پاکستانیوں کو وارننگ! جعلی کالز اور میسجز سے بچیں، پی ٹی اے کا انتباہ
اشاعت کی تاریخ: 24th, September 2025 GMT
اسلام آباد: پاکستان ٹیلی کمیونیکیشن اتھارٹی (پی ٹی اے) نے شہریوں کو بڑھتے ہوئے آن لائن فراڈ کے واقعات کے پیش نظر خبردار کیا ہے۔اتھارٹی کی جانب سے جاری کردہ مشاورتی ہدایت میں کہا گیا ہے کہ ملک بھر میں مختلف گروہ انعامی رقوم کا جھانسہ دے کر شہریوں کو دھوکہ دے رہے ہیں۔پی ٹی اے کے ترجمان کے مطابق فراڈ میں ملوث افراد جعلی پیغامات اور کالز کے ذریعے صارفین کو مشکوک لنکس پر کلک کرنے پر مجبور کرتے ہیں یا بینک کی ذاتی معلومات حاصل کر کے مالی نقصان پہنچاتے ہیں۔ترجمان نے واضح کیا کہ انعامی رقم جیتنے کے نام پر شہریوں سے خفیہ معلومات طلب کرنا مجرمانہ سرگرمی ہے جس سے صارفین کی جمع پونجی متاثر ہو سکتی ہے۔اتھارٹی نے ہدایت جاری کی ہے کہ ایسے کسی بھی مشکوک پیغام یا کال کی صورت میں متاثرہ شہری فوراً پی ٹی اے کی ویب سائٹ یا موبائل ایپ پر شکایت درج کروائیں۔مزید یہ کہ نیشنل سائبر کرائم انویسٹی گیشن ایجنسی کی ہیلپ لائن 1799 پر بھی رابطہ کیا جا سکتا ہے تاکہ ایسے جرائم پیشہ افراد کے خلاف قانونی کارروائی عمل میں لائی جا سکے۔پی ٹی اے نے ماضی میں بھی موبائل صارفین کو جھوٹی کالز اور جعلی ایس ایم ایسز سے محتاط رہنے کی تاکید کی تھی جن میں شہریوں کو انعام جیتنے کے بہانے سے سکریچ کارڈز کے خفیہ نمبرز فراہم کرنے کا کہا جاتا ہے۔ترجمان نے بتایا کہ اس طرح کے واقعات میں صارفین نہ صرف سکریچ کارڈ کی مالیت سے محروم ہو جاتے ہیں بلکہ بعض صورتوں میں مزید بڑے مالی نقصان کا سامنا بھی کر سکتے ہیں۔پی ٹی اے نے شہریوں سے اپیل کی ہے کہ کسی بھی غیر مصدقہ اطلاع پر بھروسہ نہ کریں اور ہر حال میں پہلے اپنے موبائل سروس فراہم کنندہ سے معلومات کی تصدیق کریں .
ذریعہ
ذریعہ: Nawaiwaqt
کلیدی لفظ: پی ٹی اے
پڑھیں:
وفاقی کابینہ کا جعلی دواؤں کے خاتمے کیلئے ٹریک اینڈ ٹریس سسٹم کے نفاذ کی منظوری
اسلام آباد (ڈیلی پاکستان آن لائن) ملک بھر میں جعلی دواؤں کا خاتمہ یقینی بنانےکے لیے وفاقی کابینہ نے دواؤں کے ٹریک اینڈ ٹریس سسٹم کے نفاذ کی باضابطہ منظوری دیدی۔
نجی ٹی وی چینل جیو نیوز کے مطابق وفاقی وزیر صحت مصطفیٰ کمال نے اس حوالے سے کہا کہ ڈرگ لیبلنگ اینڈ پیکنگ رولز 1978 میں ضروری ترامیم کی منظوری دے دی گئی ہے، یہ فیصلہ پاکستان میں جعلی دواؤں کے خاتمے کی جانب ایک بڑا اور تاریخی قدم ہے۔
انہوں نے کہا کہ پہلی بار ہر دوا کو ڈیجیٹل طریقے سے ٹریک اور ویریفائی کیا جا سکے گا، اس نظام کے تحت جعلی، غیرمعیاری اور نقلی دواؤں کی نشاندہی اور ان کا خاتمہ ممکن ہوگا، نظام کے نفاذ سے عام صارف بآسانی دوا کی میعاد اور قیمت کی مستند معلومات لے سکےگا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وفاقی وزیر نے کہا کہ ڈرگ ریگولیٹری اتھارٹی آف پاکستان اس جدید نظام کو ملک بھر میں نافذ کرے گی، نئے قواعد کے تحت تمام دوا ساز کمپنیوں اور درآمد کنندگان کے لیے لازم ہوگا کہ وہ ہر دوا کے پیک پر معیاری ٹو ڈی بارکوڈ اور سیریلائزیشن ڈیٹا درج کریں، یہ اہم فیصلہ دواوں کی سپلائی چین کو محفوظ اور معیاری بنانے کیلئے کیا ہے۔
مصطفیٰ کمال کا کہنا تھا پاکستان میں دواؤں کے نظام کو جدید خطوط پر استوار کیا جا رہا ہے، ٹریک اینڈ ٹریس سسٹم کے نفاذ سے جعلی دواؤں کے خلاف مضبوط اور مؤثر دیوار قائم ہوگی، پاکستان خطے میں جدید ٹیکنالوجی اپنانے والا نمایاں ملک بن کر سامنے آئے گا، اس نظام کے ذریعے نگرانی کے روایتی طریقوں کی جگہ جدید ڈیجیٹل نظام لے گا۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ