غزہ بارےصدر ٹرمپ کی مسلم ممالک کے رہنماؤں سے ملاقات کا مثبت نتیجہ نکلے گا،اسحاق ڈار
اشاعت کی تاریخ: 28th, September 2025 GMT
نائب وزیراعظم اور وزیر خارجہ اسحاق ڈار نے کہا ہے کہ غزہ کے حوالے سے صدر ٹرمپ کی مسلم ممالک کے رہنماؤں سے ملاقات کا مثبت نتیجہ نکلے گا۔
لندن میں وزیراعظم کے ہمراہ مشترکہ پریس کانفرنس میں اسحاق ڈار نے کہا کہ غزہ کے حوالےسے صدرٹرمپ کیساتھ مسلم ملکوں کے رہنماؤں کی اہم ملاقات ہوئی،امید کرتے ہیں اس ملاقات کا مثبت نتیجہ نکلے گا۔
اسحاق ڈار نے کہا کہ اقوام متحدہ کے تمام فورمز پربہترین انداز میں پاکستان کامقدمہ پیش کیا اور دنیا نے اُسے بغور سنا بھی ہے۔
انہوں نے کہا کہ نوازشریف کےدورمیں پاکستان دنیا کی24 ویں بڑی معیشت تھی، ہماری حکومت نے پاکستان کودیوالیہ ہونےسے بچایا، ہماری موجودہ کوششیں پاکستانی معیشت کومزید بہترکریں گی۔
Post Views: 2.ذریعہ: Daily Mumtaz
پڑھیں:
شافع حسین سے ملاقات، پی ٹی آئی، دیگر سیاسی و سماجی شخصیات کا پاکستان مسلم لیگ میں شمولیت کا اعلان
لاہور (این این آئی) پاکستان مسلم لیگ پنجاب کے جنرل سیکرٹری وصوبائی وزیر صنعت و تجارت چوہدری شافع حسین سے گجرات کی معروف سیاسی و سماجی شخصیات کے وفد نے مسلم لیگ ہاؤس میں ملاقات کی۔وفد کی قیادت چوہدری رضوان دلدار کر رہے تھے۔اس موقع پر پی ٹی آئی سمیت دیگر سیاسی جماعتوں سے تعلق رکھنے والی گجرات کی سیاسی و سماجی شخصیات نے پاکستان مسلم لیگ میں شمولیت کا اعلان کیا۔انہوں نے پاکستان مسلم لیگ کے صدر چوہدری شجاعت حسین، چودھری شافع حسین اور چودھری سالک حسین کی قیادت پر مکمل اعتماد کا اظہار کیا اور ملک کی تعمیر وترقی اور عوام کی خدمت کیلئے مل کر کام کرنے کا عزم کیا۔ محمد اسلم ٹوپہ نے کہاکہ چوہدری شافع حسین کی عوامی خدمت کی سیاست سے متاثر ہو کر پاکستان مسلم لیگ میں شمولیت اختیار کی ہے۔صوبائی وزیر نے پاکستان مسلم لیگ میں شمولیت اختیار کرنے والوں کو پارٹی پرچم کے مفلر پہنائے۔ صوبائی وزیر صنعت و تجارت چوہدری شافع حسین نے اس موقع پر گفتگوکرتے ہوئے کہاکہ گجرات کی سیاسی وسماجی شخصیات کی پاکستان مسلم لیگ میں شمولیت کا خیر مقدم کرتے ہیں،معروف سیاسی وسماجی شخصیات کی پاکستان مسلم لیگ میں شمولیت سے پارٹی مزید مستحکم ہو گی۔پاکستان مسلم لیگ نے ہمیشہ عوامی خدمت،شرافت اور رواداری کی سیاست کی ہے،ہم چوہدری ظہور الٰہی شہید اور چوہدری شجاعت حسین کی شرافت اور رواداری کی سیاست کو ہی آگے بڑھا رہے ہیں۔پاکستان مسلم لیگ نے پاکستان بنایا اور یہی جماعت اسے ترقی کی منزل سے ہمکنار کرے گی۔چوہدری شافع حسین نے کہاکہ گجرات سمیت پنجاب کو تاریخ کے بدترین سیلاب کا سامنا کرنا پڑا ہے۔وزیر اعلیٰ پنجاب مریم نواز شریف سیلاب زدگان کی مدد اور عوام کی خدمت میں شب وروز کوشاں ہیں۔سیلاب کی صورتحال سے نمٹنے اور متاثرین کی مدد کیلئے وزیر اعلیٰ کی قیادت میں پوری حکومتی مشینری فیلڈ میں موجود رہی۔میں بھی کئی بار مشکلات میں گھرے لوگوں کے دکھ درد بانٹنے ان کے پاس پہنچا۔گجرات کو آئندہ ایسی سیلابی صورتحال سے محفوظ رکھنے کیلئے ابھی سے تیاری شروع کردی ہے۔وزیر صنعت و تجارت پنجاب نے کہاکہ گجرات میں اربوں روپے کے ترقیاتی منصوبوں پر تیزی سے کام جاری ہے،شہر میں عالمی معیار کا سیوریج سسٹم لایا جا رہا ہے۔صحت اور تعلیم کے اداروں اور پارکوں کو آپ گریڈ کیا جارہا ہے۔گجرات شہر کو ترقی کے لحاظ سے پنجاب کا ماڈل شہر بنائیں گے،سروس موڑ بریج دسمبر تک مکمل ہو جائے گا۔چوہدری شافع حسین نے کہاکہ ترقیاتی منصوبوں کی شفاف،بروقت اور معیاری تکمیل یقینی بنائی جارہی ہے۔پاکستان مسلم لیگ کے صدر چوہدری شجاعت حسین کی قیادت میں مل کر عوام کی خدمت کا سفر جاری رکھیں گے۔پاکستان مسلم لیگ میں شمولیت اختیار کرنے والوں میں محمد اسلم ٹوپہ،ندیم سنار،بشیراحمد ٹوپہ،سیدمحمد اکبر،محمد ارشاد،مبشر ریاض اور دیگر شامل تھے۔
ترقیاتی کاموں کو جلد از جلد مکمل کیا جائے‘ڈپٹی میئر