سوشل میڈیا پر دولت کی نمائش کرنے والوں کے خلاف کارروائی کا فیصلہ
اشاعت کی تاریخ: 20th, September 2025 GMT
ذرائع کے مطابق، سوشل میڈیا پر دولت کی نمائش کرنے والے لاکھوں افراد کا ڈیٹا اکٹھا کر لیا گیا ہے۔ یہ ڈیٹا اب ایف بی آر کے ریکارڈ کا حصہ بن چکا ہے۔ پہلے مرحلے میں ایک لاکھ امیر افراد کے آڈٹ کا فیصلہ کیا گیا ہے تاکہ ان کے اخراجات اور ذرائع آمدن کا جائزہ لیا جا سکے۔ذرائع نے مزید بتایا کہ خاص طور پر شادیوں پر بے تحاشہ اخراجات کرنے والے نان فائلرز اب ایف بی آر کے ریڈار پر ہیں۔ ایسے افراد جو شادیوں میں بیس، بیس ہزار ڈالر کے مہنگے سوٹ پہنتے ہیں، وہ بھی اس کارروائی کی زد میں آئیں گے۔ نہ صرف یہ، بلکہ بنگلوں، قیمتی گاڑیوں اور زیورات کی نمائش کرنے والوں سے بھی ان کے ذرائع آمدن کے بارے میں وضاحت طلب کی جائے گی۔اطلاعات کے مطابق، ایف بی آر نے فیصلہ کیا ہے کہ گزشتہ سال جمع کرائے گئے انکم ٹیکس گوشواروں کا اس سال کے گوشواروں کے ساتھ تفصیلی موازنہ کیا جائے گا۔ اس عمل کے دوران یہ دیکھا جائے گا کہ دولت کی نمائش کرنے والے افراد نے اپنے اصل اثاثے ظاہر کیے ہیں یا نہیں۔ماہرین کا کہنا ہے کہ سوشل میڈیا پر اپنی آسائشوں اور طرزِ زندگی کی نمائش کرنے والے صارفین کو اب احتیاط برتنی ہوگی، کیونکہ ایف بی آر ان کی ہر سرگرمی پر نظر رکھے ہوئے ہے۔ یہ کارروائی ٹیکس نیٹ کو بڑھانے اور ملکی معیشت کو دستاویزی شکل دینے کے لیے ایک بڑے اقدام کے طور پر دیکھی جا رہی ہے۔
.
ذریعہ
ذریعہ: Nawaiwaqt
کلیدی لفظ: کی نمائش کرنے کرنے والے ایف بی آر
پڑھیں:
اسمبلی کارروائی پیپر لیس کرنے کیلئے پنجاب اسمبلی میں جدید ٹیبلٹس کی تنصیب
پنجاب اسمبلی (فائل فوٹو)۔اسمبلی کارروائی پیپر لیس کرنے کے لیے پنجاب اسمبلی میں ارکان کے لیے جدید ٹیبلٹس انسٹال کر دییے گئے۔
لاہور سے ترجمان پنجاب اسمبلی کےمطابق صوبائی اسمبلی کا اگلا اجلاس پیپر لیس ہو گا، 380 ٹیبلٹس یورپین یونین کے آئی پی 5 پروگرام کے تحت پنجاب اسمبلی کو فراہم کیے گئے۔
ترجمان کے مطابق ایپلیکیشن پی آئی ٹی بی نے محکمہ قانون اور اسمبلی آئی ٹی ٹیم کی مشاورت سے تیار کیا، جو صرف اسمبلی کارروائی کے لیے ہے۔
چوہدری عامر حبیب کے مطابق اس فیصلہ سے گرین انرجی کے تحت توانائی کی بچت بھی ہو گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ