آرٹیمس 2: ناسا نے 50 سال بعد دوبارہ چاند پر انسان بھیجنے کا اعلان کردیا
اشاعت کی تاریخ: 24th, September 2025 GMT
ناسا نے اعلان کیا ہے کہ اس کے آرٹیمس پروگرام کے تحت پہلا انسانی مشن آئندہ سال فروری میں چاند کے گرد چکر لگا کر واپس آ سکتا ہے، جس سے 2027 میں انسانوں کو چاند کی سطح پر اتارنے کا منصوبہ آسان ہوگا۔
آرٹیمس پروگرام امریکا کا مہنگا فلیگ شپ منصوبہ ہے جس کا مقصد انسانوں کو دوبارہ چاند پر بھیجنا ہے۔ یہ پروگرام چین کی کوششوں کا مقابلہ بھی سمجھا جا رہا ہے جو 2030 تک چاند پر اپنے خلا نورد اتارنے کا ہدف رکھتا ہے۔
یہ بھی پڑھیے: زمین خطرے سے باہر ناسا اب چاند بچانے کے لیے کوشاں، معاملہ کیا ہے؟
پروگرام کے پہلے مرحلے میں نومبر 2022 میں آرٹیمس 1 کے ذریعے ایک بغیر انسان والا خلائی جہاز چاند کے گرد گردش کرکے واپس آیا تھا۔ اب آرٹیمس 2 کے تحت 10 روزہ مشن میں خلا نورد چاند کے گرد چکر لگائیں گے اور زمین پر واپس آئیں گے۔ اس مشن کا مقصد سائنسی تحقیق، اقتصادی فوائد اور مستقبل میں مریخ پر انسانی مشنز کے لیے بنیاد رکھنا ہے۔
بی بی سی کے مطابق آرٹیمس 2 کے عملے کو چاند پر اترنا تو نہیں ہوگا تاہم یہ 1972 کے بعد پہلا انسانی مشن ہوگا جو زمین کے نچلے مدار سے آگے تک سفر کرے گا۔
یہ مشن ابتدا میں اپریل 2025 کے لیے طے تھا، تاہم اب ناسا نے کہا ہے کہ لانچ ونڈو 5 فروری سے کھل سکتی ہے۔ ناسا کی قائم مقام ڈپٹی ایسوسی ایٹ ایڈمنسٹریٹر لاکیشا ہاکنز نے پریس کانفرنس میں کہا کہ ہم سب تاریخ رقم ہوتے دیکھنے جا رہے ہیں، لیکن ہماری اولین ترجیح عملے کی حفاظت ہے۔
یہ بھی پڑھیے: جیمز ویب سے یورینس کا نیا چاند دریافت، کل تعداد 29 ہوگئی
آرٹیمس 2 کو ناسا کا اسپیس لانچ سسٹم راکٹ اور اورائن کیپسول لے کر جائیں گے۔ یہ پہلا موقع ہوگا کہ 98 میٹر بلند یہ راکٹ اور اورائن کیپسول انسانوں کے ساتھ پرواز کریں گے۔ لانچ ناسا کے کینیڈی اسپیس سینٹر، فلوریڈا سے ہوگا۔
واضح رہے کہ آرٹیمس 3، جو 2027 میں متوقع ہے، میں اسپیس ایکس کے اسٹارشپ راکٹ کے خصوصی لینڈر کے ذریعے خلا نوردوں کو چاند پر اتارا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Artemis 2 mission moon mission چاند مون مشن.ذریعہ: WE News
کلیدی لفظ: چاند آرٹیمس 2 چاند پر کے لیے
پڑھیں:
آسٹریلیا نے ایشیز سیریز کے پہلے مقابلے کیلئے 15 رکنی اسکواڈ کا اعلان کردیا
پرتھ(ویب ڈیسک)برطانوی نشریاتی ادارے ’بی بی سی‘ کی رپورٹ کے مطابق اسٹیو اسمتھ انجری کا شکار پیٹ کمنز کی جگہ پہلے ٹیسٹ میں کینگروز کی قیادت کریں گے، جب کہ ٹریوس ہیڈ نائب کپتان ہوں گے۔
بیٹر جیک ویڈرلڈ، باؤلرز برینڈن ڈاگیٹ اور شان ایبٹ ٹیسٹ کیریئر کا ڈیبیو کریں گے، جیک ویڈرلڈ اور مارنوس لبوشین میں سے کوئی ایک بیٹر عثمان خواجہ کے ساتھ آسٹریلیا کے لیے اوپننگ کرے گا۔
کمر کی سرجری سے بحالی کے بعد اسکواڈ میں آنے واپس والے آل راؤنڈرز کیمرون گرین اور بیو ویبسٹر ’بیگی گرین‘ کیپ پہنیں گے، وکٹ کیپر ایلکس کیری کو بھی اسکواڈ میں شامل کیا گیا جب کہ جوش انگلِس ان کے متبادل ہوں گے۔
فاسٹ بولر جوش ہیزل وُڈ، اسپنر نیتھن لائن، اور سیمرز مچل اسٹارک اور اسکاٹ بولنڈ بھی اسکواڈ کا حصہ ہیں۔
کوئنز لینڈ میں ٹیم کا اعلان کرتے ہوئے چیئرمین سلیکٹرز جارج بیلی نے کہا کہ انہیں امید ہےکہ کمر کی انجری کا شکار پیٹ کمنز سیریز کے بقیہ میچز میں ہمیں دستیاب ہوں گے، جیک ویڈرلڈ کے انتخاب پر جارج بیلی نے کہا کہ بیٹر کی گزشتہ 18 ماہ کی کارکردگی ’انتہائی شاندار‘ رہی ہے اور ان کا کھیلنے کا انداز ٹیم کے دیگر کھلاڑیوں کے لیے نہایت موزوں ہے۔
جب ان سے حتمی الیون کے بارے میں پوچھا گیا تو چیئرمین سلیکٹرز نے جواب دینے سے گریز کیا، انہوں نے کہا کہ یہ ہمارا اسکواڈ ہے، آج 5 نومبر ہے اور پہلا ٹیسٹ میچ 21 تاریخ کو شروع ہوگا، ٹاس ہونے تک ہمیں حتمی پلیئنگ الیون کے بارے میں زیادہ فکر مند ہونے کی ضرورت نہیں۔
جولائی میں ویسٹ انڈیز کے خلاف 3 ٹیسٹ میچز میں آسٹریلیا کے لیے اوپننگ کرنے والے سیم کونستاس کو ٹیم میں شامل نہیں کیا گیا۔
تاریخی ایشیز سیریز کا پہلا ٹیسٹ 21 سے 25 نومبر تک پرتھ کے آپٹس اسٹیڈیم میں کھیلا جائے گا، جب کہ دوسرا ٹیسٹ 4 سے 8 دسمبر تک برسبین کے گیبا میں شیڈول ہے، تیسرا ٹیسٹ 17 سے 21 دسمبر تک ایڈیلیڈ اوول میں کھیلا جائے گا، اس کے بعد روایتی ’باکسنگ ڈے ٹیسٹ‘ 26 سے 30 دسمبر تک میلبورن کرکٹ گراؤنڈ میں ہوگا۔
5 میچز پر مشتمل یہ سیریز 7 ہفتوں میں مکمل ہوگی اور آخری ٹیسٹ 4 سے 8 جنوری تک سڈنی کرکٹ گراؤنڈ میں کھیلا جائے گا۔
انگلینڈ نے بین اسٹوکس کی قیادت میں ستمبر میں ہی اپنے 16 رکنی اسکواڈ کا اعلان کر دیا تھا۔
امریکا، 4 لاکھ 55 ہزار خواتین رواں سال ملازمتیں چھوڑ گئیں