اونٹنی کا جبڑا و پچھلی ٹانگ ٹوٹی، زبان جلی ہوئی ہے: ڈائریکٹر سی ڈی آر ایس بینجی پروجیکٹر
اشاعت کی تاریخ: 20th, September 2025 GMT
—ویڈیو گریب
سکھر میں بہیمانہ تشدد سے زخمی ہونے والی اونٹنی سی ڈی آر ایس بینجی پروجیکٹ کے انیمل شیلٹر میں زیرِ علاج ہے۔
ڈائریکٹر سی ڈی آر ایس بینجی پروجیکٹ سارہ جہانگیر نے بتایا ہے کہ اونٹنی کاجبڑا ٹوٹا ہوا ہے، ناک سےخون بہہ رہا ہے اور اس کی پچھلی ٹانگ بھی ٹوٹی ہوئی ہے۔
انہوں نے بتایا ہے کہ اونٹنی کچھ کھا نہیں سکتی، اسے ڈرِپ لگائی گئی ہے، اس کی ٹانگ پر پٹی کی جا رہی ہے جبکہ درد کم کرنے کی دوائیں بھی دی گئی ہیں۔
سکھر میں اونٹ کی ٹانگ کاٹنے کے واقعے کے بعد سکھر پولیس نے ایک اور کامیاب کارروائی کرتے ہوئے بے زبان جانور کی ٹانگ کاٹنے کے مقدمے میں نامزد دوسرے ملزم کو بھی گرفتار کر لیا۔
سارہ جہانگیر نے بتایا ہے کہ اونٹنی بہت کمزور ہے جس کا پچھلا پاؤں مکمل طور پر کچلا ہوا ہے، جبڑا ٹوٹا ہوا ہے، زبان جلی ہوئی ہے، اس کی جلد میں کیڑا ٹک بھی پایا گیا ہے۔
ان کا کہنا ہے کہ اونٹنی کھانے کے قابل نہیں، فی الحال ڈرِپ پر ہے، ہم اس کے بچنے کی امید اور دعا کر رہے ہیں، زخمی اونٹنی کے خون کے ٹیسٹ بھی کیے جا رہے ہیں، ٹیسٹ سے معلوم ہو گا کہ زخمی ٹانگ کاٹے جانے پر اونٹنی زندہ رہ سکے گی یا نہیں۔
واضح رہے کہ گزشتہ روز سکھر کی تحصیل صالح پٹ میں با اثر وڈیرے نے مبینہ طور پر اونٹنی کو بد ترین تشدد کا نشانہ بنایا تھا۔ کھیت میں گھس کر پانی پینے پر وڈیرے نے مبینہ طور پر اونٹنی کی ٹانگ توڑ دی تھی۔
اونٹنی کے مالک کے مطابق وڈیرے نے غصے میں اونٹنی کو ٹریکٹر سے باندھ کر گھسیٹا اور منہ پر ڈنڈے بھی مارے، زخمی اونٹنی کا علاج کرانے اسپتال پہنچے تو ڈاکٹروں نے علاج کرنے انکار کر دیا تھا۔
واقعے کا وزیرِ اعلیٰ سندھ نے نوٹس لیتے ہوئے مجرموں کے خلاف کارروائی کرنے کی ہدایت کی تھی، ان ہی کے حکم پر زخمی اونٹ کا علاج جاری ہے۔
سکھر میں اونٹ کی ٹانگ کاٹنے کے واقعے پر وزیرِاعلیٰ سندھ مراد علی شاہ کے نوٹس لینے کے بعد ان کے حکم پر عمل درآمد کرتے ہوئے زخمی اونٹ کا علاج کیا جا رہا ہے۔
دوسری جانب پولیس نے سکھر میں اونٹ پر تشدد کرنے اور اس کی ٹانگ کاٹنے کے دو ملزمان کو گرفتار کر لیا ہے۔
ایس ایس پی سکھر اظہر خان کے مطابق ملزم قربان بروہی اور رسول بخش شیخ کو گرفتار کر لیا گیا ہے جبکہ تیسرے ملزم کی گرفتاری کے لیے مختلف علاقوں میں چھاپے مارے جا رہے ہیں۔
.ذریعہ: Jang News
کلیدی لفظ: کی ٹانگ کاٹنے کے ہے کہ اونٹنی زخمی اونٹ میں اونٹ سکھر میں کا علاج پر اونٹ
پڑھیں:
امریکا؛ سابق نائب صدر ڈک چینی 84 سال کی عمر میں انتقال کرگئے
امریکی سیاست کے ایک اہم اور متنازع رہنما 84 سالہ ڈِک چینی نمونیا میں مبتلا ہونے کے باعث زیر علاج تھے۔
امریکی خبر رساں ادارے کے مطابق ڈِک چینی کا ماہر ڈاکٹر کی ٹیم گھر پر ہی علاج کر رہے تھے لیکن وہ جانبر نہ ہوسکے۔
ڈک چینی امراض قلب سمیت عمر رسیدگی سے جڑی دیگر بیماریوں کا شکار بھی تھے اور کافی کمزور ہوگئے تھے۔
وہ 2001 سے 2009 تک جارج ڈبلیو بش کے دونوں ادوارِ صدارت میں نائب صدر کی خدمات انجام دیں۔ علاوہ ازیں صدر جیرالڈ فورڈ کے وائٹ ہاؤس کے چیف آف اسٹاف بھی رہے۔
نائب صدارت کے دوران انھوں نے 11 ستمبر کے حملوں کے بعد امریکی خارجہ پالیسی اور انسدادِ دہشت گردی کے اقدامات میں نمایاں کردار ادا کیا۔
30 جنوری 1941 کو نیبراسکا میں پیدا ہونے والے ڈک چینی وائیومنگ سے امریکی کانگریس کے رکن بھی منتخب ہوئے تھے۔
وہ 1989 سے 1993 تک وزیر دفاع بھی رہے اور اس دور میں خلیجی جنگ کے فیصلے شامل تھے۔
انھوں نے انتظامیہ کے اہم فیصلوں میں براہِ راست مداخلت کی اور روایتی نائب صدور سے آگے کا کردار ادا کیا۔
تاہم ان پر امریکا کے عراق پر حملے کی وکالت، جاسوسی اور غیر روایتی جنگی حکمتِ عملیوں کی حمایت کرنے پر شدید تنقید بھی ہوئی تھی۔
جیکب آباد: جمس اسپتال میں ڈینگی آئسولیشن وارڈ میں مریضوں کا علاج کیاجارہاہے