صوبے بھر میں ڈرائیونگ لائسنس کے اجرا میں نمایاں اضافہ
اشاعت کی تاریخ: 24th, September 2025 GMT
علی ساہی:صوبے بھر میں ڈرائیونگ لائسنس کے اجرا میں نمایاں تیزی دیکھنے میں آ رہی ہے۔
ڈی آئی جی ٹریفک محمدوقاص نذیرعوامی سہولیات فراہم کرنےکیلئےہردم کوشاں ہیں۔
ترجمان کے مطابق صرف3 ہفتوں کے دوران پانچ لاکھ سے زائد شہری لائسنسنگ سہولیات سے مستفید ہوئے جن میں ایک لاکھ 70 ہزار سے زیادہ نے لرننگ لائسنس، ایک لاکھ 61 ہزار سے زائد نے ریگولر ڈرائیونگ لائسنس حاصل کیے، جبک5 ہزار 700 سے زیادہ شہریوں کو انٹرنیشنل ڈرائیونگ پرمٹ جاری کیے گئے۔
ٹیکس ریکوریاں کرنے کے لیے ایف بی آر کی انعامی رقم 50 لاکھ سے 15 کروڑ کرنے کی تجویز
رواں ماہ ایک لاکھ 66 ہزار سے زائد افراد نے لرننگ، ریگولر اور انٹرنیشنل لائسنس کی تجدید کروائی، جبکہ 92 ہزار سے زیادہ شہریوں نے گھر بیٹھے آن لائن لائسنسنگ پورٹل سے سہولت حاصل کی۔
ڈی آئی جی ٹریفک محمد وقاص نذیر کا کہنا تھا کہ شہریوں کو سہولت فراہم کرنے کے ساتھ ساتھ صوبے میں بغیر لائسنس ڈرائیونگ کے خلاف کریک ڈاؤن بھی جاری ہے، کیونکہ گاڑی یا موٹر سائیکل بغیر لائسنس چلانا جرم ہے۔
Currency Exchange Rate Tuesday September 23, 2025
.
ذریعہ
ذریعہ: City 42
پڑھیں:
کراچی میں شہریوں کی رہنمائی کیلیے روڈ سیفٹی آفیسر یونٹ قائم کرنے کرنا کا فیصلہ
ٹریفک پولیس کی جانب سے شہریوں کے لیے ’’روڈ سیفٹی آفیسر یونٹ‘‘ کے قیام کا فیصلہ کیا گیا ہے۔
تفصیلات کے مطابق ٹریفک پولیس نے شہریوں کو بہتر سہولیات کی فراہمی، روڈ سیفٹی کے فروغ اور عوام دوست پولیسنگ کے وژن کو مزید مؤثر بنانے کے لیے "روڈ سیفٹی آفیسر یونٹ" قائم کرنے کا فیصلہ کیا ہے۔
روڈ سیفٹی آفیسرز شہر کی اہم اور مصروف شاہراہوں بشمول شاہراہ فیصل ، ماڑی پور روڈ ، کورنگی روڈ اور شاہراہ لیاقت پر تعینات کیے جائیں گے جہاں وہ ٹریفک کی روانی کو بہتر بنانے، شہریوں کو متبادل راستوں اور سفری سہولیات سے متعلق معلومات فراہم کرنے اور بروقت مدد کے فرائض انجام دیں گے۔
ترجمان کے مطابق یونٹ کے قیام سے شہریوں کو محفوظ سفری ماحول میں رہنمائی ملے گی ، یہ یونٹ شہریوں اور ٹریفک پولیس کے درمیان رابطے کو مضبوط بنانے کے ساتھ ساتھ دوران سفر پیش آنے والی مشکلات کے فوری حل اور مؤثر رہنمائی میں اہم کردار ادا کریگا۔
یونٹ کا مقصد ٹریفک قوانین ، روڈ سیفٹی اقدامات اور ذمہ دارانہ طرز ڈرائیونگ کے حوالے سے عوامی شعور اجاگر اور اس میں مزید اضافہ کرنا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ