ارمغان کے والد کامران قریشی کی ضمانت منسوخ کرنے کی درخواست پر فیصلہ محفوظ
اشاعت کی تاریخ: 12th, September 2025 GMT
کراچی:
ایڈیشنل ڈسٹرکٹ اینڈ سیشن جج ساؤتھ نے غیر قانونی اسلحہ کیس میں ارمغان کے والد کامران قریشی کی ضمانت منسوخ کرنے کی درخواست پر فیصلہ محفوظ کرلیا، فیصلہ کل سنائے جانے کا امکان ہے۔
ایڈیشنل ڈسٹرکٹ اینڈ سیشن جج ساؤتھ کی عدالت کے روبرو غیر قانونی اسلحہ کیس میں ارمغان کے والد کامران قریشی کی ضمانت منسوخ کرنے کی پراسیکیوٹر عبد الرزاق کی درخواست پر سماعت ہوئی۔ پراسیکیوٹر عبدالرزاق گجر نے موقف دیا کہ عدالت کو گمراہ کرکے ضمانت لی گئی، عدالت کے فیصلے سے افسران بالا بہت ناراض ہیں۔
عدالت نے اظہار حیرت کرتے ہوئے ریمارکس دیئے کہ اچھا تو آپ کے افسران بالا ہم سے ناراض ہیں؟ پراسیکیوٹر نے موقف دیا کہ میں نے افسران بالا کو سمجھا دیا ہے غلطی انسان سے ہی ہوتی ہے تو وہ سمجھ گئے۔ عدالت نے ریمارکس دیے کہ اچھا آپ کے سمجھانے سے افسران بالا سمجھ گئے کہ عدالت سے غلطی ہوئی ہے؟۔
پراسیکیوٹر نے موقف دیا کہ ملزم کامران قریشی کو ضمانت ملنے سے اس کو فائدہ پہنچ سکتا ہے۔ کامران قریشی کے دیگر مقدمات بھی کمزور ہوسکتے ہیں۔ استدعا ہے کہ ملزم کامران قریشی کی ضمانت منسوخ کی جائے۔
وکیل صفائی خرم عباس ایڈووکیٹ نے موقف دیا کہ ملزم کیخلاف مقدمہ جھوٹا ہے اور اسے میرٹ پر ضمانت دی گئی ہے۔ عدالت نے ریمارکس دیئے کہ ہم آپ کی درخواست کو دیکھتے ہیں اور میرٹ پر فیصلہ سنائیں گے۔
عدالت نے درخواست پر دلائل سننے کے بعد ملزم کامران قریشی کی ضمانت منسوخی کا فیصلہ 13 ستمبر تک محفوظ کرلیا۔ فیصلہ کل سنائے جانے کا امکان ہے۔
.
ذریعہ
ذریعہ: Express News
کلیدی لفظ: کامران قریشی کی ضمانت منسوخ نے موقف دیا کہ افسران بالا کی درخواست درخواست پر عدالت نے
پڑھیں:
رکن پنجاب اسمبلی ثاقب چدھڑ کے اثاثوں کی تفصیلات کیلئے الیکشن کمیشن میں درخواست دائر
لاہور(ڈیلی پاکستان آن لائن)لاہور میں رکن پنجاب اسمبلی ثاقب چدھڑ کے اثاثوں کی تفصیلات حاصل کرنے کے لیے الیکشن کمیشن میں درخواست دائر کر دی گئی۔
نجی ٹی وی سما نیوز کے مطابق درخواست آصف محمود ایڈووکیٹ کی جانب سےجمع کرائی گئی،جس میں ثاقب چدھڑ کےکاغذاتِ نامزدگی اور اثاثوں کی تصدیق شدہ نقول فراہم کرنے کی استدعا کی گئی ہے۔
درخواست گزار کےمطابق ثاقب چدھڑ کےخلاف سپیکرپنجاب اسمبلی کےپاس نااہلی کی درخواست بھی دائر کی جا چکی ہے،اس لیے ان کی رکنیت برقرار رہنےیا نہ رہنے کےمعاملے کی جانچ پڑتال کے لیےانتخابی ریکارڈ کا معائنہ ناگزیر ہے۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
درخواست میں مؤقف اختیارکیا گیا ہےکہ رکن پنجاب اسمبلی پرایک خاتون کومہنگی گاڑیاں،قیمتی تحائف اورجائیداد تحفےمیں دینے کے الزامات سامنے آئے ہیں،جن کی روشنی میں ان کی مالی حیثیت اور آمدن کے ذرائع کا قانونی جائزہ لینا عوامی اہمیت کا معاملہ ہے۔
درخواست گزار نےمؤقف اپنایاکہ منتخب نمائندے قانون کے تحت اپنے اثاثے ظاہر کرنے کے پابند ہیں، لہٰذا ثاقب چدھڑ، انکی اہلیہ اور زیرِ کفالت افراد کے تمام پرانے اور نئے اثاثوں کا ریکارڈ فراہم کیا جائے۔
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ