رانی مکھرجی کی شاہ رخ خان کو نیشنل ایوارڈ کا میڈل پہننے میں مدد، ویڈیو وائرل
اشاعت کی تاریخ: 24th, September 2025 GMT
شاہ رخ خان اور رانی مکھرجی کو دہلی میں منعقدہ 71ویں نیشنل فلم ایوارڈز کی تقریب میں پہلی بار نیشنل ایوارڈ سے نوازا گیا۔ یہ تقریب 23 ستمبر کو ہوئی۔ اس تقریب کے دوران کئی دلچسپ لمحات سوشل میڈیا پر وائرل ہو گئے۔ ایک ایسی ہی وائرل ویڈیو میں رانی مکھرجی کو شاہ رخ خان کی مدد کرتے دیکھا گیا جب وہ اپنا میڈل پہننے کی کوشش کر رہے تھے۔
وائرل ویڈیو میں شاہ رخ خان کو میڈل کے دھاگے کو سلجھاتے ہوئے دیکھا جا سکتا ہے جس پر ساتھ بیٹھی رانی مکھرجی اُنہیں میڈل پہننے میں مدد دیتی ہیں اس کے بعد فون کا سیلفی کیمرا آن کر کے شاہ رخ کو دکھاتی ہیں کہ آیا میڈل ٹھیک طرح سے پہنا گیا ہے یا نہیں۔
View this post on Instagram
A post shared by Anupamb Anupam B Gautam (@anupamgautam_)
میڈل پہننے کے بعد، شاہ رخ خان وہ میڈل اپنی مینیجر، پوجا دادلانی کو دکھاتے ہیں جو ان کی پچھلی قطار میں بیٹھی ہوتی ہیں۔ یہ لمحہ تیزی سے سوشل میڈیا پر وائرل ہو گیا جس پر صارفین مختلف تبصرے کرتے نظر آئے۔
ایک صارف نے ویڈیو پر تبصرہ کرتے ہوئے لکھا کہ رانی مکھر جی اور شاہ رخ خان ایسے خوش ہو رہے ہیں جیسے چھوٹے بچے اپنی میڈلز پر خوش ہو رہے ہوں۔ ایک سوشل میڈیا صارف کا کہنا تھا کہ چاہے جو بھی ہو، ہر انسان کے اندر کا بچہ زندہ ہوتا ہے جو آئینے میں خود کو دیکھ کر خوش ہوتا ہے۔ جبکہ کئی صارفین نے کہا کہ یہ اداکار اس ایوارڈ کے مستحق تھے۔
یہ بھی پڑھیں: شاہ رخ خان یا شکیب خان؟ ہانیہ عامر کی پسند نے مداحوں کو چونکا دیا
یاد رہے کہ شاہ رخ خان کو فلم ’جوان‘ جبکہ رانی مکھرجی کو ’مسز چیٹرجی ورسز ناروے‘ میں شاندار اداکاری پر نیشنل ایوارڈ سے نوازا گیا۔ اس کے ساتھ ساتھ وکرانت میسی کو بھی فلم ’12ویں فیل‘ کے لیے بہترین اداکار کا ایوارڈ دیا گیا، جس میں انہوں نے آئی پی ایس آفیسر منوج کمار شرما کا کردار نبھایا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ رانی مکھر جی شاہ رخ خان شاہ رخ خان ایوارڈ.
ذریعہ
ذریعہ: WE News
کلیدی لفظ: بالی ووڈ رانی مکھر جی شاہ رخ خان شاہ رخ خان ایوارڈ رانی مکھرجی میڈل پہننے شاہ رخ خان
پڑھیں:
لیفٹیننٹ جنرل عامر رضا کی بطور فور سٹار جنرل ترقی، کمانڈر نیشنل سٹریٹجک کمانڈ مقرر
لیفٹیننٹ جنرل عامر رضا کو فور سٹار جنرل کے عہدے پر ترقی دے دی گئی۔وزیراعظم دفتر کے مطابق وزیراعظم نے لیفٹیننٹ جنرل عامر رضا کو فور سٹار جنرل کے عہدے پر ترقی دے دی، لیفٹیننٹ جنرل عامر رضا کو کمانڈر نیشنل سٹریٹجک کمانڈ مقرر کر دیا گیا، وہ چیف آف جنرل سٹاف کے طور پر ذمہ داریاں انجام دے رہے تھے۔وزیراعظم شہباز شریف نے جنرل عامر رضا، ہلال امتیاز ملٹری، ستارہ بسالت کو ان کی ترقی اور تقرری پر مبارکباد دی اور اس اہم ذمہ داری کی انجام دہی کیلئے جنرل عامر رضا کیلئے نیک خواہشات کا اظہار کیا۔جنرل عامر رضا نے 1988 میں کمیشن پاس کیا، انہوں نے کمانڈ اینڈ سٹاف کالج کوئٹہ اور نیشنل ڈیفنس یونیورسٹی اسلام آباد سے گریجویشن کی، اس کے علاوہ وہ یونیورسٹی آف نوٹنگھم سے بین الاقوامی تعلقات کی ڈگری بھی حاصل کر چکے ہیں۔جنرل عامر رضا کو جنوری 2025 میں چیف آف جنرل سٹاف جی ایچ کیو تعینات کیا گیا تھا، اس کے علاوہ وہ کور کمانڈر لاہور اور چیئرمین ہیوی انڈسٹریز ٹیکسلا کے طور پر فرائض انجام دے چکے ہیں۔خیال رہے کہ پاکستان آرمی، ایئرفورس اور نیوی (ترمیمی) بل 2025 کی منظوری کے بعد کمانڈر نیشنل اسٹریٹجک کمانڈ کا عہدہ متعارف کرایا گیا، اسی قانون سازی کے تحت فیلڈ مارشل عاصم منیر کو چیف آف ڈیفنس فورسز مقرر کیا گیا۔نیا کمان ڈھانچہ چیئرمین جوائنٹ چیفس آف اسٹاف کمیٹی (سی جے سی ایس سی) کے عہدے کے خاتمے کے بعد تشکیل دیا گیا، جنرل شمشاد مرزا اس عہدے پر خدمات انجام دینے والے آخری افسر تھے، جن کے بعد یہ منصب ختم کر دیا گیا۔ترمیم شدہ قانون کے مطابق وزیراعظم کو یہ اختیار حاصل ہے کہ وہ پاک فوج کے حاضر سروس جنرلز میں سے کمانڈر نیشنل سٹریٹجک کمانڈ کا تقرر کریں، یہ تقرری چیف آف آرمی سٹاف کی سفارش پر تین سالہ مدت کے لیے کی جائے گی، جبکہ چیف آف آرمی سٹاف ہی چیف آف ڈیفنس فورسز کا منصب سنبھالیں گے۔
بھارت سے جنگ اور افغانستان میں کارروائی خارج ازامکان نہیں، وزیردفاع