پی آئی اے آج سے ٹورنٹو کیلئے پروازیں دوبارہ شروع کرےگی
اشاعت کی تاریخ: 30th, September 2025 GMT
قومی ائیرلائن (PIA) نے کینیڈا کے شہر ٹورنٹو کے لیے پروازیں آج سے بحال کر دی ہیں۔ ترجمان پی آئی اے کے مطابق کراچی سے پرواز PK-783 ٹورنٹو روانہ ہوگی۔
ایئرلائن نے ٹورنٹو کی تمام پروازیں 13 سے 28 ستمبر تک طیاروں کی کمی اور فاضل پرزہ جات کی عدم فراہمی کے باعث معطل کر رکھی تھیں۔ ذرائع کے مطابق پی آئی اے عام طور پر اس روٹ پر طویل فاصلے کی نان اسٹاپ پروازیں بوئنگ 777 لانگ رینج طیاروں کے ذریعے آپریٹ کرتی ہے، لیکن دونوں طیارے اس وقت گراؤنڈ ہیں۔ ایک طیارے کے لینڈنگ گیئرز کی تبدیلی کے لیے پرزہ جات تو مل گئے ہیں مگر مطلوبہ ٹولز دستیاب نہ ہونے کے باعث یہ کام مکمل نہیں ہوسکا۔
ایسے میں ٹورنٹو کی پرواز کو عارضی طور پر بوئنگ 777-300 ای آر طیارے کے ذریعے آپریٹ کیا جائے گا۔
پی آئی اے نے ٹورنٹو کے لیے ٹکٹوں پر 15 فیصد رعایت کا بھی اعلان کیا ہے، جو 10 اکتوبر تک دستیاب ہوگی۔ یہ رعایتی ٹکٹ 30 ستمبر سے 19 دسمبر تک سفر کے لیے قابلِ استعمال ہوں گے۔
.
ذریعہ
ذریعہ: Al Qamar Online
کلیدی لفظ: کے لیے
پڑھیں:
دوسرا ون ڈے: آسٹریلیا نے پاکستان کو جیت کیلئے 232 رنز کا ہدف دے دیا
تین ایک روزہ میچوں کی سیریز کے دوسرے میچ میں آسٹریلیا نے پاکستان کو جیت کے لیے 232 رنز کا ہدف دے دیا۔لاہور کے قذافی اسٹیڈیم میں کھیلے جارہے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی۔مہمان ٹیم نے پہلےکھیلتے ہوئے مقررہ 50 اوورز میں 9 وکٹ پر 231 رنز اسکور کیے۔آسٹریلیا کی جانب سے کیمرون گرین 53، جوش انگلس 51 اور میٹ رنشا 43 رنز بنا کر نمایاں رہے۔پاکستان کی جانب سے کپتان شاہین آفریدی نے 3 جب کہ حارث رؤف ، عرفات منہاس اور ابرار احمد نے 2،2 وکٹیں حاصل کیں۔پاکستان نے آسٹریلیا کے خلاف پہلا ون ڈے جیتنے والی ٹیم کو ہی برقرار رکھا ہے۔خیال رہے کہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ