بچے کے اغوا اورقتل کیس میں ملزمان عدالتی ریمانڈ پر جیل منتقل
اشاعت کی تاریخ: 27th, September 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) جوڈیشل مجسٹریٹ شرقی کی عدالت نے لانڈھی کے علاقے میں 7سالہ بچے کے اغوا اور قتل کے کیس میں ملزمان کے اعترافی بیان کے بعد ملزمان کو عدالتی ریمانڈ پر جیل بھیج دیا۔لانڈھی کے علاقے میں 7 سالہ بچے کے اغوااور قتل کے کیس کی سماعت ہوئی۔پولیس نے گرفتار دو ملزمان سہیل قریشی اور احسن کو عدالت میں پیش کردیا۔ ملزم سہیل قریشی اور احسن کی جانب سے زیر دفعہ 164 کے تحت بیان قلم بند کروایا گیا۔ ملزمان نے اپنے جرم کا اعتراف کرلیا۔ملزم احسن نے سات سالہ بچے کو زیادتی کا نشانہ بنانے اور قتل کا اعتراف کرلیا۔ملزم احسن نے اپنے بیان میں کہا کہ میں گمراہ ہوگیا تھا، زیادتی کرنے کے بعد شرمندگی سے بچنے کے لیے بچے کو قتل کردیا ،بچے کو پہلے ایک بلاک سر پر مارا جس کے بعد وہ زندہ تھا ،بچے کا گلا دبایا تب بھی اس میں سانس ابھی باقی تھی ایسا لگ رہا تھا زندہ بچ جائے گا ،بچے کو دوبارہ زور دار بلاک سے مارا جس سے بچہ ہلاک ہوگیا ،اس کے بعد بچے کی لاش بوری میں بند کرکے پھینک دی تھی۔
ذریعہ
ذریعہ: Jasarat News
پڑھیں:
کراچی: 6 سالہ بچی سے مبینہ زیادتی کرنے والا ملزم پولیس مقابلے میں مارا گیا
فائل فوٹوکراچی میں جیکسن کے علاقے میں بچی سے مبینہ زیادتی کرنے والا ملزم پولیس مقابلے میں مارا گیا۔
ڈپٹی انسپکٹر جنرل (ڈی آئی جی) ساؤتھ اسد رضا کے مطابق 6 سالہ بچی کی لاش آج دوپہر کو جیکسن کے علاقے سے ملی تھی، ملزم کی گرفتاری کے لیے جیسے ہی پولیس پہنچی، اُس نے پولیس پر فائرنگ کردی۔
ڈی آئی جی کا کہنا ہے کہ پولیس کے ساتھ فائرنگ کے تبادلے میں ملزم ہلاک ہوگیا، جس کے پاس سے اسلحہ برآمد ہوا۔
پولیس کا کہنا ہے کہ بچی کل دوپہر کو لاپتا ہوئی تھی، آج اس کی لاش ملی، ابتدائی پوسٹ مارٹم میں بھی بچی کے ساتھ زیادتی کی تصدیق ہوگئی تھی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار