مرتضیٰ وہاب نے کراچی کو انٹرنیشنل یتیم خانہ بنا دیا، سیف الدین ایڈوکیٹ
اشاعت کی تاریخ: 26th, September 2025 GMT
data-id="863a0a8" data-element_type="widget" data-widget_type="theme-post-content.default">
کراچی: اپوزیشن لیڈر کے ایم سی اور نائب امیر جماعت اسلامی کراچی سیف الدین ایڈوکیٹ نے کے ایم سی بلڈنگ میں پریس بریفنگ دیتے ہوئے میئر کراچی مرتضیٰ وہاب پر سخت تنقید کرتے ہوئے کہا ہے کہ کراچی کو عملاً “انٹرنیشنل یتیم خانہ بنا دیا گیا ہے۔
سیف الدین ایڈوکیٹ نے کہا کہ قابض میئر بار بار “مل کر کام کرنے” کی دعوت دیتے ہیں لیکن اس کا مطلب کرپشن میں شراکت ہے، جس میں جماعت اسلامی کسی صورت شریک نہیں ہوگی۔
انہوں نے کہا کہ اگر واقعی مل کر کام کرنا ہے تو سب سے پہلے کرپشن کو روکا جائے، اختیارات و وسائل نچلی سطح یعنی یونین کمیٹیوں اور ٹاؤنز تک منتقل کیے جائیں اور تمام شہریوں کو مساوی طور پر شہر کا حصہ سمجھا جائے۔
سیف الدین ایڈوکیٹ نے یاد دلایا کہ صرف دو برس میں پیپلز پارٹی کی میئرشپ میں ایک کھرب روپے کا بجٹ پیش کیا گیا لیکن آج تک نہ ان پیسوں کا حساب دیا گیا اور نہ ہی عوام کو کوئی عملی کام دکھائی دیا۔
انہوں نے مزید کہا کہ شہر میں کچرے کے ڈھیر، ابتر سیوریج سسٹم، ناجائز تعمیرات اور سڑکوں کی تباہ حالی نے شہریوں کو عذاب میں مبتلا کر دیا ہے۔
انہوں نے الزام لگایا کہ بلڈر مافیا کھلے عام دعویٰ کرتا ہے کہ اس نے “سسٹم” کو خرید رکھا ہے، اس لیے کوئی ان کے غیر قانونی کاموں کو روکنے کی جرات نہیں کرتا۔
انہوں نے مرتضیٰ وہاب پر الزام لگایا کہ انہوں نے این او سی کے جواز بنا کر گرین لائن منصوبہ روکا مگر قبضہ مافیا اور کرپشن کے خلاف کوئی قدم نہیں اٹھایا۔
اپوزیشن لیڈر نے کہا کہ واٹر اینڈ سیوریج بورڈ قانون کے مطابق میئر کے ماتحت ہے، لہٰذا گٹروں کے اُبلنے، لائنوں کے بیٹھنے اور پانی کی کمی کی براہِ راست ذمہ داری مرتضیٰ وہاب پر عائد ہوتی ہے۔ اسی طرح سولڈ ویسٹ مینجمنٹ اور نالوں کی صفائی کے ناکام منصوبے بھی انہی کی ناکامی کا ثبوت ہیں۔
انہوں نے مزید انکشاف کیا کہ پارکس، کے آئی ایچ ڈی نرسنگ کالج اور کے ایم سی کے اثاثے معمولی کرائے پر پرائیویٹ اداروں کے حوالے کیے جا رہے ہیں، حالانکہ عدالت واضح طور پر کہہ چکی ہے کہ پارکس کو کرائے پر دینا یا کمرشل مقاصد کے لیے استعمال کرنا غیر قانونی ہے۔
سیف الدین ایڈوکیٹ نے کہا کہ کے ایم سی کے اربوں روپے کے ٹھیکے، ایمپریس مارکیٹ کی تزئین، اور دیگر معاہدے بغیر سٹی کونسل کی منظوری کے دیے جا رہے ہیں۔ انہوں نے کہا کہ مرتضیٰ وہاب نے سٹی کونسل میں بڑے بڑے وعدے کیے، لیکن آج تک ایک بھی پورا نہیں کیا گیا۔
انہوں نے مزید کہا کہ کراچی کے شہریوں کو تعلیم، پانی، روزگار اور صحت کی بنیادی سہولتیں فراہم کرنے کے بجائے پیپلز پارٹی اور ایم کیو ایم مہاجر-سندھی کی سیاست بیچ کر عوام کو بے وقوف بنا رہی ہیں۔
اپوزیشن لیڈر نے مزید کہا کہ کراچی کے وسائل پر قبضہ اور بدانتظامی ختم نہ کی گئی تو شہر مزید تباہی کی طرف بڑھے گا،مرتضیٰ وہاب کو چاہیے کہ وہ کارکردگی دکھائیں، نہ کہ جھوٹے دعوؤں اور کرپشن کے ذریعے کراچی کو تباہ کریں۔
ذریعہ: Jasarat News
کلیدی لفظ: کے ایم سی نے کہا کہ انہوں نے
پڑھیں:
کراچی کی قسمت کاُ فیصلہ امیر نہیں غریب کریں گے، گورنر سندھ
گورنر سندھ کامران خان ٹیسوری نے کہا ہے کہ کراچی کی قسمت کاُ فیصلہ امیر نہیں غریب کریں گے، گورنر یوتھ پروگرام کے تحت نوجوانوں کو سیاست، معیشت میں کردار دیا جائے گا، ایم کیوایم رہنما فاروق ستار نے کہا 40 ارب کا پیکیج آج ایم کیو ایم اور اس کے گورنر کی وجہ سے کراچی کو ملا۔
گورنر سندھ کامران خان ٹیسوری نے یہ بات کراچی کے علاقے سرجانی ٹاؤن میں جلسے سے خطاب میں کہی جس میں ایم کیوایم کے اراکین اسمبلی،علاقائی عہدیداروں اور کارکنوں نےبڑی تعداد میں شرکت کی۔
گورنر سندھ نے کہا کہ سرجانی ٹاؤن میں پانی اور بجلی کی فراہمی میں تعطل کے مسائل ہیں، سیوریج کی لائنیں بھی ٹھیک نہیں۔
انہوں نے کہا کہ ترقیاتی کاموں کیلیے فنڈز دیے گئے ہیں ان سےہرممکن مسائل دور کرنے کی کوشش کی جائےگی اور وہ خود ان اسکیموں کا افتتاح کریں گے۔
گورنر سندھ نے کہا کہ کراچی میں قانون کے مطابق جو یہاں کا بنگالی شہری ہے اسکو شناختی کارڈ اور پاسپورٹ کا اجرا کرائیں گے۔
انہوں نےوفاقی وزیر خالد مقبول صدیقی سے کہا کہ وہ سرجانی میں یونیورسٹی بنائیں اور مصطفی کمال سے کہا کہ وہ علاقے میں اعلی سطح کا اسپتال بنائیں۔سرجانی میں گورنر انیشی ایٹو کے تحت آئی ٹی مارکی قائم کی جائےگی اور ایک ہزار علاقے کے نوجوانوں کو گورنر ہاؤس میں آئی ٹی کی تعلیم دی جائے گی۔
گورنر سندھ نے کہا کہ کرپشن کسی صورت برداشت نہیں کیا جائے گا، انہوں نے قانون اور انصاف کی بالادستی کا عہد بھی لیا۔جلسے سے ایم کیوایم رہنما فاروق ستار نے بھی خطاب کیا۔ تقریب کے اختتام پر آتش بازی کامظاہرہ بھی کیا گیا۔
پنجاب کابینہ نے کالعدم تحریک لبیک پاکستان پر پابندی کی باضابطہ توثیق کر دی