام آباد(اُردو پوائنٹ اخبارتازہ ترین - این این آئی۔ 02 جون2026ء) وزیر ریلوے محمد حنیف عباسی نے اطالوی قومی دن کے موقع پر اٹلی کی حکومت اور عوام کو مبارکباد پیش کرتے ہوئے کہا ہے کہ پاکستان اور اٹلی کے درمیان دیرینہ دوستانہ تعلقات باہمی احترام، اعتماد اور تعاون پر مبنی ہیں۔منگل کو اپنے بیان میں انہوں نے کہا کہ اٹلی پاکستان کا ایک اہم یورپی شراکت دار ہے اور دونوں ممالک کے تعلقات وقت کے ساتھ مزید مستحکم ہوئے ہیں۔ وزیر ریلوے نے کہا کہ پاکستان اٹلی کے ساتھ تجارت، سرمایہ کاری، تعلیم اور ثقافتی روابط کے فروغ کو خصوصی اہمیت دیتا ہے۔انہوں نے کہا کہ اطالوی قومی دن دونوں ممالک کے درمیان دوستی اور تعاون کے مزید فروغ کے عزم کی تجدید کا موقع فراہم کرتا ہے۔ انہوں نے اٹلی میں مقیم پاکستانی برادری کے کردار کو سراہتے ہوئے کہا کہ یہ برادری دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔(جاری ہے)
وزیر ریلوے نے کہا کہ پاکستان اٹلی کے ساتھ اقتصادی، تجارتی اور عوامی سطح کے روابط کو مزید وسعت دینے کا خواہاں ہے ،دونوں ممالک کے درمیان مختلف شعبوں میں تعاون کے وسیع امکانات موجود ہیں جو مشترکہ ترقی اور خوشحالی کا ذریعہ بن سکتے ہیں۔انہوں نے کہا کہ پاکستان اور اٹلی کے مضبوط تعلقات باہمی مفادات کے تحفظ اور بین الاقوامی تعاون کے فروغ میں اہم کردار ادا کر رہے ہیں اور یہ دیرینہ دوستی مستقبل میں مزید مضبوط اور نتیجہ خیز شراکت داری میں تبدیل ہوگی۔ انہوں نے اطالوی قومی دن پر پاکستان اور اٹلی کے عوام کے لیے امن، ترقی اور خوشحالی کی نیک تمناں کا اظہار کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ