سعودی عرب ، غیر ملکیوں کے بچوں کی ملازمت ،نئے ضوابط تیارہونگے
اشاعت کی تاریخ: 27th, September 2025 GMT
سعودی عرب کی حکومت نے مملکت میں مقیم غیر ملکیوں کے اہل خانہ، خاص طور پر بچوں کی ملازمت سے متعلق نئے اصول و ضوابط مرتب کرنے کا فیصلہ کیا ہے۔ کابینہ نے اس حوالے سے وزیر افرادی قوت و سماجی ترقی کو مکمل اختیار دے دیا ہے کہ وہ اس معاملے پر واضح نکات اور قواعد و ضوابط طے کریں۔
سعودی خبر رساں ادارے کے مطابق، یہ فیصلہ کابینہ کے 22 شعبان 1444 ہجری کو جاری کردہ فیصلے نمبر 585 میں ترمیم کے بعد کیا گیا۔ اس ترمیم کے تحت یہ بات یقینی بنانے کی ہدایت دی گئی ہے کہ غیر ملکیوں کے بچے صرف ان شعبوں میں کام کریں جو سعودی شہریوں کے لیے مخصوص نہیں ہیں۔
کابینہ کے فیصلے میں کہا گیا ہے کہ غیر ملکی اہل خانہ کی ملازمت کو باقاعدہ قانونی دائرے میں لانے کے لیے ایک مخصوص فیس بھی مقرر کی جائے گی۔ یہ فیس وزارت خزانہ اور نان آئل ریونیو بڑھانے والے مرکز کی مشاورت سے طے کی جائے گی، اور اس کا تعین موجودہ ورک پرمٹ فیس کے معیار کو مدِنظر رکھ کر کیا جائے گا۔
فی الحال سعودی عرب میں مقیم غیر ملکیوں کے اہل خانہ، خاص طور پر’’مرافقین‘‘ کو کام کرنے کی اجازت نہیں ہوتی۔ ان پر ہر ماہ فی فرد 400 ریال فیس لاگو ہے، جسے تین، چھ، نو یا بارہ ماہ کی قسطوں میں ادا کیا جا سکتا ہے۔
اب جبکہ ضوابط کی تیاری کا عمل شروع ہو چکا ہے، مستقبل میں وہ غیر ملکی جن کے بچے ملازمت کرنا چاہتے ہیں، انہیں مخصوص شعبوں میں کام کرنے کا موقع دیا جا سکے گا — بشرطیکہ وہ باقاعدہ ورک پرمٹ حاصل کریں اور اس کی سالانہ فیس ادا کریں۔
سرکاری سطح پر حتمی ضوابط اور فیسوں کا اعلان جلد متوقع ہے، جس کے بعد یہ قانون عملی شکل اختیار کرے گا۔
ذریعہ
ذریعہ: Daily Mumtaz
کلیدی لفظ: غیر ملکیوں کے
پڑھیں:
آبنائے ہرمز میں ہر حملے کے بدلے ایک پل یا پاور پلانٹ تباہ کریں گے، ٹرمپ کی ایران کو نئی دھمکی
واشنگٹن(ڈیلی پاکستان آن لائن)امریکی صدر ڈونلڈ ٹرمپ نے ایران کو نئی دھکمی دیتے ہوئے خبردار کیا ہے کہ اگر ایران نے آبنائے ہرمز سے گزرنے والے کسی بھی جہاز کو نشانہ بنایا تو امریکہ اس کے جواب میں ایران کا ایک پل یا ایک پاور پلانٹ تباہ کر دے گا۔سوشل میڈیا پلیٹ فارم ٹروتھ سوشل پر جاری اپنے بیان میں ڈونلڈ ٹر مپ نے لکھا کہ آج سے اگر اسلامی جمہوریہ ایران آبنائے ہرمز میں کسی بھی جہاز پر میزائل، راکٹ، ڈرون یا کسی بھی دوسرے ہتھیار سے حملہ کرتا ہے تو امریکہ اس کے بدلے میں ایران کا ایک پل یا ایک پاور پلانٹ تباہ کرے گا، جن میں تہران کے اندر یا اس کے قریب واقع تنصیبات بھی شامل ہو سکتی ہیں۔ خیال رہے کہ یہ پہلا موقع نہیں جب ڈونلڈ ٹرمپ نے ایران کے شہری بنیادی ڈھانچے کو نشانہ بنانے کی دھمکی دی ہو۔ گزشتہ ہفتے ایک انٹرویو میں بھی انہوں نے کہا تھا کہ اگر ایران مذاکرات کی میز پر نہیں آیا تو امریکا اس کے تمام پل تباہ کر دے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی