لانڈھی: ڈھائی سالہ بچہ کھلے مین ہول میں گر کر جاں بحق
اشاعت کی تاریخ: 27th, September 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) سکھن تھانے کی حدود لانڈھی بھینس کالونی جمعہ حمایتی گوٹھ میں ڈھائی سالہ بچہ کھلے مین ہول میں گر کر جاں بحق ہوگیا۔ جاں بحق بچے کی شناخت سمیرولد عامر کے نام سے ہوئی ہے جو اسی علاقے کا رہائشی تھا۔ اہلخانہ کا کہنا ہے کہ سمیر گھر کے قریب کھیلتے ہوئے اچانک لاپتا ہوگیا تھا، جس کے بعد اہلِ محلہ اور رشتے داروں نے تلاش شروع کی۔ کئی گھنٹوں کی جستجو کے بعد یہ حقیقت سامنے آئی کہ بچہ علاقے میں موجود ایک کھلے گٹر میں گر گیا تھا۔ پولیس اور مقامی افراد نے مشترکہ کارروائی کرتے ہوئے لاش کو نکالا اور ضابطہ کی کارروائی کے بعد ورثا کے حوالے کر دیا۔ حکام کا کہنا ہے کہ گھر کے باہر کھیل رہا تھا کہ لائٹ نہ ہونے کے باعث اندھیرے کی وجہ سے ڈھکن کے بغیر کھلے مین ہول میں گر گیا۔ واقعے کے بعد علاقے میں شدید غم و غصہ پھیل گیا، شہریوں نے احتجاج کرتے ہوئے متعلقہ اداروں کو شدید تنقید کا نشانہ بنایا اور مطالبہ کیا کہ کھلے مین ہولز کو فوری بند کیا جائے تاکہ مزید قیمتی جانوں کا ضیاع نہ ہو۔ علاقہ مکینوں کا کہنا ہے کہ بلدیاتی اداروں کی غفلت کے باعث یہ سانحہ پیش آیا ہے، اگر بروقت اقدامات کیے جاتے تو ایک ننھی جان یوں بے وقت موت کا شکار نہ بنتی۔
ذریعہ
ذریعہ: Jasarat News
پڑھیں:
لاہور میں گینگ ریپ کی شکار 18 سالہ گھریلو ملازمہ اسقاطِ حمل کے دوران جاں بحق
لاہور ( اُردو پوائنٹ اخبارتازہ ترین۔ 02 جون2026ء ) لاہور کے علاقے ماڈل ٹاؤن میں مبینہ زیادتی کا شکار ہونے والی 18 سالہ گھریلو ملازمہ اسقاطِ حمل کے دوران جان کی بازی ہار گئی۔ میڈیا رپورٹس کے مطابق لاہور کے علاقہ ماڈل ٹاؤن کے ایک گھر میں ملازمہ کے طور پر کام کرنے والی 18 سالہ لڑکی مبینہ طور پر گینگ ریپ اور بعد ازاں غیر قانونی طبی طریقہ کار کے باعث زندگی کی بازی ہار گئی ہے، متوفیہ نے ہسپتال میں دم توڑنے سے قبل اپنے بیانات ریکارڈ کرادیئے۔ پولیس حکام کا کہنا ہے کہ لڑکی کا حمل ضائع کرنے کے لیے اسے پہلے رائے ونڈ کے ایک نجی کلینک لے جایا گیا، جہاں حالت بگڑنے پر اسے سروسز ہسپتال منتقل کیا گیا، وہ دو روز تک سروسز ہسپتال میں زیرِ علاج رہنے کے بعد دم توڑ گئی، متاثرہ لڑکی نے اپنے تحریری اور ویڈیو بیانات میں مکان مالک کے بیٹے اور ڈرائیور پر اجتماعی زیادتی کا سنگین الزام عائد کیا تھا، بعد میں مبینہ دباؤ کے تحت لڑکی نے اپنے بیان میں تبدیلی کی اور اپنے آخری بیان میں صرف ڈرائیور کو ہی نامزد کیا۔(جاری ہے)
پولیس نے بتایا کہ لڑکی کے ابتدائی بیانات کی روشنی میں گینگ ریپ کا مقدمہ درج کیا گیا تھا، تاہم اس کی موت کے بعد مقدمے میں باقاعدہ طور پر قتل کی دفعات بھی شامل کر دی گئی ہیں، ایک نامزد ملزم ڈرائیور کو گرفتار کرکے جوڈیشل ریمانڈ پر جیل بھیج دیا گیا ہے، قتل کی دفعات شامل ہونے کے بعد کیس کی تفتیش جینڈر سیل سے تبدیل کرکے انویسٹی گیشن ونگ کے سپرد کر دی گئی ہے، پولیس نے گھر کے مالکان سمیت ان تمام افراد کو دوبارہ شاملِ تفتیش کرنے کے لیے نوٹسز جاری کر دیئے ہیں جنہیں پہلے کلیئر کر دیا گیا تھا۔ پولیس کا کہنا ہے کہ ضابطہ فوجداری کی دفعہ 164 کے تحت ریکارڈ کیے گئے بیانات کا دوبارہ باریک بینی سے جائزہ لیا جائے گا، متوفیہ کا پوسٹ مارٹم مکمل کر لیا گیا ہے اور موت کی اصل وجہ رپورٹ آنے کے بعد واضح ہوگی، اگر رائے ونڈ کے نجی کلینک کی جانب سے غفلت یا غیر قانونی طریقہ کار کے شواہد ملے تو اس کے خلاف بھی سخت قانونی کارروائی کی جائے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ