عالمی برادری دہرا معیار ترک کرکے اسرائیل کو اس کے جرائم پر سزا دے، قطری وزیراعظم
اشاعت کی تاریخ: 14th, September 2025 GMT
قطر کے وزیراعظم شیخ محمد بن عبدالرحمان الثانی نے عالمی برادری پر زور دیا کہ وہ دہرا معیار ترک کرے اور اسرائیل کو اس کے جرائم پر سزا دے۔
دوحہ میں عرب اسلامی رہنماؤں کے ہنگامی اجلاس سے قبل ہونے والے وزرائے خارجہ کے اجلاس سے خطاب کرتے انہوں نے کہاکہ اب وقت آگیا ہے عالمی برادری دہرے معیار کو ترک کرے اور اسرائیل کو اس کے تمام جرائم پر جوابدہ ٹھہرائے۔
یہ بھی پڑھیں: اسرائیل کے قطر پر حملے پر عرب وزرائے خارجہ کا اجلاس، وزیر خارجہ اسحاق ڈار کی شرکت
انہوں نے کہاکہ اسرائیل کو یہ جان لینا چاہیے کہ ہمارے برادر فلسطینی عوام کی نسل کشی کرکے انہیں اپنی سرزمین سے بے دخل کرنے کی سازش کامیاب نہیں ہوگی۔
دوحہ میں اتوار کے روز قطری وزیراعظم کی زیر صدارت وزرائے خارجہ کا اجلاس ہوا جس میں عرب و اسلامی رہنماؤں کے مشترکہ ہنگامی اجلاس کے لیے مسودہ اعلامیہ پر غور کیا گیا۔
اس اجلاس میں 9 ستمبر کو قطر میں ہونے والے اسرائیلی فضائی حملے پر بات کی جا رہی ہے جس نے دوحہ میں مقیم کئی حماس رہنماؤں کی رہائش گاہوں کو نشانہ بنایا۔
ان فضائی حملوں میں متعدد افراد جاں بحق اور زخمی ہوئے، جس کی عرب اور اسلامی دنیا نے شدید مذمت کی، اور اسے قطر کی خود مختاری پر حملہ قرار دیا۔
اس اجلاس میں عرب لیگ اور اسلامی تعاون تنظیم کے رکن ممالک کے وزرائے خارجہ شریک ہیں، جن میں سعودی عرب کے وزیرِ خارجہ شہزادہ فیصل بن فرحان بھی شامل ہیں۔
یہ بھی پڑھیں: اسرائیل بمقابلہ قطر: کیا خطہ بڑے تنازعے کی طرف بڑھ رہا ہے؟
سعودی وزارتِ خارجہ نے اسرائیلی حملے کو جارحانہ اقدام قرار دیتے ہوئے اس کی مذمت کی اور قطر کے ساتھ مکمل یکجہتی کا اعادہ کیا۔
سعودی خبر رساں ادارے کے مطابق مملکت نے اس بات پر زور دیا کہ عالمی برادری اسرائیل کو اس کے اقدامات پر جوابدہ ٹھہرائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسرائیلی حملہ عرب اسلامی اجلاس قطری وزیراعظم وزرائے خارجہ اجلاس وی نیوز.
ذریعہ
ذریعہ: WE News
کلیدی لفظ: اسرائیلی حملہ عرب اسلامی اجلاس وزرائے خارجہ اجلاس وی نیوز اسرائیل کو اس کے عالمی برادری
پڑھیں:
کسی کی برائی کرکے نہیں کارکردگی پر ووٹ مانگتے ہیں، نوازشریف
صدر مسلم لیگ (ن) نوازشریف(nawaz shrif) کا کہنا ہے کہ کسی پر تنقید کرکے،کسی کی برائی کرکے ووٹ نہیں مانگتا بلکہ اپنی کارکردگی کی بنیاد پر ووٹ مانگتے ہیں۔
گلگت میں انتخابی جلسے سے خطاب کرتے ہوئے نواز شریف کا کہنا تھا کہ کسی پارٹی یا حکومت کے خلاف بات نہیں کرنا چاہتا، حکومت ملنے پر کیوں اس علاقے کو نظر انداز کیا گیا؟
کیوں اس علاقے پر توجہ نہیں دی گئی؟ جب وزیراعظم تھا تو کئی بار گلگت آیا اور اسکردو گیا تھا، کئی برسوں بعد آپ سے گفتگو کرکے بہت خوشی ہورہی ہے۔
نوازشریف نے کہا کہ وزیراعلیٰ اور وزیراعظم بننے سے بھی پہلے گلگت،اسکردو آیاتھا، گلگت، بلتستان، اسکردو سے مجھے دلی محبت ہے، جس گلگت کو میں جانتا تھا وہ گلگت کہاں ہے؟ میرا دل روتا ہے کہ آپ کا پیسہ آپ پر کیوں نہیں لگا یاگیا۔
صدر مسلم لیگ (ن) نے کہا کہ کسی ایک پارٹی نے یہاں منصوبے کی بنیاد نہیں رکھی، جومیرےزمانے میں ایئرپورٹ تھا، آج بھی وہی ہے، شہبازشریف سے کہوں گا اس ایئرپورٹ کو بڑا کریں، جیٹ طیارے لینڈ کرنے اور ٹیک آف کی گنجائش پیدا کریں گے۔
نوازشریف کا کہنا تھا کہ خیبرپختونخوا میں لواری ٹنل 70سال سے مکمل نہیں ہورہی تھی، ہم نے اربوں روپےخرچ کرکے لواری ٹنل مکمل کی، یہاں منصوبہ شروع ہوتا ہے تو مکمل ہونے کا نام نہیں لیتا۔
گلگت بلتستان میں 10،10 اور12،12گھنٹےکی لوڈشیڈنگ منظور نہیں۔ ووٹ ملے نہ ملے، آپ کو ان چیزوں سے محروم نہیں کرسکتے۔
سابق وزیراعظم نے کہا کہ ہماری حکومت آئی تو یہاں ہر دوسرے تیسرے ماہ آتارہوں گا، اپنی نگرانی میں منصوبے مکمل کراؤں گا، تمام اسٹیک ہولڈرز کو بٹھا کر آپ کے حق میں فیصلہ کریں گے۔ تجارت بڑھنے پر گلگت بلتستان بہت خوشحال ہوجائے گا۔
مزید پڑھیں:پائیدارمعاشی ترقی کیلئے صنعت وپیداوار اور بیرونی سرمایہ کاری میں اضافہ ناگزیر ہے، وزیر اعظم
نوازشریف نے کہا کہ مجھے کیوں نکالا؟ کیوں مجھے ملک چھوڑ کر جانا پڑا؟ کیوں مجھے جیلوں میں ڈالا گیا۔ قصور آپ کا بھی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ