انوش احمد کی طرف سے کراچی پریس کلب میں محفل میلادکا انعقاد
اشاعت کی تاریخ: 14th, September 2025 GMT
قا دوجہاں نبی کریم صل اللہ علیہ وآلہ وسلم کے و لادت باسعادت کے پرمسرت موقع پر معروف امریکن پاکستانی بزنس مین اور سماجی کارکن انوش احمد کی طرف سے کراچی پریس کلب کی انتظامیہ کے تعاون سے کراچی پریس کلب میں عید میلاد النبیﷺ کی ایک عظیم الشان اور روح پرور محفل کا انعقاد کیا گیا۔ کراچی پریس کلب کے صدر فاضل جمیلی، سیکریٹری سہیل افضل خان، جوائنٹ سیکریٹری ایم منصف، خزانچی عمران ایوب اور دیگر عہدیداران، صحافیوں اور سول سوسائٹی کے نمائندوں نے شرکت کی ۔معروف نعت خواں الحاج صدیق اسماعیل نے خصوصی طورپر محفل میلاد میں شرکت کی۔ محفل کے نظامت کے فرائض سینئر صحافی اے ایچ خانزادہ نے ادا کئے۔محفل کا آغاز قاری غلام حسین کی دلنشین تلاوتِ قرآن پاک سے ہوا۔معروف نعت خواں الحاج صدیق اسماعیل، فیصل حسن نقشبندی، محمد اسد ایوب، محمد زبیر، سمیر احمد، صحافی نعت خواہوں حافظ سلمان طارق، ایاز صدیقی، واجد حسین انصاری، سبطِ حسن اور شفیق احمد نے بارگاہِ رسالت مآب صل اللہ علیہ وآلہ وسلم میں گل ہائے عقیدت و محبت پیش کیا۔نعت خوانی کے دوران ہال کی فضا درود و سلام کی گونج سے معمور ہوگئی۔ شرکا عشقِ رسول ۖ کے جذبے سے سرشار نظر آئے اور محفل کا ہر لمحہ عقیدت و محبت سے معمور رہا۔اس موقع پر قرعہ اندازی کے ذریعے مکمل عمرہ پیکیج دیا گیا جس میں منتخب فرد کے لیے سفرِ مقدس کی تمام سہولتیں شامل تھیں۔ نعت خواں حضرات اور کراچی پریس کلب کے عہدیداران کو شیلڈز بھی پیش کی گئیں۔ میڈیا سے گفتگو کرتے ہوئے انوش احمد نے کہاکہ عید میلادالنبی محض ایک جشن نہیں بلکہ رحمتِ عالم ۖ کی سیرت طیبہ کو اپنی زندگیوں میں نافذ کرنے کا عہد ہے۔ ہمیں چاہیے کہ اس دن کو اتحاد، اخوت اور محبت کے پیغام کے ساتھ منائیں اور سیرت النبی ۖ کو عملی نمونہ بنائیں۔ یہی ہمارے معاشرے کی اصلاح اور ترقی کی ضمانت ہے۔انہوں نے کہاکہ میلاد النبیﷺْ ۖ کے اجتماعات ایمان کو تازگی بخشتے ہیں اور ہمیں یہ یاد دلاتے ہیں کہ نبی کریم ۖ کی حیاتِ طیبہ ہمارے لیے چراغِ راہ ہے۔ ضرورت اس امر کی ہے کہ ہم ان کی تعلیمات کو اپنائیں اور معاشرے کو نفرتوں سے پاک کر کے محبت و امن کا گہوارہ بنائیں۔ڈاکٹر انوش احمد نے محفل میلاد کے انعقاد پر کراچی پریس کلب کی انتظامیہ کا شکریہ ادا کیا۔اس موقع پر کراچی پریس کلب کے صدر فاضل جمیلی نے اختتامی خطاب کیا۔تقریب کا اختتام درود و سلام اور ملک و ملت کی سلامتی کے لیے خصوصی دعا پر ہوا جبکہ حاضرین نے اس اجتماع کو ایک تاریخی اور یادگار لمحہ قرار دیا۔
Post Views: 2.
ذریعہ
ذریعہ: Daily Mumtaz
کلیدی لفظ: کراچی پریس کلب
پڑھیں:
کراچی میں گیس سلینڈر دھماکے سے تباہی، 1 جاں بحق
شہر قائد کے علاقے صفورا چورنگی سندھ گرین ہوٹل واٹر ہائیڈرنٹ کے قریب واقع ٹائر پنکچر اورگیس ویلڈنگ کی مشترکہ دکان میں دھماکے کے نتیجے میں ایک شخص جاں بحق اور5 افراد زخمی ہو گئے۔
تفصیلات کے مطابق ملیر کینٹ تھانے کے علاقے صفورا چورنگی سندھ گرین ہوٹل واٹرہائیڈرنٹ کے قریب واقع ٹائر پنکچر اورگیس ویلڈنگ کی مشترکہ دکان میں دھماکےمیں 6 افراد جھلس کر زخمی ہو گئے جنہیں فوری طور پرجناح اسپتال منتقل کیا گیا۔
اسپتال منتقلی کے بعد جھلس کر زخمی ہونے والا ایک شخص دوران علاج دم توڑ گیا، جس کی شناخت 35 سالہ وقاص کے نام سے ہوئی۔
حادثے میں زخمی ہونے والے دیگر افراد میں 10 سالہ سکندر، 40 سالہ اویس اور 30 سالہ عبدالحنان اورعابد شامل ہیں جبکہ ایک زخمی کی شناخت تاحال نہیں ہوسکی۔
ایس ایچ او ملیر کینٹ آغا عبدالرشید کے مطابق دھماکے میں جاں بحق ہونے والا وقاص پنکچرکی دکان کا مالک تھا۔ انہوں نے مزید بتایا کہ پنکچر کی دکان سے متصل گاڑیوں کے سینسر گیس ویلڈنگ کے ذریعے مرمت کاکام بھی ہوتا تھا جہاں ایک چھوٹا سلنڈر موجود تھا جوروز داردھماکے سے پھٹ گیا جس کے نتیجے میں ایک شخص جاں بحق اور 5 افراد زخمی ہوئے جنہیں فوری طورپراسپتال منتقل کردیا گیا۔
عینی شاہدین کے مطابق دھماکہ اتنا شدید تھا کہ دکان مکمل طور پرتباہ ہوگئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ