پنجاب سیف سٹیز اتھارٹی میں خصوصی افراد کے لیے پبلک سیفٹی ایپ آگاہی سیشن کا انعقاد
اشاعت کی تاریخ: 24th, September 2025 GMT
پنجاب سیف سٹیز اتھارٹی میں خصوصی افراد کے لیے پبلک سیفٹی ایپ آگاہی سیشن کا انعقاد کیا گیا جس میں مختلف فلاحی اداروں سے تعلق رکھنے والے خصوصی افراد اور بچوں نے شرکت کی۔ ایم ڈی سیف سٹیز اتھارٹی محمد احسن یونس اور سی او او مستنصر فیروز نے بھی خصوصی طور پر شرکت کی۔ اس موقع پر پبلک سیفٹی ایپ کے جدید فیچرز پر تفصیلی بریفنگ دی گئی اور عملی مظاہرے کے ذریعے شرکاء کو ایپ کے استعمال کا طریقہ بتایا گیا۔ تفصیلات کے مطابق سیشن میں بتایا گیا کہ پبلک سیفٹی ایپ عام شہریوں کے ساتھ ساتھ خصوصی افراد کے لیے بھی ایک انقلابی سہولت ہے، جو کسی بھی ہنگامی صورتحال میں فوری مدد کو یقینی بناتی ہے۔ ایپ کے ذریعے نابینا افراد فون ہلا کر یا "ایمرجنسی" بول کر فوری الرٹ بھیج سکتے ہیں، جبکہ قوتِ گویائی اور سماعت سے محروم افراد کے لیے ویڈیو کال اور سائن لینگوئج چیٹ کی سہولت فراہم کی گئی ہے۔ مرگی اور ذہنی معذوری کے مریضوں کے لیے فال ڈیٹیکشن اور خودکار الرٹ سسٹم شامل ہے، جو حادثے یا گرنے کی صورت میں پولیس، ریسکیو اور فیملی ممبران کو فوری اطلاع دیتا ہے۔ مزید بتایا گیا کہ ایپ کا لاک اسکرین فیچر ایمرجنسی کے وقت معذوری، رابطہ نمبر اور اہم معلومات ظاہر کر دیتا ہے، جبکہ فیملی ٹریکنگ فیچر اہل خانہ کی لوکیشن مانیٹر کرنے میں معاون ہے۔ آگاہی سیشن میں شریک خصوصی افراد نے سیف سٹیز اتھارٹی کی اس کاوش کو سراہتے ہوئے کہا کہ یہ ایپ ان کے لیے حقیقی معنوں میں سہولت اور تحفظ کی ضامن ہے۔
.
ذریعہ
ذریعہ: Nawaiwaqt
کلیدی لفظ: سیف سٹیز اتھارٹی افراد کے لیے خصوصی افراد
پڑھیں:
ایک ملک نے پاکستانیوں کیلیے ویزہ فیس ختم کردی
سری لنکا کی حکومت نے پاکستانیوں کے لیے ویزہ فیس ختم کردی۔
ایکسپریس نیوز کے مطابق کراچی میں تعینات قونصل جنرل سری لنکا سنجیوا پٹیوالا نے میڈیا سے گفتگومیں بتایا کہ سری لنکن حکومت نے پاکستانیوں کے لیے ویزہ فیس ختم کردی جس کے بعد سری لنکا جانے والے پاکستانیوں سیاحوں کی تعداد میں اضافہ ہوا ہے۔
انہوں نے بتایا کہ پاکستان سے سری لنکا جانے والے ویزہ کی درخواست آن لائن دے سکتے ہیں۔
قونصل جنرل نے بتایا کہ پاکستان اور سری لنکن کے دوطرفہ تعلقات اہم ہیں، حکومت پاکستان نے 100 سری لنکن اسٹوڈنٹس کوعلامہ اقبال یونیورسٹی میں اسکالرشپ دی ہے جو ایک مثبت اقدام ہے۔
انہوں نے کاہ کہ پاکستان سری لنکا کےدرمیان فری ٹریڈ ایگریمنٹ پرسن 2005 میں دستخط ہوئے تھے لیکن تاحال دونوں ملکوں میں ٹریڈ بیریئرز موجود ہیں۔
قونصل جنرل نے مزید کہا کہ پاکستان سری لنکا درمیان درمیان دفاعی تعلقات بھی اہم ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار