71 سالہ بھارتی خاتون کا کارنامہ؛ 13 ہزار فٹ کی بلندی سے اسکائے ڈائیونگ
اشاعت کی تاریخ: 23rd, September 2025 GMT
بھارتی ریاست کیرالہ کی 71 سالہ خاتون لیلا جوز نے 13 ہزار فٹ کی بلندی پر اسکائے ڈائیونگ کرکے سب کو حیران کر دیا۔ ان کا یہ کارنامہ ویڈیو کی صورت میں سامنے آیا تو دیکھتے ہی دیکھتے سوشل میڈیا پر وائرل ہو گیا۔
لیلا جوز کیرالہ کی سب سے معمر خاتون قرار دی جا رہی ہیں جنہوں نے اسکائے ڈائیونگ کا شوق پورا کیا۔
لیلا جوز نے بتایا کہ ان کا یہ شوق بچپن سے پروان چڑھا، جب وہ اپنے آبائی شہر کے اوپر سے گزرتے ہوائی جہازوں کو دیکھتی تھیں۔ جب انہوں نے اپنے خواب کا ذکر دوستوں سے کیا تو سب ہنسنے لگے، لیکن انہوں نے اپنے جذبے کو مرنے نہیں دیا اور برسوں بعد اسے حقیقت بنا دکھایا۔
رپورٹ کے مطابق لیلا جوز نے اپنا یہ خواب گزشتہ ماہ دبئی میں پورا کیا، جہاں وہ اپنے بیٹے سے ملنے گئی تھیں۔ انہوں نے بتایا کہ جب بیٹے سے اسکائے ڈائیونگ کی خواہش ظاہر کی تو پہلے تو وہ سمجھا کہ ماں مذاق کر رہی ہیں، لیکن پھر ان کی سنجیدگی دیکھ کر دبئی اسکائے ڈائیونگ ٹیم سے فوری رابطہ کیا۔
لیلا جوز کے مطابق جب وہ اسکائے ڈائیونگ ٹیم کے سامنے پیش ہوئیں تو وہ بھی ان کی عمر دیکھ کر حیران رہ گئے۔ تاہم خاتون نے اپنے عزم اور ہمت سے یہ مہم کامیابی کے ساتھ مکمل کر لی۔
.ذریعہ: Express News
کلیدی لفظ: اسکائے ڈائیونگ لیلا جوز
پڑھیں:
بھارتی ریاست تریپورہ میں خاتون کی نیم جلی لاش برآمد، الزام بی جے پی رکن اسمبلی کے بھتیجے پر عائد
بھارتی ریاست تریپورہ کے ضلع گوماتی میں ایک خاتون کی نیم جلی لاش برآمد ہونے کے بعد معاملہ سنگین سیاسی رخ اختیار کر گیا۔
خاتون کے شوہر نے الزام لگایا ہے کہ بی جے پی رکن اسمبلی جیتندر ماجمدار کے بھتیجے اور اس کے ساتھیوں نے انہیں اور ان کی بیوی کو شدید تشدد کا نشانہ بنایا جس کے بعد خاتون نے مبینہ طور پر خودکشی کر لی۔
یہ بھی پڑھیے: مودی کے خلاف نعرے بازی، پٹنہ میں کانگریس اور بی جے پی کارکنوں میں تصادم
پولیس نے ابتدائی طور پر غیر فطری موت کا مقدمہ درج کیا تھا تاہم بعد میں اسے خودکشی پر اکسانے کا کیس بنا دیا گیا۔ پولیس کے مطابق واقعے کی تفتیش جاری ہے اور مزید دفعات شامل کی جائیں گی۔
وزیر خزانہ پرنجیت سنگھ رائے نے متاثرہ خاندان کے گھر جا کر یقین دلایا کہ واقعے کی غیر جانبدارانہ تفتیش ہوگی اور قصورواروں کو سخت سزا ملے گی۔ ریاستی وزیراعلیٰ مانک سہہ نے بھی فیس بک پر لکھا کہ 4 ملزمان کو گرفتار کر لیا گیا ہے اور کسی کو بھی بخشا نہیں جائے گا۔
خاتون کے شوہر نے الزام لگایا کہ جب وہ شکایت درج کرانے گئے تو پولیس نے ان کی بات نہیں سنی اور واپسی پر ملزمان نے ان کا پیچھا کیا۔ اگلی صبح ان کی بیوی کی نیم جلی لاش سڑک کے قریب ملی۔
یہ بھی پڑھیے: بھارتی وزیراعظم کا 2 برس بعد منی پور کا دورہ، عوام کا شدید احتجاج، ’گوی مودی‘ کے نعرے
اس واقعے پر اپوزیشن جماعتیں برہم ہیں۔ کانگریس نے الزام لگایا ہے کہ پولیس ملزمان کو بچانے کی کوشش کر رہی ہے جبکہ پارٹی رہنماؤں نے مطالبہ کیا ہے کہ وزیراعظم نریندر مودی کے 22 ستمبر کے دورے سے پہلے تمام ملزمان کو گرفتار کیا جائے۔
دوسری جانب اپوزیشن جماعت سی پی آئی (ایم) نے پولیس ہیڈکوارٹر کے باہر مظاہرے کرتے ہوئے الزام لگایا کہ خاتون کو زندہ جلایا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈیا بی جے پی نریندر مودی
نارتھ کراچی میں گھر سے ایک ہفتہ پرانی لاش برآمد