کھیل سے جنگ تک: ارشد ندیم اور نیرج چوپڑا کی رقابت کا نیا باب
اشاعت کی تاریخ: 12th, September 2025 GMT
بھارت کے نیرج چوپڑا اور پاکستان کے ارشد ندیم اگلے ہفتے ٹوکیو میں جیولن تھرو کے سونے کے تمغے کے لیے آمنے سامنے ہوں گے۔ یہ مقابلہ اس برادرانہ رقابت کا تازہ باب ہے جو دونوں ایتھلیٹس کے آبائی ملکوں کے درمیان ایک خونی فوجی تصادم کے بعد کشیدہ ہو چکا ہے۔
ٹوکیو اولمپکس کے چیمپیئن نیرج چوپڑا اور پیرس میں ان کے جانشین ارشد ندیم، ایتھلیٹکس ورلڈ چیمپیئن شپ میں پہلی بار ایک دوسرے کے مدمقابل ہوں گے۔
یہ اس وقت کے بعد کا پہلا ٹاکرا ہے جب مئی میں دونوں جوہری ہتھیاروں سے لیس پڑوسیوں کے درمیان 4 روزہ جنگ چھڑ گئی تھی، جو 1999 کے بعد سب سے سنگین تصادم تھا۔
یہ بھی پڑھیں: ارشد ندیم اور نیرج چوپڑا ایک سال بعد پھر آمنے سامنے، 2 بڑے مقابلے شیڈول
گزشتہ برس جب ندیم نے اولمپکس میں سونے کا تمغہ جیتا اور چوپڑا سلور پر اکتفا کر گئے تو دونوں کے تعلقات کی دوستانہ جھلک سامنے آئی تھی۔
ندیم کی والدہ رضیہ پروین نے کہا تھا کہ جیتنا اور ہارنا کھیل کا حصہ ہے، مگر یہ دونوں بھائیوں جیسے ہیں۔
چوپڑا کی والدہ سروج نے بھی کہا تھا کہ انہیں کچھ سکون ملا کہ اگر ان کا بیٹا ہارا تو جیتنے والا بھی ’ہمارا ہی بچہ‘ ہے۔
مزید پڑھیں: بڑی جیت: اولمپیئن ارشد ندیم نے ایشین ایتھلیٹکس چیمپیئن شپ کا ٹائٹل اپنے نام کر لیا
مگر مئی کے فوجی تصادم کے بعد دونوں جانب کے کھلاڑیوں اور نمایاں شخصیات پر دباؤ بڑھ گیا کہ وہ ایک دوسرے سے فاصلہ اختیار کریں۔
ٹوکیو میں اپنا عالمی اعزاز کا دفاع کرنے کے تیار، 27 سالہ نیرج چوپڑا کا کہنا ہے کہ وہ کبھی بھی بہت قریبی دوست نہیں تھے۔
دوسری جانب 28 سالہ ارشد ندیم نے بھی تعلق کو کم اہمیت دی۔ ’جب وہ جیتا تو میں نے مبارکباد دی، اور جب میں نے گولڈ جیتا تو اس نے بھی ایسا ہی کیا، یہ ریسلنگ کی طرح ہے، ایک جیتتا ہے اور دوسرا ہارتا ہے۔‘
مزید پڑھیں: ارشد ندیم نے ایک اور گولڈ میڈل اپنے نام کرلیا، پرانے اعلان کردہ انعامات سے تاحال محروم
ارشد ندیم جولائی میں پنڈلی کی سرجری کے بعد واپسی کر رہے ہیں، وہ ایک کسان خاندان سے تعلق رکھتے ہیں اور پیرس اولمپکس میں 92.
انہوں نے پیرس کے بعد صرف ایک بار مقابلہ کیا ہے، مئی میں جنوبی کوریا میں ایشین ایتھلیٹکس چیمپیئن شپ جیت کر، جس میں چوپڑا شریک نہیں تھے۔ آخری بار دونوں کا مقابلہ پیرس اولمپکس میں ہوا تھا۔
اپریل میں نیرج چوپڑا نے ارشد ندیم کو اپنے بھارت میں ہونے والے ’نیرج چوپڑا کلاسک‘ میں شرکت کی دعوت دی تھی، مگر ندیم نے تربیتی مصروفیات کے باعث معذرت کر لی تھی۔
مزید پڑھیں: گولڈ میڈل جیتنے پر سعودی سفیر کی ارشد ندیم کو مبارکباد
بعد ازاں اپریل میں مقبوضہ کشمیر کے سیاحتی مقام پہلگام میں ہونے والے ایک حملے میں 26 ہندو سیاح مارے گئے، جس کا الزام بھارت نے پاکستان پر لگایا اور پھر کشیدگی کے بعد 70 سے زائد افراد دونوں طرف میزائل، ڈرون اور گولہ باری میں جاں بحق ہوئے۔
اس کے بعد نیرج چوپڑا نے اپنی دعوت واپس لیتے ہوئے کہا تھا کہ وہ کبھی قریبی دوست نہیں تھے اور موجودہ حالات میں تعلقات پہلے جیسے نہیں رہ سکتے۔ ’مگر جو بھی مجھ سے احترام سے بات کرے گا، میں جواب میں عزت دوں گا۔‘
نیرج چوپڑا ٹوکیواولمپکس کے بعد بھارت کے قومی ہیرو بن چکے ہیں، ان کی دلکش مسکراہٹ اور بدلتے ہیئر اسٹائل نے انہیں کروڑوں روپے کے اشتہاری معاہدے دلوائے۔ انہوں نے 2023 میں بداپیسٹ میں عالمی ٹائیٹل جیتا اور 2025 سیزن کے آغاز پر چیک جیولن لیجنڈ یان زیلزنی کی کوچنگ ٹیم جوائن کی۔
مزید پڑھیں: اولمپیئن ارشد ندیم نے انعامات کی حقیقت بتا دی
مئی میں دوحہ ڈائمنڈ لیگ میں انہوں نے پہلی بار 90 میٹر سے زیادہ تھرو کیا، مگر جرمن حریف جولیان ویبر نے انہیں پیچھے چھوڑدیا، زیورخ ڈائمنڈ لیگ میں بھی ویبر 91.51 میٹر کے ساتھ اول رہے جبکہ چوپڑا 85.01 میٹر کے ساتھ دوسرے نمبر پر آئے۔
ٹوکیو ورلڈ چیمپیئن شپ میں ویبر کے علاوہ 2 بار کے عالمی چیمپیئن اینڈرسن پیٹرز بھی موجود ہوں گے، مردوں کے جیولن تھرو کا فائنل 18 ستمبر کو ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ارشد ندیم ایتھلیٹس ایشین ایتھلیٹکس چیمپیئن شپ پیرس ٹوکیو جیولن تھرو سنگین تصادم گولڈ نیرج چوپڑاذریعہ: WE News
کلیدی لفظ: ایتھلیٹس ایشین ایتھلیٹکس چیمپیئن شپ پیرس ٹوکیو جیولن تھرو سنگین تصادم گولڈ نیرج چوپڑا
پڑھیں:
ورلڈ ایتھلیٹکس چیمپئن شپ: جیولن تھرو میں ارشد ندیم نے فائنل رانڈ کے لیے کوالیفائی کر لیا
ورلڈ ایتھلیٹکس چیمپئن شپ: جیولن تھرو میں ارشد ندیم نے فائنل رانڈ کے لیے کوالیفائی کر لیا WhatsAppFacebookTwitter 0 17 September, 2025 سب نیوز
ٹوکیو (سب نیوز )ورلڈ ایتھلیٹکس چیمپئن شپ جیولن تھرو ایونٹ میں پاکستان کے ارشد ندیم نے شاندار کارکردگی کا مظاہرہ کرتے ہوئے فائنل رانڈ کے لیے کوالیفائی کر لیا ہے۔ارشد ندیم نے تیسری اور آخری تھرو میں 85.28 میٹر کا فاصلہ طے کر کے فائنل میں جگہ بنائی۔ان کی پہلی تھرو 76.99 میٹر اور دوسری باری 74.17 میٹر رہی، تاہم فیصلہ کن تھرو نے انہیں فائنل کی دوڑ میں شامل کر دیا۔
فائنل میں اب شائقین کو ارشد ندیم اور بھارت کے نیرج چوپڑا کے درمیان دلچسپ مقابلے کا انتظار ہے، جو ایک مرتبہ پھر ایشیائی میدان کو عالمی سطح پر نمایاں کرے گا۔اس سے قبل پیرس اولمپکس میں جیولین تھرو کے مقابلے میں پاکستان کے ارشد ندیم نے تاریخ رقم کرتے ہوئے اولمپک کی تاریخ کی سب سے بڑی 92.97 میٹر کی تھرو کرتے ہوئے پاکستان کو 40 سال بعد اولمپک میں گولڈ میڈل جتوایا تھا۔
اولمپکس گولڈ میڈلسٹ ارشد ندیم کے لیے اعزاز ہے کہ ایشین ایتھلیٹکس فیڈریشن نے ارشد ندیم کو سال 2024 کا ایشیا کا بہترین ایتھلیٹ قرار دیا تھا، ارشد ندیم کو کوریا میں ایشین ایتھلیٹکس فیڈریشن کے اجلاس کے بعد ایوارڈ سے نوازا گیا تھا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبراینڈی پائیکرافٹ تنازع، پاکستان اور یو اے ای کے درمیان میچ نہ ہونے کا امکان،ٹیم ایشیاء کپ سے دستبردار ہو سکتی ہے:ذرائع اینڈی پائیکرافٹ تنازع، پاکستان اور یو اے ای کے درمیان میچ نہ ہونے کا امکان،ٹیم ایشیاء کپ سے دستبردار ہو سکتی ہے:ذرائع مریم نواز شریف نے وزیرآباد کے لئے الیکٹرک بس پراجیکٹ کا افتتاح کر دیا اگر کوئی سمجھتا ہے کہ میں ٹوٹ جا ئوں گا تو یہ غلط فہمی ہے ، عمران خان رجسٹرار سپریم کورٹ سلیم خان کی رخصت کا نوٹی فیکیشن جاری کر دیا گیا ایشیاکپ: پاکستان کرکٹ ٹیم کی ہوٹل سے اسٹیڈیم روانگی روک دی گئی،اعلی سطح مشاورت جاری وفاقی حکومت نے سیکرٹری خزانہ امداد اللہ بوسال کو اسلام آباد کلب کا ایڈمنسٹریٹر مقرر کر دیاCopyright © 2025, All Rights Reserved
رابطہ کریں ہماری ٹیم
باغ میں ڈیجیٹل انقلاب، نوجوانوں کی خودکفالت میں سافٹ ویئر ہاؤس کا اہم کردار