ڈیرہ اسماعیل خان،مزداٹرک خوفناک حادثے کا شکار، 13جاں بحق
اشاعت کی تاریخ: 27th, September 2025 GMT
data-id="863a0a8" data-element_type="widget" data-widget_type="theme-post-content.default">
ڈیرہ اسماعیل خان(اے پی پی)خانوزئی مسلم باغ (صوبہ بلوچستان)سے پیر اصحاب پہاڑپور جانے والا مزدا ٹرک کا بریک فیل ہونے کے باعث حادثے میں ایک ہی خاندان کے 3بچوں اور 6خواتین سمیت 13 افرادجاں بحق جبکہ 3افراد شدید زخمی ہوگئے۔ مزدا ٹرک میں مال مویشی اور دیگر گھریلو سامان بھی موجود تھا، تھانہ مغل کوٹ کی حدود میں دانہ سر کے مقام پر بریک فیل ہونے کے باعث بے قابو ہو کر گہری کھائی میں جا گرا۔ حادثے کے نتیجے میں 13افراد
موقع پر ہی دم توڑ گئے جن میں خواتین اور بچے بھی شامل ہیں۔زخمیوں میں 28 سالہ یوسف ولد ظاہر خان، 8سالہ امان اللہ ولد فیض اللہ اور 26 سالہ دریا خان ولد بہادر خان شامل ہیں، جنہیں مقامی اسپتال منتقل کیا گیا جہاں ان کی حالت نازک بتائی جا رہی ہے۔ حادثے میں مزداٹرک مکمل طور پر تباہ ہوگیا۔ریسکیو اہلکاروں اور مقامی افراد نے موقع پر پہنچ کر امدادی کارروائیاں شروع کیں اور لاشوں و زخمیوں کو اسپتال منتقل کیا۔ پولیس نے جائے وقوع کا معائنہ کرکے حادثے کی تحقیقات شروع کر دی ہے۔
ذریعہ: Jasarat News
پڑھیں:
میلبرن ایئرپورٹ کے لاؤنج میں پاور بینک پھٹنے سے ہنگامی صورتحال، مسافر زخمی
data-id="863a0a8" data-element_type="widget" data-widget_type="theme-post-content.default">
میلبرن: آسٹریلیا کے شہر میلبرن کے انٹرنیشنل ایئرپورٹ پر اس وقت خوفناک صورتحال پیدا ہوگئی جب ایک مسافر کی جیب میں رکھا لیتھیئم پاور بینک اچانک پھٹ گیا اور آگ بھڑک اٹھی، جس سے وہ بری طرح جھلس گیا۔
غیر ملکی میڈیا رپورٹس کے مطابق یہ واقعہ قانتس ایئرلائن کے بزنس لاؤنج میں پیش آیا، جہاں پاور بینک نے زیادہ حرارت پیدا ہونے کے باعث آگ پکڑ لی، اچانک دھواں بھر جانے کے بعد لاؤنج میں موجود تقریباً 150 افراد کو فوری طور پر باہر نکال کر محفوظ مقام پر منتقل کیا گیا۔
عینی شاہدین کے مطابق ایئرپورٹ کے عملے نے فوری کارروائی کرتے ہوئے متاثرہ شخص کو شاور روم میں لے جا کر آگ بجھائی، ابتدائی طبی امداد کے بعد زخمی مسافر کو اسپتال منتقل کردیا گیا، جہاں ڈاکٹروں کے مطابق اس کی حالت خطرے سے باہر ہے۔
قانتس ایئرلائن کے ترجمان نے تصدیق کی کہ واقعے کے بعد لیتھیئم بیٹریز اور پاور بینکس کے استعمال سے متعلق پالیسی کا ازسرِنو جائزہ لیا جا رہا ہے اور جلد نئی حفاظتی ہدایات جاری کی جائیں گی تاکہ مستقبل میں ایسے واقعات سے بچا جاسکے۔
قابلِ ذکر ہے کہ کئی بین الاقوامی ایئرلائنز پہلے ہی پاور بینکس کے استعمال اور گنجائش کے حوالے سے سخت اصول لاگو کر چکی ہیں جبکہ بعض نے انہیں طیارے میں استعمال یا چارج کرنے پر مکمل پابندی عائد کر رکھی ہے۔
موبائل گم ہونے کا معاملہ: کورئیر کمپنی کو صارف کو موبائل اور جرمانہ ادا کرنے کا حکم