ایپل کے آئی فون 17 سیریز لانچ پر سام سنگ کا طنزیہ وار
اشاعت کی تاریخ: 11th, September 2025 GMT
ایپل نے منگل کے روز اپنی نئی آئی فون 17 سیریز لانچ کی، جس میں سب سے زیادہ توجہ حاصل کرنے والا ماڈل آئی فون 17 ایئر ہے۔ کمپنی کے مطابق یہ صرف 5.6 ملی میٹر موٹا ہے اور اب تک کا سب سے پتلا آئی فون قرار دیا گیا ہے۔
لانچ ایونٹ کے فوراً بعد سام سنگ نے ایپل پر طنزیہ تبصرے کرتے ہوئے #iCant ہیش ٹیگ کے ساتھ کئی پوسٹس شیئر کیں اور ایپل کو اختراع کے بجائے صرف ہائپ پر انحصار کرنے پر نشانہ بنایا۔
یہ بھی پڑھیں: سام سنگ نے جدید اے آئی فیچرز سے مزین گلیکسی ایس 25 ایف ای متعارف کرادیا، اہم خصوصیات کیا ہیں؟
سام سنگ موبائل یو ایس نے ایک پرانی ٹویٹ کا حوالہ دیتے ہوئے لکھا کہ ’مجھے یقین نہیں آتا کہ یہ ابھی تک قابلِ ذکر ہے‘ اور طنز کیا کہ ’جب یہ فولڈ ہو تو بتانا۔‘
#iCant believe this is still relevant.
— Samsung Mobile US (@SamsungMobileUS) September 9, 2025
ایک اور پوسٹ میں سام سنگ نے آئی فون 17 ایئر کے کیمرے کو طنز کا نشانہ بنایا،جس میں کہا گیا کہ ’48 میگا پکسل کے 3 کیمرے بھی 200 میگا پکسل کے برابر نہیں۔‘
سام سنگ کی جانب سے مزید طنزیہ پیغامات میں ایپل کے نئے فیچرز پر تنقید کرتے ہوئے کہا گیا کہ ’یقین نہیں آتا کچھ لوگوں کو نیند کا اسکور فیچر آنے کے لیے 5 سال انتظار کرنا پڑا‘ جبکہ لائیو ٹرانسلیشن کے فیچر پر تبصرہ کیا گیا کہ ’پارٹی میں خوش آمدید۔‘
#iCant believe some people had to wait 5 years for Sleep Score ????
— Samsung Mobile US (@SamsungMobileUS) September 9, 2025
یہ بھی پڑھیں: ایپل سام سنگ کے مقابلے میں جدید ڈیزائن لانے میں پیچھے رہ گیا، مارکیٹ شیئر کھونے کا خطرہ
آئی فون 17 ایئر کو ایپل نے ایک آئی فون میں میگ بک پرو جیسی کمپیوٹنگ طاقت قرار دیا ہے۔ یہ ماڈل اے 19 پرو چپ، این ون نیٹ ورکنگ چپ اور سی ون ایکس موڈیم کے ساتھ لانچ کیا گیا ہے۔ اس میں صرف ای سم سپورٹ موجود ہے اور یہ اسپیس بلیک، کلاؤڈ وائٹ، لائٹ گولڈ اور اسکائی بلیو کے رنگوں میں دستیاب ہوگا۔
اس کی قیمت 256 جی بی ماڈل کے لیے 999 ڈالر، 512 جی بی ماڈل کے لیے 1,399 ڈالر اور ایک ٹی بی ماڈل کے لیے 1,599 ڈالر مقرر کی گئی ہے۔
سیریز میں شامل دیگر ماڈلز میں آئی فون 17، آئی فون 17 پرو اور آئی فون 17 پرو میکس شامل ہیں۔ آئی فون 17 کی قیمت 729 ڈالر رکھی گئی ہے۔
آئی فون 17 پرو ایلومینیم ڈیزائن اور افقی کیمرا بار کے ساتھ متعارف کرایا گیا ہے، جس کی قیمت 1,184 ڈالر ہے۔ پرو میکس ماڈل 1,314 ڈالر میں فروخت کے لیے پیش کیا گیا ہے۔
یہ بھی پڑھیں: ایپل نے بلڈ پریشر مانیٹرنگ سمیت جدید فیچرز سے لیس واچ الٹرا 3 متعارف کروا دی
لانچ ایونٹ میں ایپل نے دیگر مصنوعات بھی متعارف کرائیں۔ ان میں ایئر پوڈز پرو تھری شامل ہے جو دوگنی بہتر نوائس کینسلیشن، لائیو لینگویج ٹرانسلیشن اور ہارٹ ریٹ سینسر کے ساتھ 249 ڈالر (تقریباً 69 ہزار روپے) میں دستیاب ہوگا۔
ایپل واچ سیریز 11 کو 5 جی کنیکٹیویٹی، ہائپر ٹینشن ڈیٹیکشن اور نیند کا اسکور فیچر کے ساتھ پیش کیا گیا ہے۔ اس کے علاوہ ایپل واچ ایس ای تھری ہمیشہ آن رہنے والی ڈسپلے اور ایس 10 چپ کے ساتھ 249 ڈالر میں متعارف کرائی گئی ہے۔
ایپل واچ الٹرا تھری کو سیٹلائٹ اسپورٹ، بڑی اسکرین، رگڈ ڈیزائن اور تیز رفتار چارجنگ کے ساتھ لانچ کیا گیا ہے۔
ایپل کی نئی لائن اپ نے صارفین میں جوش و خروش پیدا کیا ہے، خصوصاً آئی فون 17 ایئر کے حوالے سے، مگر سام سنگ نے حسبِ روایت اس بار بھی طنزیہ تبصروں کے ذریعے ایپل پر کڑی تنقید کی ہے اور یہ مؤقف اپنایا ہے کہ اصل اختراع ہائپ سے کہیں بڑھ کر ہوتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آئی فون اسمارٹ واچ ایپل سام سنگ طنز موبائلزذریعہ: WE News
کلیدی لفظ: ا ئی فون اسمارٹ واچ ایپل کیا گیا ہے فون 17 ایئر آئی فون 17 کے ساتھ ایپل نے کے لیے
پڑھیں:
20 برس کی محنت، مصر میں اربوں ڈالر کی مالیت سے فرعونی تاریخ کا سب سے بڑا میوزیم کھل گیا
مصر کے دارالحکومت قاہرہ میں اہرامِ مصر کے قریب دنیا کے سب سے بڑے قدیم نوادرات کے عجائب گھر ’گرینڈ ایجپشن میوزیم (GEM)‘ کا باقاعدہ افتتاح کر دیا گیا۔ افتتاحی تقریب میں دنیا بھر کے صدور، وزرائے اعظم اور شاہی خاندانوں کے افراد نے شرکت کی۔
یہ منصوبہ 20 سال میں مکمل ہوا، جو عرب بہار کی تحریکوں، عالمی وبا اور علاقائی تنازعات کے باعث کئی بار تاخیر کا شکار ہوا۔
مصری وزیرِاعظم مصطفیٰ مدبولی نے تقریب سے خطاب میں کہا کہ “یہ منصوبہ مصر کی جانب سے دنیا کے لیے ایک تحفہ ہے، ایک ایسی تہذیب کی طرف سے جس کی تاریخ سات ہزار سال پر محیط ہے۔”
تقریب میں صدر عبدالفتاح السیسی سمیت معزز مہمانوں نے شرکت کی۔ اہرام کے پس منظر میں ہونے والی تقریب میں فرعونی لباس پہنے رقاصاؤں کی پرفارمنس، لیزر لائٹس، آتشبازی، اور ہائروگلیفکس کے شاندار مناظر نے تقریب کو یادگار بنا دیا۔
شرکا میں جرمن صدر فرانک والٹر شٹائن مائر، ڈچ وزیرِاعظم ڈک شوف، ہنگری کے وزیرِاعظم وکٹر اوربان، فلسطینی صدر محمود عباس، کانگو کے صدر فیلکس تشی سیکیدی، اور عمان و بحرین کے ولی عہد بھی موجود تھے۔
میوزیم میں سب سے زیادہ توجہ کا مرکز فرعون توتن خامن کے مقبرے سے ملنے والے نوادرات ہیں، جن میں اس کا سنہری ماسک، تخت، تابوت اور ہزاروں قدیم خزانے شامل ہیں۔ اس کے علاوہ رمسیس دوم کا عظیم الشان مجسمہ بھی عجائب گھر کے مرکزی ہال کی زینت ہے۔
صدر السیسی نے کہا کہ “یہ میوزیم ماضی اور حال کے درمیان ایک نیا باب ہے جو مصر کے شاندار ورثے کو آئندہ نسلوں تک لے کر جائے گا۔”
راولپنڈی کے کن روٹس پر الیکٹرک بس سروس کا آغاز کیا جا رہا ہے؟