ایم کیوایم وفد کی محمد علی درانی سے ملاقات، نئے صوبوں کے قیام پر اتفاق
اشاعت کی تاریخ: 11th, September 2025 GMT
لاہور(نیوز ڈیسک) سینئر سیاستدان اور سابق وفاقی وزیر محمد علی درانی سے ایم کیوایم کے وفد نے ملاقات کی۔ وفد کی قیادت ایم کیوایم کے مرکزی رہنما اور تحریک صوبہ پوٹھوہار کے کنوینر زاہد ملک کر رہے تھے۔ ملاقات محمد علی درانی کی رہائش گاہ پر ہوئی جس میں ملک میں سیلاب کی صورتحال اور سیاسی امور پر تبادلہ خیال کیا گیا۔
ایم کیوایم کے وفد نے ملک میں انتظامی بنیادوں پر نئے صوبوں کے قیام اور صوبہ بہاولپور کی بحالی کی جدوجہد پر محمد علی درانی کو خراج تحسین پیش کیا۔ اجلاس میں ملک میں نئے صوبوں کے قیام کے لیے مشترکہ کاوشوں پر اتفاق کیا گیا۔
محمد علی درانی نے گفتگو میں کہا کہ نئے صوبے، نیشنل فنانس کمیشن کی منصفانہ تقسیم اور صوبائی سطح پر فنانس کمیشن کے اقدامات وقت کی ضرورت ہیں۔ ان کا کہنا تھا کہ انتظامی بنیادوں پر صوبے بننے سے گورننس بہتر ہوگی اور عوام کے مسائل حل ہوں گے۔
انہوں نے مزید کہا کہ سیلاب کی سنگین صورتحال کے پیش نظر ملک میں نیشنل ایمرجنسی نافذ کی جائے۔ ان کے مطابق بلدیاتی نظام نہ ہونے کے باعث سیلاب نے حالات کو مزید خراب کیا ہے جبکہ صوبوں کے وسائل مخصوص شہروں تک محدود رہنے سے عوام کے مسائل بڑھ رہے ہیں۔
محمد علی درانی نے زور دیا کہ صوبوں کے وسائل کسی وزیر اعلیٰ کی صوابدید پر نہیں بلکہ آئینی فارمولے کے تحت مساوی طور پر تمام علاقوں پر خرچ ہونے چاہییں۔ انہوں نے صوبہ پوٹھوہار کے قیام کے لیے تحریک شروع کرنے پر زاہد ملک کو مبارک باد بھی دی
Post Views: 4.ذریعہ: Daily Mumtaz
کلیدی لفظ: محمد علی درانی ایم کیوایم صوبوں کے کے قیام ملک میں
پڑھیں:
سہیل آفریدی کے سیاسی قائدین سے رابطے‘ قیام امن کے لیے ملکر چلنے کی پیشکش
data-id="863a0a8" data-element_type="widget" data-widget_type="theme-post-content.default">
251102-01-24
پشاور ( مانیٹرنگ ڈیسک )خیبر پختونخوا میں بڑی مثبت سیاسی پیش رفت سامنے آئی ہے، وزیر اعلیٰ سہیل آفریدی نے تمام سیاسی جماعتوں کے قائدین سے ٹیلی فون پر رابطے کرکے امن و امان کی صورتحال پر سیاسی جماعتوں کو ساتھ چلنے کی پیشکش کر دی۔ وزیراعلیٰ سہیل آفریدی نے مولانا فضل الرحمٰن، آفتاب شیرپاؤ، ایمل ولی خان کو ٹیلی فون کیا، انہوں نے سراج الحق، امیر مقام، اور محمد علی شاہ باچا سے بھی رابطہ اور قیام امن کے حوالے سے صوبائی حکومت کے ساتھ مل کر چلنے کی پیشکش کی۔ اسی طرح گورنر اور وزیر اعلیٰ ہاؤس کے درمیان بھی دوریاں ختم ہونے لگی ہیں۔ اسپیکر خیبرپختونخوا اسمبلی بابر سلیم سواتی نے گورنر فیصل کریم کنڈی سے ملاقات کرکے انہیں سیکیورٹی کمیٹی اجلاس میں شرکت کی دعوت دی ہے۔ گورنر خیبر پختونخوا فیصل کریم کنڈی نے سیکیورٹی کمیٹی کے اجلاس میں شرکت کی دعوت قبول کرلی ہے۔ یاد رہے کہ گزشتہ ہفتے خبر سامنے آئی تھی کہ وزیراعلیٰ سہیل آفریدی نے خیبر پختونخوا اسمبلی میں امن جرگہ بلانے کا فیصلہ کیا ہے، جس میں سابق وزرائے اعلیٰ، گورنرز، علمائے کرام، مشران، سول سوسائٹی، وکلا اور اہم شخصیات کو مدعو کیا جائے گا۔ وزیرِ اعلیٰ ہاؤس پشاور میں پاکستان تحریکِ انصاف (پی ٹی آئی) کی سینئر قیادت کا اہم اجلاس ہوا تھا، جس میں چیئرمین بیرسٹرگوہر، وزیرِ اعلیٰ سہیل آفریدی، جنید اکبر، اسد قیصر و دیگر رہنماؤں نے شرکت کی تھی۔ اجلاس میں صوبے کی امن و امان کی صورتحال پر تفصیلی غور کیا گیا تھا، اور ہنگو بم دھماکے کے واقعے پر اظہارِ افسوس اور شہید پولیس اہلکاروں کے ایصالِ ثواب کے لیے دعا کی گئی تھی، اجلاس کے شرکا نے پولیس کی قربانیوں کو خراجِ تحسین بھی پیش کیا تھا۔
سہیل آفریدی کی عمران خان سے پھر ملاقات نہ ہوسکی، توہین عدالت کی درخواست دائر کرنے کا اعلان