کراچی: شادی کے روز دلہا پراسرار طور پر لاپتا ہوگیا
اشاعت کی تاریخ: 14th, September 2025 GMT
کراچی کے علاقے کورنگی مدینہ کالونی میں شادی کے روز دلہا پراسرار طور پر لاپتا ہوگیا۔ واقعے کا مقدمہ تھانہ زمان ٹاؤن میں دلہے کے والد کی مدعیت میں درج کرلیا گیا۔
ایف آئی آر کے مطابق جہانزیب کی بارات 11 ستمبر کو جانی تھی۔ شادی کے روز شام 6 بجے وہ دلہا بننے کی تیاری کے لیے موٹر سائیکل پر سیلون گیا تھا، تاہم اس کے بعد واپس نہ آیا۔ مدعی کے مطابق جہانزیب شام 5 بجے اپنا موبائل فون بھی گھر پر چھوڑ گیا تھا۔
درخواست گزار نے بتایا کہ شام ساڑھے 7 بجے سیلون سے ان کے دوسرے بیٹے کو فون کال موصول ہوئی، جس میں بتایا گیا کہ جہانزیب وہاں نہیں پہنچا۔
دلہے کے والد نے دعویٰ کیا ہے کہ ان کے بیٹے کو نامعلوم افراد کی جانب سے اغوا کیا گیا ہے۔
اہل خانہ کے مطابق جہانزیب ایک نجی فیکٹری میں کام کرتا ہے۔ پولیس نے مقدمہ درج کرکے لاپتا دلہا کی تلاش شروع کردی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پولیس تلاش شروع دلہا لاپتا شادی کراچی مقدمہ درج وی نیوز.
ذریعہ
ذریعہ: WE News
کلیدی لفظ: پولیس تلاش شروع کراچی وی نیوز
پڑھیں:
تیزگام ایکسپریس کی پاور وین میں آگ لگ گئی
ویب ڈیسک:کراچی سے راولپنڈی جانے والی تیزگام ایکسپریس کی پاور وین میں آگ لگ گئی، ریسکیو نے موقع پر پہنچ کر آگ پر قابو پایا۔
چیئرمین ریلوے نے واقعے کی تحقیقات کے لیے کمیٹی تشکیل دے دی جو 7 روز میں رپورٹ پیش کرے گی۔
ترجمان ریلوے کے مطابق کراچی سے راولپنڈی جانے والی تیزگام ایکسپریس کی پاور وین میں خانیوال کے قریب اچانک آگ لگ گئی جس پر پاور وین کو ٹرین سے الگ کردیا گیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
آگ نے دیکھتے دیکھتے پوری پاور وین کو لپیٹ میں لے لیا، اطلاع ملنے پر ریسکیو اہلکاروں نے موقع پر پہنچ کر آگ پر قابو پایا جس کے بعد ٹرین کو راولپنڈی روانہ کردیا گیا۔
چیئرمین ریلویز نے پاور وین میں آگ لگنے کی تحقیقات کے لیے تین رکنی کمیٹی تشکیل دے دی ہے جو سات روز میں رپورٹ پیش کرے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ