غزہ میں پینے کے پانی کے 75 فیصد کنویں تباہ
اشاعت کی تاریخ: 20th, September 2025 GMT
غزہ میونسپلٹی کے ترجمان نے اعلان کیا ہے کہ قابض سفاک اسرائیلی فوج کیجانب سے پینے کے پانی کے 75 فیصد کنووں کو تباہ کر دیئے جانیکے باعث اس شہر کو "پیاس" کے شدید بحران کا سامنا ہے اسلام ٹائمز۔ غزہ میونسپلٹی کے ترجمان عصام النبیہ نے خبردار کیا ہے کہ غاصب و سفاک صیہونی فوج کی جانب سے غزہ شہر میں پینے کے پانی کے 75 فیصد کنووں کو تباہ کر ڈالنے کے باعث یہ شہر "پیاس" کے شدید بحران سے دوچار ہو چکا ہے۔ غزہ میونسپلٹی کے ترجمان نے پیش گوئی کرتے ہوئے اعلان کیا ہے کہ موسم سرما کی آمد کے ساتھ ہی غزہ شہر کے باشندوں کو مزید مشکلات کا سامنا کرنا پڑے گا۔ اس حوالے سے جاری ہونے والے اپنے بیان میں عصام النبیہ نے یہ اعلان بھی کیا کہ ہم غزہ شہر کے رہائشیوں کو کم سے کم خدمات فراہم کرنے سے بھی قاصر ہو چکے ہیں۔
رپورٹ کے مطابق قابض اسرائیلی فوج اس وقت غزہ شہر کے مختلف علاقوں خصوصاً اُن مغربی علاقوں پر شدید بمباری جاری رکھے ہوئے ہے کہ جو مشرقی علاقوں پر اُس کے انسانیت سوز حملوں کے باعث ہجرت کر کے آنے والے ہزاروں پناہ گزینوں سے بھرے پڑے ہیں۔ مقامی ذرائع کے مطابق سفاک اسرائیلی فوج اپنے جنگی جرائم کے نئے سلسلے میں غزہ کے شمال مغربی حصے میں واقع رہائشی علاقوں میں وسیع پیمانے پر تباہی پھیلانے میں مصروف ہے۔
واضح رہے کہ سفاک اسرائیلی فوج، غزہ شہر کے درج ذیل علاقوں پر قابض ہو چکی ہے:
- شمال: الصاروخ چوک کے ارد گرد، الجلاء اور الصفطاوی نامی سڑکوں کے درمیان
- شمال مشرق: شیخ رضوان کے قریب برکہ نامی علاقے میں واقع اسکولوں پر
- شمال مغرب: الکرامہ محلے کے ارد گرد
- جنوب مغرب: الدحدوح نامی چوک کے قریب
- مشرق: الزیتون، الشجاعیہ اور التفاح نامی محلوں میں
- جنوب مشرق: الصبرہ نامی محلے میں
ذریعہ
ذریعہ: Islam Times
کلیدی لفظ: اسرائیلی فوج غزہ شہر کے
پڑھیں:
سندھ، پنجاب اور کے پی کے مختلف شہروں میں بارش اور مٹی کا طوفان
فائل فوٹوسندھ، پنجاب اور خیبرپختونخوا کے مختلف شہروں میں تیز ہوائیں، طوفان اور بارش ہوئی ہے جس سے متعدد علاقوں میں بجلی کی فراہمی متاثر ہوگئی۔
خیبرپختونخوا میں مختلف حادثات میں 20 سے زائد افراد زخمی ہوئے ہیں۔
سندھ کے علاقے تھرپارکر میں بارش، سکھر میں ژالہ باری، لاڑکانہ، حیدرآباد، مٹیاری، ہالہ، نیو سعیدآباد، شکارپور اور کندھ کوٹ میں مٹی کا طوفان آیا ہے۔
اسلام آباد، لاہور، جہلم، سرگودھا، گجرات، رحیم یار خان، چنیوٹ سمیت پنجاب کے کئی علاقوں میں بارش ہوئی۔
تیز ہوا کے باعث لوئر کرم میں بجلی کی مین لائن کا ٹاور گر گیا، پاراچنار اور اس کے ملحقہ علاقوں اور پاک افغان سرحدی دیہات کی بجلی بند ہوگئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ