روس JCPOA نامی جوہری معاہدے میں کلیدی کردار ادا کر رہا ہے، رافائل گروسی
اشاعت کی تاریخ: 26th, September 2025 GMT
صحافیوں سے اپنی ایک گفتگو میں آئی اے ای اے کے سربراہ کا کہنا تھا کہ میں نے اس موقع پر روس کے اہم کردار کا شکریہ ادا کیا جو وہ ایران کے ساتھ مغربی طاقتوں کے جوہری معاہدے JCPOA میں شامل ایک کلیدی ملک کے طور پر ادا کر رہا ہے۔ اسلام ٹائمز۔ IAEA کے ڈائریکٹر جنرل "رافائل گروسی" نے عالمی یوم جوہری توانائی کے موقع پر تقریب کے دوران صحافیوں سے بات چیت میں کہا کہ انہوں نے روسی صدر "ولادیمیر پیوٹن" کے ساتھ ملاقات میں ایران کے معاملے پر تبادلہ خیال کیا۔ انہوں نے کہا کہ میں نے اس موقع پر روس کے اہم کردار کا شکریہ ادا کیا جو وہ ایران کے ساتھ مغربی طاقتوں کے جوہری معاہدے JCPOA میں شامل ایک کلیدی ملک کے طور پر ادا کر رہا ہے۔ یاد رہے کہ JCPOA کے نام سے یہ معروف جامع معاہدہ، 2015ء میں طے پایا۔ یہ معاہدہ 1+5 کے تناسب سے ایران اور امریکہ، روس، چین، فرانس، برطانیہ و جرمنی کے درمیان طے پایا تھا۔
روس اس معاہدے میں ایک اہم دستخط کنندہ ملک تھا جس نے مذاکرات میں تکنیکی اور سفارتی کردار ادا کیا۔ 2018ء میں امریکہ کے یکطرفہ طور پر اس معاہدے سے نکلنے کے بعد، روس نے مسلسل زور دیا کہ یہ معاہدہ ایران کے بین الاقوامی فریقین کے ساتھ آئندہ مذاکرات کی بنیاد ہے اور اس میں واپسی ممکن ہونی چاہئے۔ روس نے یہ بھی تنقید کی کہ مغربی ممالک نے زیادہ سے زیادہ دباؤ اور پابندیوں جیسا راستہ اپنا کر JCPOA کے نفاذ کو مشکل بنا دیا۔ روس کے مطابق، ان اقدامات نے سفارتی مواقع کی راہ میں حقیقی رکاوٹیں کھڑی کی ہیں۔
ذریعہ
ذریعہ: Islam Times
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا