وفاقی حکومت کو اقوام متحدہ سے امداد کی اپیل کرنی چاہیے، وزیر اعلیٰ سندھ
اشاعت کی تاریخ: 14th, September 2025 GMT
وزیر اعلیٰ سندھ سید مراد علی شاہ نے کہا ہے کہ سیلاب متاثرین کی مدد کے لیے وفاقی حکومت کو فوری طور پر اقوام متحدہ سے امداد کی اپیل کرنی چاہیے۔
اتوار کے روز گڈو بیراج کے دورے کے موقع پر وزیراعلیٰ سندھ مراد علی شاہ نے دریائے سندھ میں پانی کی صورتحال کا جائزہ لیا۔ اس موقع پر صوبائی وزیر آبپاشی جام خان شورو، رکن قومی اسمبلی میر شبیر بجارانی، سردار علی جان مزاری، رکن سندھ اسمبلی عبدالرؤف کھوسو سمیت دیگر رہنما بھی ان کے ہمراہ تھے۔
یہ بھی پڑھیں: سندھ: سپر فلڈ کی تیاری، ضلعی انتظامیہ اور مسلح افواج متحرک، مراد علی شاہ کی بریفنگ
بعدازاں وزیر اعلیٰ نے سکھر بیراج اور دریائے سندھ کے حفاظتی بندوں کا معائنہ کیا اور ریلیف کیمپوں میں سہولیات کا جائزہ لیا۔
مراد علی شاہ کو بریفنگ دی گئی کہ گڈو بیراج پر اس وقت 6 لاکھ 27 ہزار 908 کیوسک پانی کی آمد ہے، جو اونچے درجے کے سیلاب کے زمرے میں آتا ہے۔
انہوں نے ضلعی انتظامیہ اور فلڈ فائٹنگ عملے کو ہدایت دی کہ کمزور مقامات پر 24 گھنٹے نگرانی کی جائے اور کسی بھی ہنگامی صورتحال کی فوری اطلاع صوبائی کنٹرول روم کو دی جائے۔
وزیر اعلیٰ نے کہا کہ چیئرمین پیپلز پارٹی بلاول بھٹو زرداری نے بھی گڈو اور سکھر بیراج کا دورہ کیا تھا اور وفاقی حکومت سے زرعی ایمرجنسی لگانے کا مطالبہ کیا تھا۔
یہ بھی پڑھیں: حکومت سیلاب زدگان کی مدد کے لیے کام کررہی ہے، مراد علی شاہ
انہوں نے کہا کہ وزیراعظم نے کابینہ اجلاس کے بعد زرعی اور ماحولیاتی ایمرجنسی نافذ کرکے بروقت قدم اٹھایا، تاہم ابھی تک متاثرین کو بینظیر انکم سپورٹ پروگرام کے تحت امداد فراہم نہیں کی گئی۔
انہوں نے زور دیا کہ وفاقی حکومت اقوام متحدہ کو فوری طور پر ریلیف کی اپیل کرے تاکہ متاثرین کو جلد از جلد مدد مل سکے۔
وزیر اعلیٰ سندھ نے کہا کہ گڈو بیراج پر پانی کی سطح ساڑھے پانچ لاکھ کیوسک ہے جبکہ بیراج کی گنجائش ساڑھے چھ لاکھ کیوسک ہے۔
انہوں نے بتایا کہ تمام حفاظتی بند مضبوط ہیں اور حساس مقامات پر مشینری تعینات کی گئی ہے۔ پاک فوج، پاک بحریہ، پی ڈی ایم اے اور ریسکیو 1122 صوبائی حکومت کے ساتھ مل کر امدادی کارروائیوں میں مصروف ہیں۔
یہ بھی پڑھیں: ’مریم نواز ہمیں دیں، مراد علی شاہ آپ رکھ لیں‘، سندھ کے تاجروں کا احسن اقبال سے مطالبہ
انہوں نے امید ظاہر کی کہ سیلابی ریلا سکھر بیراج سے باآسانی گزر جائے گا۔ ان کا کہنا تھا کہ حکومت سندھ کی پہلی ترجیح عوام کی جان و مال کا تحفظ ہے اور صوبائی وزراء و انتظامیہ کشمور سے کیٹی بندر تک متاثرہ علاقوں میں موجود ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقوام متحدہ امداد سندھ سیلاب مراد علی شاہ وفاقی حکومت.ذریعہ: WE News
کلیدی لفظ: اقوام متحدہ سیلاب مراد علی شاہ وفاقی حکومت مراد علی شاہ اقوام متحدہ وفاقی حکومت وزیر اعلی انہوں نے نے کہا
پڑھیں:
غزہ صحافیوں کے لیے خطرناک ترین خطہ ہے، سیکریٹری جنرل اقوام متحدہ
دنیا بھر میں صحافیوں کے قتل کے تقریباً 10 میں سے 9 واقعات تاحال حل طلب ہیں۔
اقوام متحدہ کے سیکرٹری جنرل انتونیو گوتریس نے صحافیوں کے عالمی دن کے موقع پر اپنے پیغام میں کہا کہ غزہ اس وقت دنیا میں صحافیوں کیلئے سب سے خطرناک خطہ ثابت ہوا ہے، اور آج کے دن عالمی سطح پر صحافیوں کیلئے انصاف کا مطالبہ کیا جانا چاہیے۔
یہ بھی پڑھیں: 200 سال کی جنگوں سے زیادہ صحافی غزہ میں مارے گئے، جیکسن ہنکل
انتونیو گوتریس نے کہا کہ یہ تشویشناک امر ہے کہ صحافیوں کے قتل کے بیشتر کیسز میں تفتیش آگے نہیں بڑھتی اور مجرموں کو سزا نہیں ملتی، جس کے باعث تشدد کا سلسلہ بڑھتا ہے اور جمہوری اصول کمزور ہوتے ہیں۔ ان کے مطابق سزا نہ ملنا صرف ناانصافی نہیں بلکہ صحافتی آزادی پر براہِ راست حملہ ہے۔
صحافیوں کے قتل کی شفاف تحقیقات کا مطالبہاقوام متحدہ کے سیکریٹری جنرل نے حکومتوں پر زور دیا کہ وہ صحافیوں کے قتل کے ہر کیس کی شفاف تحقیقات کریں، ذمہ داروں کو قانون کے کٹہرے میں لایا جائے اور ایسے ماحول کی ضمانت دی جائے جہاں صحافی بغیر دباؤ اور خوف کے اپنا پیشہ ورانہ فریضہ انجام دے سکیں۔
یہ بھی پڑھیں: ’45 دن ایسے گزرے جیسے 45 سال‘، فلسطینی صحافی کی غزہ میں اپنی رپورٹنگ پر مبنی یادداشتیں شائع
انہوں نے کہا کہ جب صحافیوں کی آواز دبائی جاتی ہے تو حقیقت، شفافیت اور انسانی حقوق بھی دب جاتے ہیں، اس لیے صحافتی آزادی کا دفاع اجتماعی ذمہ داری ہے اور اسے ہر قیمت پر برقرار رکھا جانا چاہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اقوام متحدہ انتونیو گوتریس صحافی شہید غزہ فلسطین
استنبول میں پاک افغان مذاکرات تعطل کا شکار، کابل انتظامیہ کی ہدایات رکاوٹ بن گئیں