خیبرپختونخوا اسمبلی :پشاور کے سرکاری اسکولوں اور طلبہ و طالبات کی تفصیلات پیش
اشاعت کی تاریخ: 24th, September 2025 GMT
data-id="863a0a8" data-element_type="widget" data-widget_type="theme-post-content.default">
250924-08-22
پشاور (مانیٹرنگ ڈیسک) خیبر پختونخوا اسمبلی کے اجلاس میں پشاور کے سرکاری اسکولوں اور طلبہ و طالبات کی تفصیلات پیش کر دی گئیں۔ محکمہ تعلیم کے مطابق پشاور بورڈ کے ماتحت سرکاری اسکولوں کی تعداد 1619 ہے، مردانہ اسکول 891 اور زنانہ اسکول 728 ہیں‘ پشاور بورڈ کے زیر انتظام اساتذہ کی تعداد 16 ہزار 300 ہے، مردانہ اساتذہ 6985 اور زنانہ اساتذہ 9315 ہیں۔ محکمہ تعلیم کے مطابق امتحانات میں طلبہ کی تعداد 27 لاکھ 22 ہزار 225 اور طالبات 26 لاکھ 99 ہزار 416 ہیں، گزشتہ 5 سال میں طلبہ و طالبات کی تعداد میں اضافہ ریکارڈ ہوا۔ رپورٹ کے مطابق 2020ء میں لڑکوں کی تعداد 2 لاکھ 43 ہزار 396 اور لڑکیوں کی ایک لاکھ 70 ہزار تھی‘ 2024 میں لڑکوں کی تعداد 2 لاکھ 56 ہزار 498 اور لڑکیوں کی 2 لاکھ 21 ہزار 739 ہوگئی۔
ذریعہ: Jasarat News
کلیدی لفظ: کی تعداد
پڑھیں:
اسرائیلی حملے جاری، غزہ میں شہدا کی تعداد 65 ہزار سے متجاوز
data-id="863a0a8" data-element_type="widget" data-widget_type="theme-post-content.default">
مقبوضہ بیت المقدس: غزہ میں گزشتہ 24 گھنٹوں کے دوران اسرائیلی حملوں میں مزید 61 فلسطینی شہید ہوگئے جس کے بعد اکتوبر 2023 سے اب تک جاں بحق ہونے والوں کی مجموعی تعداد 65 ہزار 344 تک جا پہنچی ہے۔
عالمی میڈیا رپورٹس کےمطابق گزشتہ ایک دن میں مزید 220 افراد زخمی ہوئے ہیں، جس کے بعد مجموعی زخمیوں کی تعداد 1 لاکھ 66 ہزار 795 تک پہنچ گئی ہے، اب بھی درجنوں لاشیں ملبے تلے اور سڑکوں پر موجود ہیں جن تک ریسکیو ٹیمیں پہنچنے سے قاصر ہیں۔
وزارت صحت نے کہا کہ 18 مارچ کو مختصر جنگ بندی اور قیدیوں کے تبادلے کے بعد اسرائیلی حملے دوبارہ شروع ہونے کے بعد سے اب تک 12 ہزار 785 فلسطینی شہید جبکہ 54 ہزار 754 زخمی ہوچکے ہیں۔
وزارت صحت کے مطابق گزشتہ 24 گھنٹوں میں 23 فلسطینی اس وقت زخمی ہوئے جب وہ انسانی ہمدردی کی امداد حاصل کرنے کی کوشش کررہے تھے۔ 27 مئی سے اب تک اسرائیلی فوج کی فائرنگ کے نتیجے میں کم از کم 2 ہزار 523 فلسطینی شہید اور 18 ہزار 496 سے زائد زخمی ہوچکے ہیں جو امدادی سامان لینے کی کوشش میں تھے۔
واضح رہے کہ گزشتہ سال نومبر میں انٹرنیشنل کریمنل کورٹ (آئی سی سی) نے اسرائیلی وزیراعظم بنجمن نیتن یاہو اور سابق وزیر دفاع یوآو گلینٹ کے خلاف غزہ میں جنگی جرائم اور انسانیت کے خلاف جرائم پر وارنٹ گرفتاری جاری کیے تھے، اس کے علاوہ اسرائیل غزہ میں جاری جنگ پر نسل کشی کے مقدمے کا بھی انٹرنیشنل کورٹ آف جسٹس میں سامنا کر رہا ہے۔
خیال رہے کہ غزہ میں امریکا اور اسرائیل امداد کے نام پر دہشت گردی کررہے ہیں اور عالمی ادارے خاموش تماشائی بنے ہوئے ہیں جبکہ مسلم حکمران بے حسی کا مظاہرہ کررہے ہیں۔
عوام پر مزید بوجھ؛ کراچی سمیت ملک بھر کے صارفین کیلیے بجلی مہنگی ہونے کا امکان