سیلاب متاثرین کے لیے وفاق کو فوری فلیش اپیل کرنی چاہیے، وزیراعلیٰ سندھ
اشاعت کی تاریخ: 11th, September 2025 GMT
وزیراعلیٰ سندھ مراد علی شاہ نے کہا ہے کہ پاکستان کی ترقی اور بقا قائداعظم کے اصولوں اور وژن پر عمل کرنے میں مضمر ہے، ہمیں ایمان، اتحاد اور تنظیم کے بغیر منزل نہیں مل سکتی۔
صوبائی کابینہ کے ہمراہ مزارِ قائد پر حاضری کے بعد میڈیا سے گفتگو کرتے ہوئے وزیراعلیٰ سندھ کا کہنا تھا کہ وفاقی حکومت کو حالیہ سیلاب کے تناظر میں ریسکیو اور ریلیف کے لیے فوری طور پر فلیش اپیل کرنی چاہیے، کیونکہ اس وقت متاثرین کو فوری امداد کی ضرورت ہے۔
یہ بھی پڑھیں:
ان کا کہنا تھا کہ یہ وقت تنقید کا نہیں بلکہ تعمیری کردار ادا کرنے کا ہے، ایسی تنقید نہ کی جائے جس سے قوم کو مزید تکلیف پہنچے۔
کراچی میں اربن فلڈنگ پر تنقید کے حوالے سے مراد علی شاہ نے کہا کہ بارش کے بعد بہت سارے برساتی مینڈک نکل آئے ہیں۔
انہوں نے بعض عناصر کو خبردار کیا کہ بارش اور سیلاب کے تناظر میں سیاست اور لسانی تفریق پیدا نہ کریں، جو کچھ الطاف حسین نے کیا، اس کا حشر دیکھ لیں۔
مزید پڑھیں:
مراد علی شاہ کا کہنا تھا کہ سندھ کے شہریوں نے، اس شہر اور ملک نے بہت کچھ سہا ہے، لہٰذا لسانی بنیادوں پر سیاست نہ کریں۔
وزیراعلیٰ سندھ نے کہا کہ حالیہ بارشوں اور سیلابی صورتحال میں انتظامیہ اور منتخب نمائندے سڑکوں پر موجود رہے۔ ’ہم اپنے کام سے مطمئن ہیں، اس لیے غلط افواہیں پھیلانے کا سلسلہ بند ہونا چاہیے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ریسکیو ریلیف سیلاب فلیش اپیل مراد علی شاہ وزیر اعلی سندھ.ذریعہ: WE News
کلیدی لفظ: ریسکیو ریلیف سیلاب مراد علی شاہ وزیر اعلی سندھ مراد علی شاہ
پڑھیں:
کوئٹہ، پرائیویٹ اسکولز کی انتخابی شیڈول میں امتحانات کو مدنظر رکھنے کی اپیل
اپنے بیان میں آل بلوچستان پرائیویٹ اسکولز فیڈیشن نے کہا کہ الیکشن کمیشن انتخابی شیڈول کا اعلان اسکولز کے سالانہ امتحانات کو مدنظر رکھ کر کرے۔ اسلام ٹائمز۔ پرائیویٹ اسکولز فیڈریشن بلوچستان نے الیکشن کمیشن سے درخواست کی ہے کہ کوئٹہ کے بلدیاتی انتخابات کا شیڈول ترتیب دیتے ہوئے سالانہ امتحانات کو مدنظر رکھا جائے۔ اپنے بیان میں آل بلوچستان پرائیویٹ اسکولز فیڈریشن کے صدر نذر بڑیچ، سینئر نائب صدر حاجی سلیم ناصر، جنرل سیکرٹری حضرت علی کوثر و دیگر رہنماؤں نے الیکشن کمیشن کی جانب سے کوئٹہ میں بلدیاتی انتخابات کے اعلان کو خوش آئند قرار دیتے ہوئے تجویز دی ہے کہ الیکشن کمیشن انتخابی شیڈول کا اعلان کوئٹہ میں اسکولوں کے سالانہ امتحانات کو مدنظر رکھ کرے۔ 20 نومبر سے کوئٹہ میں سالانہ امتحانات شروع ہو رہے ہیں، جبکہ ہشتم بورڈ کا امتحانات بھی 24 نومبر سے شروع ہوں گے۔ ایسے میں کوئٹہ کے تمام نجی و سرکاری اسکولز کے اساتذہ و دیگر عملہ امتحانات میں مصروف ہوں گے۔ لہٰذا الیکشن کمیشن انتخابی شیڈول کا اعلان اسکولز کے سالانہ امتحانات کو مدنظر رکھ کر کرے۔
بابر اعظم ایک ٹی 20 میچ میں کتنے عالمی ریکارڈز توڑ سکتے ہیں؟