امریکا میں سابق فوجی کا چرچ پر حملہ، عمارت کو آگ لگا دی، 4 ہلاک، متعدد زخمی
اشاعت کی تاریخ: 29th, September 2025 GMT
امریکی ریاست مشی گن کے شہر گرینڈ بلانک میں سابق میرین نے چرچ پر حملہ کر کے کم از کم 4 افراد کو ہلاک اور 8 کو زخمی کر دیا۔
پولیس کے مطابق 40 سالہ تھامس جیکب سینفورڈ نامی حملہ آور نے اپنی گاڑی چرچ کے مرکزی دروازوں سے ٹکرا دی اور پھر خودکار رائفل سے چرچ پر فائرنگ کردی اور عمارت کو آگ لگا دی۔ اس دوران سینکڑوں افراد چرچ میں موجود تھے۔
یہ بھی پڑھیے: امریکا میں 70 سالہ سکھ بزرگ پر وحشیانہ حملہ، حالت تشویشناک
ابتدائی طور پر 2 افراد فائرنگ سے ہلاک ہوئے جبکہ 8 کو اسپتال منتقل کیا گیا۔ بعد ازاں جلنے والے چرچ کے ملبے سے مزید 2 لاشیں برآمد ہوئیں۔ پولیس چیف ولیم رینی کے مطابق مزید افراد لاپتا ہیں اور امکان ہے کہ چرچ کے ملبے سے مزید لاشیں بھی مل سکتی ہیں۔
حکام کا کہنا ہے کہ حملہ آور نے آگ لگانے کے لیے پٹرول کا استعمال کیا اور جائے وقوعہ سے کچھ دھماکا خیز مواد بھی برآمد ہوا۔ ایف بی آئی نے اس واقعے کی تحقیقات شروع کردی ہیں۔
پولیس کے مطابق ہنگامی کال ملنے کے 30 سیکنڈ بعد 2 اہلکار موقع پر پہنچے اور فائرنگ کے تبادلے میں حملہ آور کو چرچ کے باہر ہلاک کر دیا۔
سرکاری ریکارڈ کے مطابق سینفورڈ 2004 سے 2008 تک میرین فورسز میں خدمات انجام دے چکا تھا اور عراق جنگ کا حصہ رہا۔
یہ بھی پڑھیے: سڈنی چرچ حملہ، زخمی پادری نے حملہ آور کو معاف کردیا
یہ واقعہ امریکا میں 2025 کا 324واں اجتماعی حملہ ہے۔ صرف 24 گھنٹوں کے دوران یہ تیسرا بڑا واقعہ ہے۔ اس سے پہلے نارتھ کیرولائنا میں ایک اور میرین سابق فوجی نے 3 افراد کو قتل اور 5 کو زخمی کیا، جبکہ ٹیکساس میں ایک کیسینو میں فائرنگ سے 2 افراد ہلاک ہوئے۔
صدر ڈونلڈ ٹرمپ نے اس حملے کو امریکا میں مسیحیوں پر ایک اور ہدف پر مبنی حملہ قرار دیا اور کہا کہ ملک میں بڑھتی ہوئی تشدد کی لہر کو فوری ختم کرنا ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا چرچ حملہ دہشتگردی.ذریعہ: WE News
کلیدی لفظ: امریکا حملہ دہشتگردی امریکا میں کے مطابق چرچ کے
پڑھیں:
تہران یونیورسٹی میں دھماکہ، ایک ہلاک 4 زخمی
data-id="863a0a8" data-element_type="widget" data-widget_type="theme-post-content.default">
تہران:۔ ایرانی دارالحکومت تہران کی ایک یونیورسٹی کی لیبارٹری میں دھماکے کے نتیجے میں ایک شخص جاں بحق جبکہ چار دیگر زخمی ہوگئے۔ مقامی میڈیا رپورٹس کے مطابق یہ واقعہ تہران یونیورسٹی کے انجینئرنگ و ٹیکنیکل کالج میں پیش آیا، جو امیرآباد کے علاقے میں واقع ہے۔
تہران فائر ڈپارٹمنٹ کے ترجمان جلال ملکی کے مطابق دھماکے کی وجہ ہائیڈروجن کیپسول کا پھٹنا بتایا جا رہا ہے۔ عینی شاہدین نے بتایا کہ دھماکے کے بعد زوردار آواز سنائی دی اور لیبارٹری کے قریب آگ بھڑک اٹھی۔ تاہم فائربریگیڈ نے موقع پر پہنچ کر صورتحال پر قابو پا لیا۔
ترجمان کے مطابق آگ بجھا دی گئی ہے اور دھماکے کی مزید تحقیقات جاری ہیں۔ واضح رہے کہ حالیہ مہینوں میں تہران میں متعدد دھماکے اور آگ لگنے کے واقعات سامنے آچکے ہیں جنہیں زیادہ تر گیس لیکج اور برقی شارٹ سرکٹ سے جوڑا گیا ہے۔
اٹلی میں معرکہ حق انٹرنیشنل سیمینار کا انعقاد، افواجِ پاکستان سے والہانہ اظہارِ محبت