فرانسیس کے سابق صدر نکولس سرکوزی کو 5 سال قید کی سزا
اشاعت کی تاریخ: 25th, September 2025 GMT
پیرس کی اپیل کورٹ نے سابق فرانسیسی صدر نکولس سرکوزی کو 5 سال قید کی سزا سنا دی۔
پیرس سے خبر ایجنسی کے مطابق نکولس سرکوزی پر مجرمانہ سازش کا جرم ثابت ہونے پر سزا سنائی گئی۔
عدالت نے نکولس سرکوزی کوحراست میں لینے کا حکم دیا، وہ کرپشن کے مختلف الزامات پر گھر پر نظربند تھے، گزشتہ سال سرکوزی پر 2012 کی انتخابی مہم میں غیر قانونی اخراجات کا جرم ثابت ہونے پر سزا سنائی گئی تھی۔
خبر ایجنسی کے مطابق پیرس کی اپیل کورٹ نے نکولس سرکوزی کی اپیل مسترد کر کے ماتحت عدالت کا فیصلہ برقرار رکھا۔
عدالت نے کہا کہ سرکوزی نے 2007 کے صدارتی انتخابات کیلئے لیبیا کے سابق صدر معمر قذافی سے لاکھوں یورو کی غیر قانونی مالی معاونت لی۔
ذریعہ
ذریعہ: Daily Mumtaz
پڑھیں:
اے پی ایس شہدا کے لواحقین کو معاوضہ پیکج کی عدم ادائیگی، سپریم کورٹ نے وفاقی حکومت سے جواب طلب کرلیا
سپریم کورٹ آف پاکستان نے سانحہ آرمی پبلک سکول (اے پی ایس) کے شہدا کے لواحقین کو اعلان کردہ معاوضہ پیکج نہ ملنے کے معاملے پر وفاقی حکومت سے جواب طلب کرلیا ہے۔
کیس کی سماعت جسٹس محمد علی مظہر کی سربراہی میں 3 رکنی بینچ نے کی۔ دوران سماعت جسٹس عرفان سعادت نے ریمارکس دیے کہ درخواست 25 دن کی تاخیر سے دائر کی گئی ہے۔
درخواست گزار کے وکیل نے عدالت کو بتایا کہ شہدا کے لواحقین کو حکومت کی جانب سے اعلان کردہ پیکج تاحال نہیں ملا۔
اس پر جسٹس محمد علی مظہر نے ریمارکس دیے کہ اگر کوئی پیکج دیا گیا ہے تو وہ تمام متاثرہ لواحقین کو ملنا چاہیے۔
انہوں نے وفاقی حکومت کو ہدایت کی کہ وہ عدالت کو آگاہ کرے کہ پشاور ہائیکورٹ کے فیصلے پر عملدرآمد ہوا ہے یا نہیں۔
سماعت کے دوران یہ بھی بتایا گیا کہ پشاور ہائیکورٹ کے فیصلے پر عملدرآمد نہ ہونے کے خلاف شہدا کے لواحقین کی جانب سے توہین عدالت کی درخواست دائر کی گئی تھی، تاہم پشاور ہائیکورٹ نے مذکورہ درخواست کو خارج کر دیا تھا۔
بعد ازاں سپریم کورٹ نے وفاقی حکومت سے جواب طلب کرتے ہوئے کیس کی مزید سماعت غیر معینہ مدت کے لیے ملتوی کردی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews جواب طلب سپریم کورٹ عدم ادائیگی معاوضہ پیکج وفاقی حکومت وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ