مستونگ پولیس کے ڈی ایس پی رفیق حمزہ حب سے مستونگ آتے ہوئے لاپتہ ہوگئے
اشاعت کی تاریخ: 26th, September 2025 GMT
مستونگ پولیس کے ڈپٹی سپرنٹنڈنٹ آف پولیس (ڈی ایس پی) رفیق حمزہ حب سے مستونگ آتے ہوئے راستے میں لاپتہ ہوگئے، 24 گھنٹے گزرنے کے باوجود ان کا کچھ پتہ نہیں چل سکا۔
پولیس حکام کے مطابق ڈی ایس پی مستونگ رفیق حمزہ ضلع آواران میں آبائی گاؤں مشکے میں اپنی والدہ کی تدفین اور فاتحہ خوانی کے بعد آواران سے واپس حب چوکی آئے تھے اور جمعرات کی دوپہر حب چوکی سے اپنی ڈیوٹی کے لیے مستونگ روانہ ہوئے تھے۔
پولیس حکام کے مطابق وہ سوراب تک پہنچ گئے تھے تاہم اس کے بعد سے ان کا کوئی رابطہ نہیں ہوا اور ان کے موبائل نمبر بھی بند ہیں۔
اس حوالے سے ڈپٹی کمشنر مستونگ بہرام سلیم کا کہنا تھا کہ ڈی ایس پی رفیق حمزہ کی گمشدگی کی اطلاعات ہیں، اس حوالے سے معلومات کی جا رہی ہیں۔
ڈپٹی کمشنر زیارت ذکاء اللّٰہ درانی کا کہنا ہے کہ مسلح افراد نے زیارت کے ضلعی افسر کو اغواء کر لیا ہے، وہ اپنے بیٹے کے ساتھ سیاحتی مقام زیزری گئے تھے۔
دوسری جانب ضلع نوشکی کے بازار میں پولیس موبائل کے قریب دستی بم کا دھماکا ہوا، نوشکی کے ڈبل روڈ پر پولیس اہلکار چیکنگ میں مصروف تھے کہ نامعلوم افراد نے ان پر دستی بم پھینکا جو زوردار دھماکے سے پھٹ گیا۔
پولیس حکام کا کہنا ہے کہ دھماکے کے نتیجے میں ایک راہ گیر عبدالناصر جان بحق اور 5 پولیس اہلکاروں سمیت 8 افرادزخمی ہوگئے، پولیس اہلکاروں کی جوابی فائرنگ سے ملزمان فرار ہوگئے، زخمیوں کو ٹیچنگ اسپتال نوشکی منتقل کر دیا گیا، جہاں ایک پولیس اہلکار کی حالت نازک بتائی جاتی ہے، دھماکے کے تین زخمیوں کو کوئٹہ منتقل کردیا گیا۔
.ذریعہ: Jang News
کلیدی لفظ: رفیق حمزہ ڈی ایس پی
پڑھیں:
حارث رؤف کی حاضر جوابی پر میچ ریفری خاموش ہوگئے
data-id="863a0a8" data-element_type="widget" data-widget_type="theme-post-content.default">
آئی سی سی کے ضابطہ اخلاق کی خلاف ورزی سے متعلق بھارتی ٹیم کی شکایت کی سماعت میں پاکستانی کھلاڑیوں نے بھرپور مؤقف پیش کیا اور الزامات کو ماننے سے صاف انکار کردیا۔
سماعت کی صدارت آئی سی سی میچ ریفری رچی رچرڈسن نے کی، جس میں بھارتی اعتراضات پر پاکستانی کرکٹرز صاحبزادہ فرحان اور حارث رؤف کو طلب کیا گیا۔
ذرائع کے مطابق صاحبزادہ فرحان نے مؤقف اختیار کیا کہ ان کی سیلیبریشن خالصتاً پختون روایات کے مطابق تھی اور اس کا بھارت یا کسی کھلاڑی سے کوئی تعلق نہیں تھا۔ انہوں نے کہا کہ ان کے عمل کو منفی رنگ دینا درست نہیں۔
دوسری جانب حارث رؤف سے جب میچ ریفری نے پوچھا کہ آپ کے 6 صفر کے اشارے کا مطلب کیا تھا، تو فاسٹ بولر نے الٹا سوال کردیا کہ “میرے اشارے سے آپ لوگوں نے کیا مطلب لیا؟”۔ حارث کا کہنا تھا کہ اگر الزام لگایا جا رہا ہے تو ثبوت بھی پیش کیے جائیں، بصورت دیگر ان کے عمل کو غلط طور پر پیش نہیں کیا جاسکتا۔
اطلاعات کے مطابق حارث رؤف کے سوال پر میچ ریفری رچی رچرڈسن کچھ دیر کے لیے خاموش ہوگئے۔ بعد ازاں انہوں نے کہا کہ شاید اس اشارے کا مطلب کچھ اور لیا گیا ہو، جس پر حارث نے دوٹوک جواب دیا کہ یہ صرف شائقین کے لیے تھا اور اس کے پیچھے کوئی اور مقصد نہیں تھا۔ یوں پاکستانی کھلاڑیوں نے مضبوط دلائل کے ساتھ بھارتی شکایات کو مسترد کردیا۔
پنجاب حکومت کا گوداموں میں گندم کے ذخائر کی فزیکل ویریفیکشن اور جیو ٹیگنگ کا آغاز