جیا بچن نے ریکھا کو گھر بلا کر واضح کردیا کہ ’اصل مسز بچن‘ کون ہے
اشاعت کی تاریخ: 15th, September 2025 GMT
بھارت کی معروف صحافی پوجا سمنتا نے امیتابھ بچن اور ریکھا کے مبینہ تعلقات کے پسِ منظر پر روشنی ڈالتے ہوئے دعویٰ کیا ہے کہ جیا بچن نے ایک موقع پر ریکھا کو اپنے گھر بلایا اور انہیں واضح کردیا کہ اس گھر کی اصل مالکن اور مسز بچن وہی ہیں۔
1970 کی دہائی میں امیتابھ بچن، جیا بچن اور ریکھا کے درمیان یہ مبینہ لو ٹرائی اینگل فلم انڈسٹری کا سب سے بڑا اسکینڈل سمجھا جاتا تھا۔ امیتابھ شادی شدہ تھے اور ان کی ریکھا سے قربت کے قصے مختلف قیاس آرائیوں اور ’اگر ایسا ہوتا تو کیا ہوتا‘ جیسے سوالات کو جنم دیتے رہے۔ حال ہی میں ایک انٹرویو میں پوجا سمنتا نے اس موضوع پر دوبارہ بات کرتے ہوئے کئی دلچسپ دعوے کیے۔
پوجا کے مطابق جب امیتابھ اور ریکھا ساتھ کام کر رہے تھے تو ان کے درمیان کشش ضرور پیدا ہوئی ہوگی لیکن وہ محبت نہیں تھی کیونکہ امیتابھ پہلے ہی شادی شدہ تھے۔ انہوں نے یہ بھی کہا کہ ریکھا کا رشی کپور اور نیتو سنگھ کی شادی میں سندور لگا کر پہنچنا صورتحال کو مزید خراب کرگیا اور تقریب میں اصل دلہا دلہن سے توجہ ہٹ گئی۔ پوجا کا یہ بھی دعویٰ ہے کہ ریکھا نے امیتابھ کو متاثر کرنے کے لیے سبزی خوری اختیار کرلی تھی۔
اس معاملے میں تینوں شخصیات میں سے صرف ریکھا ہی کھل کر بات کرتی رہی ہیں۔ پوجا نے کہا کہ امیتابھ نے کبھی ریکھا کے بارے میں لب کشائی نہیں کی، جبکہ جیا بچن انٹرویوز سے ہمیشہ گریز کرتی رہیں۔ تاہم ایک واقعے کا حوالہ دیتے ہوئے پوجا نے کہا کہ جیا بچن نے ایک بار ریکھا کو اپنے گھر پر ڈنر کے لیے مدعو کیا۔ ملاقات کے اختتام پر جیا نے اشاروں کنایوں میں صاف کر دیا کہ وہی ہمیشہ مسز بچن رہیں گی۔ اس کے بعد ہی امیتابھ اور ریکھا نے ایک ساتھ کام کرنا چھوڑ دیا۔
بعدازاں دی گریٹ انڈین کپل شو میں ریکھا نے فلم سہاگ کے دوران ایک رقص کی یادیں تازہ کرتے ہوئے کہا کہ جب وہ امیتابھ کے ساتھ ڈانڈیا پرفارم کر رہی تھیں تو ان کی شخصیت ایسی تھی کہ خود بخود ہر ادا میں نکھار آ جاتا تھا۔ ریکھا کے بقول ’’چاہے مجھے ڈانڈیا کھیلنا آتا ہو یا نہیں، لیکن جب سامنے ایسا شخص کھڑا ہو تو انسان خود ہی بہترین رقص کرنے لگتا ہے۔‘‘
.
ذریعہ
ذریعہ: Express News
کلیدی لفظ: اور ریکھا ریکھا کے جیا بچن کہا کہ
پڑھیں:
پنجاب حکومت کے اقدامات دھرے کے دھرے رہ گئے‘بارشوں نے تباہی مچادی
لاہور(اردوپوائنٹ اخبارتازہ ترین-انٹرنیشنل پریس ایجنسی۔23 جولائی ۔2026 ) پنجاب حکومت کے اقدامات دھرے کے دھرے رہ گئے‘حکومتی دعوﺅں کے برعکس حالیہ بارشوں میں پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے‘کرنٹ لگنے سے 3 اور آسمانی بجلی گرنے سے 2 افرادجاں بحق ہوئے‘ بارش کے پانی میں ڈوبنے سے ایک شخص جاں بحق ہوا جبکہ 38 مکانات متاثر ہوئے.(جاری ہے)
پراونشل ڈیزاسٹر مینجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کی ہے ترجمان پی ڈی ایم اے پنجاب کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے. ادھرمحکمہ موسمیات نے ملک بھر میں موسلا دھار بارش کی پیش گوئی کر تے ہوئے نشیبی علاقے زیر آب اور لینڈ سلائیڈنگ کے خدشات ظاہر کیئے ہیں رپورٹ میں بتایا گیا ہے کہ پورے ملک میں تیز ہواﺅں اور گرج چمک کے ساتھ بیشتر مقامات پر وقفے وقفے سے بارش کا امکان ہے. صوبائی دارلحکومت لاہور میں آج ہونے والی بارش سے واپڈا ٹاﺅن‘ جوہر ٹاﺅن‘ گلبرگ اور ڈیفنس ‘ او پی ایف سوسائٹی‘ ایل ڈی اے ایونیو‘ فیصل ٹاﺅن‘ماڈل ٹاﺅن‘علامہ اقبال ٹاﺅن‘مسلم ٹاﺅن‘گارڈن ٹاﺅن‘سبزہ زار‘ملتان روڈسمیت شہر بھر میں تیزبارش سے شہر کی مرکزی شاہرائیں ندیوں کا منظرپیش کرتی رہیں جبکہ شہر کے نشیبی علاقوں میں پانی گھر میں داخل ہوگیا. شمالی لاہوراور اندرون شہر میں بھی بارش کی پانی کی وجہ سے معمولات زندگی شدید متاثرہوئے . محکمہ موسمیات کے مطابق آئندہ چند گھنٹوں کے دوران بھی مزید بارش کا امکان ہے محکمہ موسمیات کے مطابق شام کے وقت درجہ حرات 28ڈگری ریکارڈ کیا گیا جبکہ شہر میں 11 کلومیٹر فی گھنٹہ کی رفتار سے ہوائیں چل رہی ہیں تاہم ہوا میں نمی کا تناسب 95 فیصد تک پہنچ چکا ہے، جس کے باعث موسم مرطوب مگر خوشگوار محسوس کیا جا رہا ہے.
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار