پاکستان میں آئی فون 17 کی آمد کی تیاریاں، فروخت اگلے ہفتے سے متوقع
اشاعت کی تاریخ: 12th, September 2025 GMT
ایپل کی نئی iPhone 17 سیریز نے پاکستان میں ٹیکنالوجی کے شوقین افراد کو خاصا پرجوش کر دیا ہے۔ مختلف موبائل ڈیلرز کے مطابق، اس سیریز کا ابتدائی اسٹاک 19 یا 20 ستمبر تک ملک میں پہنچنے کی توقع ہے۔ تاہم، یہ تمام یونٹس non-PTA approved ہوں گے، جبکہ PTA approved ماڈلز چند ہفتوں بعد مارکیٹ میں دستیاب ہوں گے۔
لاہور کی معروف موبائل شاپ Cell Links نے اعلان کیا ہے کہ جیسے ہی نئے ماڈلز دستیاب ہوں گے، ان کی فروخت کا آغاز کر دیا جائے گا۔ دیگر موبائل ڈیلرز نے بھی تصدیق کی ہے کہ محدود اسٹاک جلد ان کے پاس پہنچ رہا ہے۔
اس وقت صارفین کی سب سے زیادہ توجہ iPhone 17 Air پر مرکوز ہے، جسے ایپل کی جانب سے اب تک کا سب سے پتلا فون قرار دیا جا رہا ہے۔ سوشل میڈیا پر بھی یہی ماڈل سب سے زیادہ زیر بحث ہے، اور اس کی ڈیمانڈ واضح طور پر سب سے زیادہ ہے۔
مارکیٹ ذرائع کا کہنا ہے کہ iPhone 17 Air کی ابتدائی قیمت 4 لاکھ سے 4.
چونکہ پاکستان میں ایپل کے آفیشل اسٹورز موجود نہیں، اس لیے ہر سال نئے آئی فونز نجی ڈیلرز یا ڈسٹری بیوٹرز (جیسے Mercantile) کے ذریعے ہی مارکیٹ میں آتے ہیں۔ ابتدائی دنوں میں عموماً non-PTA فونز ہی دستیاب ہوتے ہیں، جو محدود ہونے کی وجہ سے زیادہ قیمت پر فروخت کیے جاتے ہیں۔
اکثر صارفین یا تو یہ مہنگے فونز مقامی مارکیٹ سے خریدتے ہیں یا پھر امریکہ، دبئی یا برطانیہ سے آنے والے فونز کا انتظار کرتے ہیں۔ مگر اندازہ یہی ہے کہ اس بار بھی پاکستانی صارفین کی دلچسپی کم نہیں ہوگی، اور iPhone 17 سیریز کی فروخت میں نمایاں جوش و خروش دیکھا جائے گا۔ Post Views: 1
ذریعہ
ذریعہ: Daily Mumtaz
پڑھیں:
ایران کے شہید سپریم لیڈر علی خامنہ ای کی تدفین مشہد میں ہوگی، تیاریاں شروع
ایران کے شہید سپریم لیڈر آیت اللہ سید علی خامنہ ای کی تدفین تین بڑے شہروں ایران، قم اور مشہد میں نماز جنازہ کے بعد مشہد میں امام رضا کے مزار میں ہوگی، جس کے لیے حکام کی جانب سے تیاریاں شروع کی گئی ہیں۔
ایرانی میڈیا کی رپورٹ کے مطابق ایران کے دارالحکومت تہران کے سماجی و ثقافتی امور کے نائب محمد امین توکلی زادہ نے بتایا کہ شہید سپریم لیڈر آیت اللہ علی خامنہ کی تدفین کے لیے تیاریاں جاری ہیں اور صرف دارالحکومت تہران میں ڈیڑھ سےدو کروڑ (15 سے 20 ملین) لوگوں کے لیے تیاریاں جاری ہیں۔
انہوں نے کہا کہ ہم دنیا کے انتہائی استکبار مخالف رہنما، امریکا اور اسرائیل کے خلاف جنگ کے عظیم کمانڈر اور ایران کے عظیم قابل تقلید رہنما کے جنازے میں شریک ہو رہے ہیں۔
امین توکلی زادہ نے کہا کہ مختلف صوبوں کی جانب سے جنازے کی میزبانی کے لیے درخواستیں کی گئی ہیں اور تدفین ممکنہ طور پر ذوالحج کے اختتام اور محرم کے شروع میں ہوگی۔
انہوں نے کہا کہ تہران میں نماز جنازے کا پروگرام تقریباً 24 گھنٹوں تک جاری رہے گا، ہم شیعہ مسلمانوں کا ایک بہت بڑا اجتماع دیکھیں گے اور یہاں تک کہ تمام مسلمانوں کا ایک عظیم اجتماع ہوگا۔
رپورٹ میں بتایا گیا کہ آیت اللہ علی خامنہ ای کی نماز جنازے میں ہمسایہ ممالک بشمول پاکستان، افغانستان، بھارت، بنگلہ دیش اور کشمیر سے بڑی تعداد میں سوگواروں کی شرکت کا امکان ہے۔
یاد رہے کہ ایران کے سابق سپریم لیڈر آیت اللہ علی خامنہ ای 28 فروری کو امریکا اور اسرائیل کے حملے میں شہید ہوگئے تھے جب ایران پر اچانک حملہ کیا گیا تھا اور بم باری کے نتیجے میں آیت اللہ علی خامنہ ای کے علاوہ ان کے خاندان کے چند انتہائی قریبی ارکان سمیت پاسداران انقلاب کے اعلیٰ کمانڈرز بھی شہید ہوگئے تھے۔
امریکا اور اسرائیل کے اس حملے میں مناب میں لڑکیوں کے ایک اسکول پربھی بم باری کی گئی تھی، جس کے نتیجے میں اسکول کی بچیوں سمیت 165 افراد شہید ہوگئے تھے، جبکہ ایران نے جواب میں اسرائیل اور خطے کے ممالک میں قائم امریکی اڈوں پر حملے شروع کیے تھے۔
پاکستان کی ثالثی میں اپریل میں امریکا اور ایران نے جنگ بندی پر اتفاق کیا اور دونوں اطراف سے حملے روک دیے گئے تاہم ایران نے آبنائے ہرمز کا کنٹرول اپنے پاس رکھا جبکہ امریکا نے ناکہ بندی کی جو تاحال جاری ہے لیکن مخصوص جہازوں کو گزرنے کی اجازت دی جاتی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ