ایرانی سیکیورٹی فورسز کی فائرنگ، 6 افغان جاں بحق، متعدد زخمی
اشاعت کی تاریخ: 10th, September 2025 GMT
ایران افغانستان سرحد پر افغان تارکین وطن پر ایرانی سیکیورٹی فورسز کی طرف سے سیدھی فائرنگ کا واقعہ پیش آیا جس کے نتیجے میں کم از کم 6 افغان جاں بحق، متعدد زخمی ہوگئے۔
ہیومن رائٹس آرگنائزیشن حال وش کی رپورٹ کے مطابق ایرانی سیکیورٹی فورسز کی فائرنگ سے 6 افغان تارکینِ وطن ہلاک اور متعدد شدید زخمی ہوگئے۔ یہ واقعہ اُس وقت پیش آیا جب افغان شہری غیر قانونی طور پر ایران کی سرحد عبور کرنے کی کوشش کر رہے تھے۔
واقعے کی تفصیلاتفائرنگ صوبہ سیستان میں اُس وقت ہوئی جب تقریباً 120 افغان شہری سرحد عبور کرنے کی کوشش میں تھے۔ رپورٹ کے مطابق ایرانی فورسز نے براہِ راست فائرنگ کی جس میں خواتین اور بچے بھی شامل تھے۔
واقعے کے بعد ایرانی سیکیورٹی فورسز نے تقریباً 40 افغان تارکینِ وطن کو حراست میں لے لیا۔
یہ بھی پڑھیے ایران کی جانب سے 11 لاکھ افغان مہاجرین کو بے دخل کردیا گیا
زخمیوں میں احسان اللہ تاجک، نصر اللہ بارکزاہی، حزب اللہ بارکزاہی، وائی بارکزاہی اور بشیر احمد بارکزاہی شامل ہیں۔
کئی زخمیوں کو اسپتال منتقل کیا گیا جہاں ان کی حالت کو تشویشناک قرار دیا گیا ہے۔
سرکاری ردِ عملواقعے کے حوالے سے تاحال نہ ایرانی حکام اور نہ ہی افغان حکومت کی جانب سے کوئی بیان سامنے آیا ہے۔
یہ بھی پڑھیے ایران نے افغان سرحد پر باڑ لگانے کا فیصلہ کیوں کیا؟
انسانی حقوق کی تنظیموں کے مطابق، ایران میں سرحد پار کرنے والے افغان شہری اکثر ایسے ہی خطرات سے دوچار ہوتے ہیں۔ گزشتہ سال بھی ایرانی سرحدی علاقوں میں 300 سے زائد افغان تارکین وطن پر فائرنگ کی گئی تھی، جس میں متعدد ہلاک اور زخمی ہوئے تھے۔
یہ واقعہ ایران افغانستان سرحد پر جاری انسانی بحران کی ایک اور مثال ہے، جہاں غربت، بے روزگاری اور جنگ سے بھاگنے والے افغان شہری بہتر مستقبل کی تلاش میں جان کی بازی لگا دیتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایران افغان بارڈر.
ذریعہ
ذریعہ: WE News
کلیدی لفظ: ایران افغان بارڈر ایرانی سیکیورٹی فورسز افغان تارکین افغان شہری
پڑھیں:
پیٹرولیم مصنوعات کی قیمتوں میں اضافہ ، شہری پھٹ پڑے
سٹی 42: حکومت نے پیٹرولیم مصنوعات کی قیمتوں میں مزید اضافہ کر دیا،
پیٹرول کی قیمت میں 4 روپے 40 پیسے کا اضافہ شہریوں نے قیمتوں میں اضافہ مسترد کردیا۔ حکومت سے پیٹرولیم مصنوعات کی قیمتوں میں کمی کا مطالبہ کردیا۔
شہری کا کہنا تھا کہ کس قانون کے تحت حکومت روزانہ پیٹرول کی قیمت بڑھا رہی ہے۔کمی پیسوں میں کی جاتی ہے جبکہ اضافہ بھاری کیا جاتا ہے۔پیٹرول کی اضافی قیمت کی وجہ روز مرہ زندگی بری طرح متاثر ہوکررہ گئی ہے، ہیجانی سی کیفیت ہوتی ہے کہ آج حکومت پیٹرول کتنا مہنگا کرے گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں کا کہنا ہے کہ پیٹرولیم مصنوعات کی قیمتوں کی روزانہ کی بنیاد پر اضافے نے نفسیاتی اور ذہنی اذیت میں مبتلا کردیا ہے ۔ غریب شہریوں کو تنخواہ ماہانہ ملتی ہے جبکہ پیٹرولیم مصنوعات کی روزانہ کی بنیاد پر تبدیلی سارے بجٹ کو ہلا دیتی ہے ۔ اشیائے خوردونوش کی قیمتوں اور دیگر اخراجات میں بھی اضافہ ہوجاتاہے ۔ حکومت کو اپنے فیصلے پر غور کرنا چاہیے ۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا